Hressandi fréttir svona í snjókomunni.......

Fannst sérstaklega skemmtilegt að lesa þarna um hugmyndir nýrra eigenda, þarna eru greinilega alvöru menn á ferðinni.

Setningar eins og t.d.: "ekkert mál að gíra sig upp í að sigra Barcelona eða Chelsea" eru mér að skapi og ég tek undir það heilshugar sem Liverpool aðdáandi til 30 ára að það væri verulega heillandi að fá meiri breidd og styrk í liðið í Úrvaldsdeildinni.

Það er fylllega kominn tími á að við poolarar fáum að sjá nokkra alvöru markaleiki líka á útivelli

Áfram Liverpool, ólíkt mörgum þá "göngum við ekki einir" til skógar.

Liverpool hyggst kaupa marga leikmenn

Glæsilegt framtak þarna á ferð...

Eru uppi umræður meðal skógfræðinga að þetta sé nú ekki alveg svona einfalt, að það megi tvöfalda tölu trjáa sem þarf til að ná "jöfnun" þar sem tré framleiði afar mismikið súrefni eftir árstíma og árferði.

En hei, einbeitum okkur frekar að jákvæða hlutanum. Með þessu framtaki http://www.kolvidur.is  verkefnisins er verið að taka stórt skrefi í átt að bættum heimi.  Gefum heldur kredit fyrir það.

Það má lengi velta því fyrir sér hversu langt þarf að ganga, en ekki gleyma að hrósa fyrir gott framtak fólks fram að því.  Ég keyri um á heldur stórum bíl, bíl sem ég nota til ferðalaga um hálendið bæði sjálfur og með ferðamenn.  Hefur oft angrað mig aðeins hvað svona bíll er óumhverfisvænn í raun og þó að þetta geri hann ekki "grænan", þá er hann engu að síður a.m.k. mun grænni á eftir

Þjóðin kaus yfir sig aukna mengun 12. maí, tökum nú ábyrgð á okkar hlut og leggjum málinu lið.

Starfsemi Heklu kolefnisjöfnuð

Fékk þennan sendan á pósti....(er ekki kominn tími á eina færslu lausa við pólitík)

A Polish immigrant went to the DMV to apply for a driver's license.

 

First, of course, he had to take an eye sight test. The optician showed him a card with the letters:  'C Z W I X N O S T A C Z.'

 

"Can you read this?" the optician asked.

 

"Read it?" the Polish guy replied, "I know the guy."

Til hamingju Íslandshreyfingin!!!

Til hamingju allir með frábæran árangur. Á aðeins 3 mánuðum tókst að byggja afl sem þrátt fyrir lítt vinsæl stefnumál tókst að fá um 6000 atkvæði. Frábær árangur!!!

Og hey, allt hjal um að Íslandshreyfingin hafi hjálpað stjórninni er stórkostleg della. Skv. síðustu könnunum fyrir kosningar þá tók Íslandshreyfingin flest sín atkvæði frá B og D!!  Þrátt fyrir það tókst D að stórsigra í þessum kosningum miðað við flokk sem er búinn að sitja nú þegar í 16 ár. B listi hins vegar er augljóslega að sleikja sárin.

Félagshyggjufólk B lista er komið til okkar og Samfylkingar, hvernig stendur á því að félagshyggjufólk D lista treystir sér ekki til þess að standa með persónulegum skoðunum?

En ótvíræðir sigurvegarar án viðmiðs við eytt eða neitt eru að sjálfsögðu VG. Til hamingju VG.

Nú er það okkar allra að standa saman að því að vera stjórnvöldum landsins til halds og trausts við það að verja landið okkar og samfélag.

Ekkert bruðl, grænt ER arðbært.

Hvernig metum við framtíð?

Það er spenna í mér í dag.  Kjörfundur hefur verið settur og stendur til 22:00 í kvöld.  Það er komið að deginum þar sem reynir á okkur að velja á milli þess að kjósa af eigingirni til skammtímasjónarmiða, eða að kjósa til framtíðar og velja þar með velgengni fyrir okkur öll en ekki bara næstu örfáar kynslóðir.

Íslandshreyfingin stendur fyrir grænum kapítalisma í íslenskum stjórnmálum.  Það er ný hugmynd í íslenskum stjórnmálum að það sé hægt að vera grænn og arðbær á sama tíma.  Það er hinsvegar engin vafi á því í mínum huga að það er margfalt arðbærara að framkvæma í sjálfbærni og geta þar með hagnast á auðlindum okkar og umhverfi aftur og aftur.

Við sjáum það að sjálfsögðu öll að það að framkvæma stöðugt í "einnota" hugsun er ekki þjóðinni til framdráttar.

X við I í dag stendur m.a. fyrir:

• Þroskaða umræðu og framtíðar skipulag á stóriðju- og orkunýtingu þjóðarinnar
• Lækkun skatta á fyrirtæki til að byggja enn frekar undir sterkt atvinnulíf og þar með fleiri störf.
  Reynslan hefur nú þegar sýnt að það eykur tekjur þjóðarinnar að lækka skatta á rekstri.
• Að styrkja nýsköpun og sprotafyrirtæki og sérstaklega á landsbyggðinni með því sem við höfum kallað dönsku aðferðinni.
• Hækkum skattleysismörk, já eða réttara sagt leiðréttum þau aftur miðað við verðlagsþróun. Að setja skattleysismörkin í 142.600.- aftur er réttmæt og þörf kjarabót fyrir láglaunaða og skilar margfalt meiri árangri en hátekjuskattur t.d. gæti nokkurn tíma gert.

