Skipulögð mótmæli vegna fasteignaverðs á Íslandi

Samkvæmt heimildum er búið að skipuleggja mótmæla göngu og stöðu seinni partinn í dag vegna allt of hás fasteignaverðs á Íslandi.

Planið er að leggja saman af stað frá Hlemmi með kröfuspjöld og gjallarhorn og ganga fyrst áleiðis að skrifstofum Félags fasteignasala og hafa þar mótmæla stöðu um stund og fylkja svo liði áfram að höfuðstöðvum RE/MAX Ísland en þeir ku víst hafa orðið svo mikil ítök á markaði að þeir hafi haft afgerandi áhrif á þróun fasteignaverðs á síðustu misserum.

Allir þeir sem vettlingi geta valdið eru hvattir til að klæðast þeim vettlingi og mæta í ham niður að Hlemmi klukkan 17 í dag.  Mælt er með hlýjum fatnaði þar sem oft vill kólna með kvöldinu.

Athugasemdir

[Svanur Heiðar Hauksson, 1.4.2008 kl. 13:40]

Gott hjá þér Baddi minn. Á ég ekki að koma í grímubúningi í tilefni 1. apríl.

Kveðja Svanurinn.

[Kjartan Pétur Sigurðsson, 1.4.2008 kl. 18:51]

:)

[Óskar, 1.4.2008 kl. 21:57]

Mætti gallvaskur með skilti á lofti og heimtaði ærlega tekjulækkun. Aldrei að vita nema manni verði að ósk sinni :)

[Ómar Ingi, 1.4.2008 kl. 22:04]

Sko Kallinn

[Vernharð Þorleifsson, 1.4.2008 kl. 23:28]

Ég var í strætó á leiðinni heim úr vinnunni þegar ég sá fylkinguna með þig í fararbroddi og ég verð að viðurkenna að mín fyrstu viðbrögð þegar heim var komið var að lækka allar eignir á söluskránni hjá mér um 10%, sem er auðvitað snilldar markaðssetning því núna þurfa kaupendur einungis að fjármagna 10% ef þeir fá 80% lán frá lánastofnun, seinustu 10% er ég búinn að slá af.

[Baldvin Jónsson, 2.4.2008 kl. 11:32]

ROFL  Venni, hver þarf stærðfræðinga þegar að við getum treyst á þína snilld við útreikningana.

(En fær fólk einhversstaðar 80% lán í dag öðruvísi en gegn handveði í peningum?)