Er Samfylkingin búin að missa alfarið sambandið við krata vini sína í Svíþjóð?

Við fáum af því fréttir ítrekað í gegnum Jóhönnu og Steingrím, að ekkert fáist lánað frá grannríkjum okkar á Norðurlöndunum nema að gengist verði við Icesave skuldinni ætluðu.

Það er löngum vitað að Steingrímur er mest megnis í sambandi við einhverja kollega sína í Noregi og Noregur virðist á því að lána okkur ekki nema með samþykki Breta og AGS.

Nú virðist hins vegar ljóst að það eru ekki skilyrði Finna og Svía. Samfylkingin hefur gjarnan horft til "fyrirmyndar" sósíalista ríkisins Svíþjóðar eftir stuðningi og samstarfi. Er það samstarf búið?

Hvernig stendur á því að Jóhanna virðist ekki vita af því að okkur standi til boða lán frá Svíum?

Lausn Icesave ekki forsenda

Henrý Þór klikkar ekki að vanda - 7 years in Debet

Sjálfstæðisflokkurinn leggur fram efnahagstillögur

MÓTMÆLIN VIÐ ALÞINGISHÚSIÐ HALDA ÁFRAM Á MORGUN FRÁ KLUKKAN 15:00

Nú ríður á að sýna þeim þingmönnum, sem í hjarta sínu vita að þetta mál er argasta ranglæti, samstöðu og mæta á Austurvöll og láta þá vita af því að við stöndum með þeim.

Okkar helsta von eru þeir fjölmörgu þingmenn VG sem að hafa þegar talað gegn þessu, það er okkar að styðja þá og aðra til þess að fylgja sannfæringu sinni í málinu.

Því miður verð ég að vera á fjöllum á morgun og kemst því ekki fyrr en mjög seint í bæinn. Ertu ekki til í að standa vaktina fyrir mig, börnin þín og þjóðina á meðan?

Ruddust inn í Fríkirkjuveg 11

MÓTMÆLI Á AUSTURVELLI Í DAG KLUKKAN 15:00 VEGNA ICESAVE - Hver ber ábyrgðina?

Persónulega mun ég mæta þarna til þess að mótmæla því að það standi til að skrifa undir samninga sem við sem samfélag getum afar erfiðlega staðið undir.

Þingmennirnir þurfa okkar hvatningu til þess að fylgja eigin sannfæringu í stað flokkslínunnar sem búið er að gefa út varðandi samninginn.

Krefjumst þess saman í dag að ekki verði skrifað undir langtíma skulda-þrældóm þjóðarinnar.

 

Hver ber ábyrgðina?

Nú rís hver flokksfélaginn upp á fætur öðrum og vill verja sitt fólk, hvað sem það kostar. Þetta mál er ekki flokksmálheldur hagsmunamál þjóðarinnar allrar. Við höfum ekki efni á því núna að missa okkur í flokkadrátta-tuð og rifrildi. Þetta er 100% þverpólitískt mál. Sjálfstæðisflokkur, Framsóknarflokkur og Samfylkingin komu okkur í þessa stöðu. VG ætla núna að staðfesta hana formlega og ríkisábyrgja eitthvað sem við getum aldrei staðið við.

Bankamennirnir í siðleysi sköpuðu ástandið undir engu eftirliti hins opinbera.

Hver ber ábyrgðina? Allir sem að málum hafa komið og tóku ekki stöðu með almenningi í landinu, þjóðinni sem nú skal borga herlegheitin. Já, að minnsta kosti í nokkur ár eða þangað til að við verðum endanlega komin í þrot og í þjóðareign Breta.

Ætlar þú að taka stöðu með þér og fjölskyldu þinni í dag?

Hlustið hér á viðtal við Ólaf Elíasson frá Indefence hópnum, á Bylgjunni í morgun. Síminn hjá honum stoppar ekki og æðstu ráðamenn þjóðarinnar hringja stöðugt í hann og biðja hann að berjast gegn samkomulaginu!  Veltiði því fyrir ykkur. Þeir vilja meina að samkomulagið sé svo meingallað að ekkert verði við ráðið.

