Að greiða ekki erlendar skuldir ríkisins vegna ábyrgða er stærsta réttlætismál heimilanna!

Nú er talið að skuldirnar sem að muni leggjast á ríkissjóð vegna erlendra ábyrgða, jöklabréfa og hvað má til telja, séu að minnsta kosti rúmir ellefu þúsund milljarðar. 11.000.000.000.000!!!

Verg landsframleiðsla fyrir árið 2009 mun vafalaust ekki ná þúsund milljörðum. Af VLF má gefa sér að kannski að hámarki 5% gæti farið í að greiða erlendar kröfur eða um 50 milljarðar. Til að gera langa sögu stutta að þá er þetta einfaldlega afar einfalt reikningsdæmi.

Það er engin hætta á því að við getum nokkurn tímann greitt þessar skuldbindingar. Engar líkur á því!!

Svíar fengu á sig um það bil eina verga landsframleiðslu í bankahruninu sem var hjá þeim fyrir um 15 árum síðan og eru enn að greiða það til baka. Hvað ætli taki okkur langan tíma að greiða ellefu þúsund milljarða til baka með vöxtum með að hámarki fimmtíu milljörðum til greiðslu á ári?

Svarið við spurningunni er að það tekst aldrei!  Ef við gætum samið um að greiða það aftur vaxtalaust til kröfuhafa að þá væri það mögulegt en tæki þó 220 ár svona um það bil.

Er ekki rétt að fara bara að horfast í augu við þann veruleika að við erum EKKI að fara að greiða þessar skuldir til baka?

Frumvörp um stöðu heimilanna

Athugasemdir

[Helga (IP-tala skráð) 3.2.2009 kl. 00:11]

Það hefur verið sagt að skuldirnar séu 2.300 milljarðar til 3 þúsund milljarðar! Hvaðan hefurðu þær upplýsingar að þær séu 11 þúsund milljarðar?

[Baldvin Jónsson, 3.2.2009 kl. 00:20]

Fékk þessar upplýsingar í kvöld - skilst að þær eigi að koma í fréttum á morgun.

Séu skuldirnar "aðeins" 3.000 milljarðar breytir það samt litlu. Við munum samt ekki geta greitt þær nema vaxtalaust eða nánast vaxtalaust til baka og þá á afar löngum tíma.

[Helga (IP-tala skráð) 3.2.2009 kl. 00:29]

3.000 milljarðar er 10 milljónir á hvern einstakling og tvöfalt meira ef aðeins er deilt á þá sem eru á vinnumarkaði.

Sammála þér að þjóðin ræður ekki við að borga 3.000 milljarða og ég segi að þjóðin á ekki að borga þá vegna þess að þetta eru ekki hennar skuldir.

Það verður athyglisvert að heyra 11.000 milljarða "skuldina" staðfesta.

[Hörður B Hjartarson, 3.2.2009 kl. 00:32]

Úff ég er kominn með bullandi hausverk af að lesa öll þessi núll , og lagstur í hundrað ára þunglyndi  .

[Baldvin Jónsson, 3.2.2009 kl. 00:35]

3.000 milljarðar eru nefnilega ekki "bara" 3.000 milljarðar í hefðbundnum skilningi.

3.000 milljarðar á sanngjörnum vöxtum, segjum 3% eru þá 90 milljarðar í bara vexti fyrsta árið á sama tíma og við getum væntanlega ekki borgað nema um 50 milljarða.

Það er mögulega gerlegt að greiða með miklum skattahækkunum og mjög aukinni byrði á heimilin, en hversu margir munu þá ekki flytja bara úr landi?

[Helga (IP-tala skráð) 3.2.2009 kl. 00:51]

Ertu að segja að "skuldir" + vextir séu 11.000 milljarðar?

Það verður aldrei hægt að skattleggja íslensk heimili fyrir þessum upphæðum sem Bretar með hjálp Evrópusambandsins og þau síðan bæði með hjálp Alþjóðagjaldeyrissjóðsins hafa neytt upp á íslensku þjóðina. Milljóna manna samfélag eins og Bretland gæti hugsanlega greitt þessa upphæð en ekki 300.000 manna samfélag.

En vonandi verður sagt sannleikurinn á morgun. Það var borin von að fyrrverandi ríkisstjórn segðu okkur sannleikann en ég vona að sú nýja tali við okkur.

[Arinbjörn Kúld, 3.2.2009 kl. 00:55]

Þessir 11.000 milljarðar eru nánast allar erlendar skuldir bankana á síðasta ári samkvæmt seðlabanka íslands. Það skyldi þó aldrei vera að við yrðum látin greiða þær allar. Ekki að furða að engin svör hafi fengist. Engin furða að GHH hafi sagt: Guð hjálpi Íslandi. Verði það raunin þá er ég farin í vor. Guð hjálpi okkur öllum!