Sjá nánar á http://www.islandshreyfingin.is

Hér eru nokkrar myndir af náttúruperlunni við Langasjó, sem við getum kvatt sitji D og B áfram í ríkisstjórn:

      

 

 

 

 

 

 

      

Til hamingju Ísland :-)

Það er nú svo sem ekki búið að kjósa, en ef þetta verður niðurstaðan og stjórnin fellur er unninn stórsigur.  Við fáum kannski ekki Eika í Evró, en í staðinn verðlaunin stóru. Mögulega framtíð barnanna okkar í óspilltri náttúru.

Samfylkingin hefur gefið út skýrar línur í stefnu sinni til framtíðar náttúru í m.a. Fagra Ísland. Ef þetta verður raunin í kjörtölum að þá er okkar allra að vona, já betur en það, sjá til þess að Samfylkingin hviki hvergi frá stefnu sinni.

En að sjálfsögðu er besta leiðin til að tryggja arðbæra nýtingu auðlinda okkar og góðan grænan kapítalisma að kjósa Íslandshreyfinguna. 

Settu X við I og gleðjumst saman yfir velgengninni næstu 4 árin.

Ríkisstjórnin fallin samkvæmt könnun Stöðvar 2

Þykir þér vænt um Langasjó??

Ég veit ekki með þig, en Langisjór er fyrir mér þvílík perla í íslenskri náttúru að það mætti að mínu mati sökkva stórum hluta hálendisins frekar ef þyrfti að velja á milli.  Við þurfum hins vegar sem betur fer ekki að velja á milli Langasjós eða t.d. Þjórsárvera.

Valið stendur hins vegar um áframhaldandi sömu ríkisstjórn eða X við I !!!  Taktu ábyrgð, fellum ríkisstjórnina.

 

 

Fellum stóriðjustefnuna !!

Hvað kostar framtíð?

X við I

Skemmtilegt vídeó sem mér var sent.......

 

Ætlum við ekki að ná í gegn breytingum?

XI er leiðin til að fella núverandi ríkisstjórn en stefna engu að síður minni forræðishyggju og grænum hagvexti.

X við I 12. maí

 

Hugleiðing í aðdraganda kosninga........hverjum get ég treyst??

Mér er afar órótt innanbrjósts satt best að segja.  Þetta er ekki mál sem er mér léttvægt, þetta er ekki góðlátlegt áhugamál.  Ég hef verulegar og raunverulegar áhyggjur af því að siðblindir valdhafar þessa lands fái að sitja áfram að völdum.  Ég hef af því verulegar áhyggjur að þeim takist á næstu 4 árum að ganga endanlega frá auðlindum okkar í hendur fárra vina sinna og skilja landann þar með eftir allslausan.

Hefur þú áhyggjur?  Einn af mínum bestu vinum sendi mér smá hugleiðingu á tölvupósti í dag þar sem að hann deildi með mér sömu áhyggjum og ég er að upplifa.  Hann dvaldi langdvölum í Frakklandi fyrir nokkrum árum síðan og það var honum hugleikið hversu blint við kjósum að treysta valdhöfum meðan að þeir selja frá okkur undirstöðueignir þjóðarinnar. Hann sagðist sannfærður um að ráðamönnum yrði sko ekki kápan úr því klæðinu hjá frönsku þjóðinni.

En endanlega datt af mér andlitið í dag þegar ég sá forsíðu málgagns Sjálfstæðismanna, Morgunblaðsins, þar sem var letrað stórum stöfum að yfirtaka Alcoa á Alcan myndi ekki hafa mikil áhrif hér á landi!!!  Erum við ekki í lagi??  Myndi það ekki hafa áhrif hér á landi ef eitt risafyrirtæki væri kaupandi að 85% af allri orkiframleiðslunni okkar!!!  85%!!

85% er svo sterk staða að þeir gætu í raun bara krafist nánast þess sem þeim sýnist, það er bara svoleiðis.

Ég efast ekki eina mínútu um það að forráðamenn Sjálfstæðisflokksins trúa því að það sem þeir eru að gera sé þjóðinni fyrir bestu. En það er einmitt þess vegna sem að verður án frekari tafa að gefa þeim frí frá stjórnun landsins.  Valdahrokinn er búinn að blinda þá svo gjörsamlega að þeir sjá ekki lengur muninn á réttu og röngu. Sjá ekki muninn á réttlæti og vinagreiðum.

Ég trú því hins vegar ekki eina mínútu að sala Landsvirkjunar sé ekki á borði núverandi valdhafa. Það hafa bara einfaldlega farið fram of miklar breytingar undanfarið til að það sé ekki eitthvað í spilunum.  Minni líka á það að Kristinn Björnsson og Kolkrabbavinir hans í FL Group sitja á miklum sjóðum og virðast vera að bíða eftir einhverjum vænlegum fjárfestingarkosti.

Hefur þú í alvöru engar áhyggjur??

Ég vil að sjálfsögðu hvetja þig kröftuglega til þess að setja atkvæði þitt við I á komandi laugardag.
En ef ekki X við I, þá verðurðu að lofa mér því fyrir heill þjóðarinnar allrar að setja ekki X við ríkisstjórnarflokkana.  Hvort sem að þér líkar stjórnarandstaðan eður ei, þá bara verður að skipta inn á nýjum hugmyndum.  Það er algert grundvallarmál að fella sitjandi ríkisstjórn!!!

X við I  -  við skuldum þjóðinni það.