Hagkerfið kemst í skjól

MÓTMÆLI BOÐUÐ Á AUSTURVELLI FRÁ KLUKKAN 14:50 Í DAG VEGNA ICESAVE SAMNINGA

Sjá umfjöllun mína hér: http://baldvinj.blog.is/blog/baldvinj/entry/892231

Persónulega mun ég mæta þarna til þess að mótmæla því að það standi til að skrifa undir samninga sem við sem samfélag getum afar erfiðlega staðið undir.

Þingmennirnir þurfa okkar hvatningu til þess að fylgja eigin sannfæringu í stað flokkslínunnar sem búið er að gefa út varðandi samninginn.

Krefjumst þess saman á morgun að ekki verði skrifað undir langtíma skulda-þrældóm þjóðarinnar.

Boða til fundar um greiðsluverkfall

MÓTMÆLI Á AUSTURVELLI Á MORGUN KLUKKAN 15:00 - STÖÐVUM LANDRÁÐALIÐIÐ

NÚ ER ÞAÐ Á OKKAR ÁBYRGÐ AÐ LÁTA ÞETTA LANDRÁÐA LIÐ VITA AF ÞVÍ AÐ ÞETTA SAMKOMULAG VERÐI EKKI - ALLS EKKI - GERT Í OKKAR NAFNI EÐA MEÐ OKKAR SAMÞYKKI!!!

Steingrímur J. stórsvikari með æðstu gráðu að virðist mun ræða um Ices(l)ave þvingunar-samning á Alþingi á morgun klukkan 15:00

Nú verðum við að mæta öll - þverpólitískt.  Ekkert okkar getur látið þetta möglunarlaust yfir sig ganga.

Er með einhverju móti réttlætanlegt að taka á okkur aukalega yfir 400 MILLJARÐA í vaxtakostnað ofan á allt annað? Vaxtakostnað sem við getum illmögulega greitt án þess að skera niður nánast allt mannúðlegt til dæmis í kerfinu okkar.

Skuldbindingar sem mjög líklega er að miklu leyti Bretum sjálfum að kenna vegna setningar hryðjuverkalaganna á sínum tíma - aðgerðar sem að íslenska ríkisstjórnin ætlar nú að lofa að fyrirgefa og gera ekkert frekar í við undirskrift þessa samkomulags.

Getum við setið aðgerðarlaus hjá meðan að þessi dusilmenni ofurselja okkur og börnin okkar endanlega á skuldaklafa?

Láttu sjá þig - við berum ábyrgðina!

 

 

Hugsanleg Icesave mótmæli á Austurvelli

Sjávarútvegurinn stígur nú fram með "sérfræðinga" til að verja (eign þjóðarinnar) sína kvótaeign

Og þó, veit ekki með sérfræðing. Að minnsta kosti kemur ekki fram í fréttinni hvort að Þorvarður sé menntaður í bókhaldi, aðeins að hann sé framkvæmdastjóri Deloitte.

Þorvarður öskrar hér "eldur, eldur" með dramatískum hætti og hótar því að þetta muni aðeins leiða til þess að ríkisbankarnir sitji á endanum uppi með tjónið. Hmmm....

Síðast þegar ég las mér til um málið að þá sátu ríkisbankarnir nú þegar uppi með stóran hluta tjónsins þar sem gríðarlega skuldsett sjávarútvegsfyrirtæki eru nú þegar algerlega upp á náð bankanna komin með marg-veðsettan kvóta sem þau eiga ekki til að byrja með og ættu því alls ekki að hafa veðsetningarrétt á kvótann.

Ég er þó sammála því að mér þykir þessi fyrningarleið afar léleg hugmynd. Við eigum að ganga mun hreinna til verks og einfaldlega taka þegar til uppgjörs og til ríkisvörslu allann þann kvóta sem er yfirveðsettur nú þegar í bönkunum.