[Helga (IP-tala skráð) 3.2.2009 kl. 01:07]

Baldvin og Arinbjörn, ég er hætt að skilja! Bankarnir voru einkabankar. Ef ríkisreknu bankarnir voru ekki látnir taka skuldir einkabankana yfir, þá skil ég ekki hvernig skuldir einkabanka eru á ábyrgð þjóðarinnar.

Ítreka að þjóðinni verði sagður sannleikurinn umbúðalaust og án tafar!

[Baldvin Jónsson, 3.2.2009 kl. 01:17]

Helga, ríkið skuldar ábyrgðirnar sem teknar voru yfir og ýmislegt meira, t.d. Jöklabréfin. Jöklabréfin voru gefin út af Seðlabanka Íslands og erlendi gjaldeyririnn síðan lánaður áfram til bankanna hér heima sem nú augljóslega geta ekki greitt þá skuld aftur.

En nei, ég var ekki hér að ofan að segja að þessir 11 þúsund milljarðar væri áætlun með vöxtum. Það er bara talan sem mér var borin í kvöld. En eins og ég segi að þá væru 3 þúsund milljarðar alveg næg upphæð til þess að við ættum ekki að reyna að greiða hana. Það einfaldlega gengur bara ekki upp.

[Helga (IP-tala skráð) 3.2.2009 kl. 01:22]

Takk, Baldvin. Ekki fleiri athugasemdir í bili. Ég er orðlaus!

[nicejerk (IP-tala skráð) 3.2.2009 kl. 09:49]

11.000.000.000.000 er ekki endanleg upphæð því eignir bankanna koma inn í þessa tölu. Hreinar opinberar þjófnaðartölur Ríkisskattstjóraembættisins eru 20.000.000.000.000 og síðan má draga frá verðlausar eignir bankanna frá þessarri tölu. Nota Bene: það var staðan við árslok 2007! Hér má bæta við Icesave þjófnaðinum og sukk árið 2008. Þvílíkir loftbólumæringar sem stóðu að þessarri skuldasöfnun. Þeir eiga skilið orðu í rassinn fyrir frammistöðuna. Íslensku bankarnir keppa við Enron um fyrsta sætið í blekkingarrekstri.

Það er alltaf möguleikinn á að lýsa sig gjaldþrota, þar sem enginn fær neitt, eða semja við lánadrottna um 5% endurgreiðslu í stað einskins. Það hafa allir tapað á þessu sorglega ævintýri. Hvað er verið að draga þetta á langinn? Af hverju er ekki gengið frá þessu sem fyrst? Töluglöggir menn eru löngu búnir að sjá fyrir endann á þessu. Skuldin er há á höfðatölu, en einungis smáupphæð á alþjóðavísu. 

[Valsól (IP-tala skráð) 3.2.2009 kl. 10:25]

Takk Sjálfstæðisflokkur  fyrir að setja mig í skuldaklafa til æviloka og bönin mín og alla mína niðja. Já takk kærlega Sjálfstæðisflokkur fyrir ekki neitt. Þetta ómerkilega frjálshyggulið er búið að rústa landinu okkar og orðspori þess, það er þess vegna með ólíkindum að enn skuli fjórðungur þjóðarinnar styðja þennan flokk. Ef við skuldum 11.000 miljarða er nokkuð ljóst að við getum ekki borgað það, en því miður þá lét seðlabankastjóri þau orð falla að trixið væri að við ætluðum ekki að borga né standa við alþjóðlega skuldbindingar okkar. Þetta eyðilagði orðspor þjóðarinnar og gerði það að verkum að við getum ekki samið okkur frá þessu með góðu móti. Maðurinn sem á heiðurinn af því að búa þetta til hefur með myndlíkingu stungið stórum ríting í hjarta þjóðarinnar. Burt með hann úr Seðlabankanum.

[Arinbjörn Kúld, 3.2.2009 kl. 11:26]

Helga, já bankarnir voru einkafyrirtæki og því óskiljanlegt eða illskiljanlegt að ríkið, við, skulum vera neydd til að taka þessar skuldir á okkur. Þetta er í reynd brot á EES samningum því ríkisábyrgð má EKKI vera á skuldbindingum einkafyrirtækja skv. honum. Samt er verið að neyða okkur til þess af Evrópusambandinu og vinaþjóðum t.d. norðurlöndum. Hvort sem það eru 3.000 milljarðar eða 11.000 milljarðar eða ekki þá er verið að neyða okkur til að borga þetta. Heyrst hefur að ástæðan sé sú að fjármálakerfi Evrópu hrynur ef við borgum þetta ekki því þá fylgja fleiri í kjölfarið en okkur kemur það bara ekkert við er það ekki? Verið er að setja fordæmi líklega en menn virðast ekki skilja að 315 þúsund manns geta ekki staðið undir þessum ósköpum. En upplýsingar er af afar skornum skammti og það er t.d. ekki búið að semja um Icesafe og Egde skuldirnar ef ég skil rétt. Þannig að þetta er alls ekki búið.