Þau sjávarútvegsfyrirtæki sem hafa verið vel rekin og hafa nýtt auðlindina sína sjálf, ættu að sjálfsögðu að nýta hana áfram og skila þar með áfram augljóslega tekjum til ríkisins af nýtingunni. Hin fyrirtækin, sem hafa verið illa rekin og því skilað litlum arði væntanlega og svo þau sem hafa ekki verið að nýta þann kvóta sem þau eru skráð fyrir heldur hafa verið að leigja hann áfram, þau ætti einfaldlega að taka yfir hið fyrsta.

Hvers vegna að bíða með að "hjálpa" þeim og horfa á þau deyja afar hægt?

„Hendið þessari hugmynd“

Skref í rétta átt - Utanríkismálanefnd óskar eftir aukinni þátttöku almennings í nefndarstörfum vegna ESB málsins

Þetta eru kannski hænuskref í áttinni að bættu lýðræði, en afar mikilvæg skref engu að síður. Virk þátttaka almennings, félagasamtaka og grasrótarhópa í máli sem þessu mun sýna enn sterkar fram á þörfina og skilvirknina sem til dæmis aukið vægi þjóðaratkvæðagreiðslna myndi færa okkur.

Ég hvet því alla þá sem telja sig hafa hagsmuni og skoðanir á ESB málinu að lesa yfir þingskjölin og senda inn sínar skriflegu athugasemdir.

 

Þingsályktunartillögurnar tvær eru á vef Alþingis á vefslóðunum:

http://www.althingi.is/altext/137/s/0038.html

og

http://www.althingi.is/altext/137/s/0054.html.

 

Óska eftir athugasemdum við ESB-tillögu

Skjálftaspark í vesturbæ Reykjavíkur - góður undirbúningur fyrir leiðsögn um Reykjanesið á morgun :)

Já, það er alltaf svolítið spennandi og jafnframt ógnvekjandi að finna svo skýrt fyrir jarðskjálfta. Við Íslendingar teljum okkur gjarnan vera orðin ansi sjóuð þegar kemur að náttúruhamförum, en þetta er nú samt bara eitthvað sem að maður venst aldrei fyllilega. Skjálfti yfir 4,5 á Richter á Reykjanesinu eða á Hengilssvæðinu er yfirleitt nógu kröftugur til að ná vel athygli manns hérna í vesturbæ Reykjavíkur.

Verður samt gaman hjá mér á morgun að leiðsegja nokkrum erlendum ferðamönnum um Reykjanesið. Var með sama hóp á ferðinni fyrir þremur dögum síðan um Suðurlandið og austur að Vík þar sem ég sagði þeim meðal annars frá skjálftanum síðasta vor og svo skjálftunum í júní 2000. Var þó stórkallalegur og sagði þeim að landinn væri almennt orðinn svo vanur smá jarðhræringum að við skiptum varla orðið um umræðu efni þegar riðu yfir skjálftar, ekki fyrr en um og yfir 5 á Richter að minnsta kosti

Verður gaman hjá mér á morgun - fólkið hefur vonandi tekið vel eftir skjálftanum í kvöld.

Skjálftinn mældist 4,7 stig

Að strita fyrir AGS? - Datt í hug að horfa á þessa títt umræddu Zeitgeist mynd loksins

Erum við að strita fyrir Ísland eða fyrir AGS og monopoly heimsins?

Verður hver að dæma fyrir sig að sjálfsögðu, persónulega er ég að strita fyrst og fremst til þess að komast af en tel nokkuð ljóst að margfalt betri efnahagsstjórn en hér ríkir og hefur ríkt, myndi án vafa skila mér meiri árangri af eigin striti.

Hvað um það, skelli Zeitgeist myndinni hérna inn til þess að hafa fljótlegan aðgang að henni sjálfur síðar.

 

Íslendingar strita mest