[Fannar frá Rifi, 3.2.2009 kl. 11:28]

hvað sagði Davíð og engin vildi hlusta á eða mark á taka?

[Guðmundur Ásgeirsson, 3.2.2009 kl. 11:43]

Þetta eru svo stórar tölur, olían á Drekasvæðinu er t.d. sögð vera virði 100 trilljóna, það er svona stór tala: 100.000.000.000.000 kr.  ;)

[Baldvin Jónsson, 3.2.2009 kl. 15:20]

Já Bofs, en mögulegar olíutekjur eftir um 25-50 ár hjálpa okkur afskaplega lítið hér og nú. Það eru líka ætlaðar tekjur byggðar á í raun draumi, þar sem í fyrsta lagi olían er EKKI fundin og í öðru lagi veit enginn hvert raunmagnið er. Þetta eru allt spár. Þirðji óvissuþátturinn er síðan hvort að olía verði ennþá þetta mikilvægur orkugjafi loksins þegar að við mögulega komum henni á markað.

Davíð hefur sagt ýmislegt Fannar, undanfarið aðallega hluti sem hafa skaðað okkur stórkostlega. Að bregðast ekki við orðum Davíðs fyrir rúmu ári síðan skrifast síðan alfarið á Sjálfstæðisflokkinn líka.

[Vilhjálmur Þorsteinsson, 3.2.2009 kl. 22:11]

Baldvin, þetta er ekki rétt tala.

Jöklabréf eru Seðlabanka Íslands og ríkissjóði óviðkomandi.  Það eru bréf sem erlendir skuldarar gáfu út í íslenskri krónu, t.d. Toyota og Evrópski þróunarbankinn.  Sjá t.d. Vísindavefinn.

Sjá nýjustu bloggfærslu mína um þetta efni, sem m.a. er byggð á fréttatilkynningu frá fjármálaráðuneytinu.

[Baldvin Jónsson, 3.2.2009 kl. 23:22]

Ég gleðst innilega Vilhjálmur reynist þessar tölur rangar. Heimildarmaðurinn sem ég hitti í gærkvöldi lagði þetta fram og sagði þetta samantekt á öllum þeim tölum sem að hefðu komið fram í málinu hingað til. Skýrslan hins vegar sem að þú vísar til tekur til dæmis ekki með AGS lánið og samhangandi lán sem komu og munu koma á næstu vikum og mánuðum.

Skil hins vegar ekki hvernig Jöklabréfin eru ekki á endanum okkar hausverkur í gegnum gengishrunið sem sölu þeirra mun fylgja?Það hefur verið áætlað af AGS að gengið muni falla um u.þ.b. 40% til viðbótar og að gengið muni síðar líklega aftur ná fyrri styrk, og þá áttu þeir við það gengi u.þ.b. sem krónan stendur í núna. Jöklabréfin sjálf eru ekki okkar skuldir en afleiðinga þeirra mun gæta kröftuglega í íslensku samfélagi ef ekkert verður að gert.

[Baldvin Jónsson, 3.2.2009 kl. 23:26]

Ég leiðrétti það hér með að skýrslan sem Vilhjálmur vísar til tiltekur líka AGS lánapakkann, en aðeins það sem komið er og þar sem að enn hefur engu af því verið eytt (þ.e.a.s. um áramótin a.m.k.) tiltaka þeir líka sömu upphæð sem eign á móti láninu. Það er að sjálfsögðu nokkur einföldun en um áramótin var það þó rét staða, þar sem að t.d. vextir voru ekki farnir að myndast á lánið.

[Vilhjálmur Þorsteinsson, 3.2.2009 kl. 23:29]

Það er rétt hjá þér Baldvin að erlendir fjárfestar sitja inni með krónur sem þeir vilja selja sem fyrst, og það hefur áhrif til veikingar krónu nema sérstaklega sé samið við þá til að binda þá í löngum bréfum eða nota AGS lán til að kaupa af þeim krónur.

Annars er AGS lánið ekki nettóskuld, við eigum það inni á reikningi í Federal Reserve Bank of New York þangað til það verður notað, ef það verður þá notað.

Það eru margir sem rugla saman heildarlántöku og nettóskuldastöðu.  Sjá nánar á blogginu mínu.

[Baldvin Jónsson, 4.2.2009 kl. 00:04]

Nei skil það Vilhjálmur, enda segi ég hér í aths. 19 að þannig sé staðan um áramótin. Eign á móti skuld.

Í útópíunni er það síðan auðvitað þannig að lánið verði ekki snert, það virðist hins vegar heldur ólíklegt miðað við horfurnar í dag.

En takk fyrir innlitið hér og pistlana þína Vilhjálmur, þeir eru þægileg jarðtenging í allri óvissunni þessa dagana.