VANHÆF RÍKISSTJÓRN!!! - Verðtrygginguna verður að afnema í einum grænum

Það er alveg ljóst og kristaltært að lítil sem engin aðstoð muni bjóðast landanum fyrr en verðtryggingarómyndin verður aflögð. Hún er daglega að ræna þjóðina meiru og slær í raun á hverjum degi nýtt Íslandsmet í því að vera stærsti þjófnaður sem hér hefur orðið.

Ríkisstjórnin leggur til lausnir sem valda samfélaginu skaða - eru það lausnirnar sem okkur var lofað?

Þetta frumvarp er verulega vanhugsað og mátti vera öllum ljóst að slíkar skattahækkanir ofan í verðtryggða vísitölu myndu hafa gríðarleg keðjuverkandi áhrif. Já, þeim var þetta svo ljóst að Helgi Hjörvar, þingmaður Samfylkingarinnar, hafði meira að segja sérstaklega orð á því að þetta hefði gerst alveg eins síðast. Eða eins og hann sagði orðrétt: " Þetta væru sömu áhrif og samskonar aðgerðir fyrr í vetur hefðu haft."

Þingmenn Borgarahreyfingarinnar hittu fulltrúa AGS á fundi sem fram fór á Hótel Borg og verður því miður að segjast að ótti okkar við AGS og aðkomu þeirra að rekstri ríkismála á Íslandi er síst minni eftir þann fund. AGS kvartar yfir því að hægt gangi og íslenska ríkisstjórnin stekkur til í einhverjum asa og ráðaleysi og leggur fram þetta frumvarp um gríðarlegan gróða til handa fjármagnseigendum  - nei fyrirgefiði, þetta á auðvitað að vera landanum til bóta.

Vegna verðtryggingarinnar munu þessar hækkanir hækka skuldir ríkissjóðs - merkileg hringrás þar á ferð.

Verðtrygginguna verðum við að afnema STRAX!

Áfengi og eldsneyti hækka

Það einfaldlega verður að græða hér samfélagssáttmálann - án uppgjörs við fortíðina mun ekki verða komið hér á sátt

Jóhanna og Steingrímur sýna það og sanna ítrekað þessa dagana að þau búa í vernduðu umhverfi þar sem þau eru ekki í minnsta sambandi við fólkið í landinu og það í hvaða stöðu fólk mjög gjarnan er.

Ég er búinn að heyra tugi saga síðustu dagana af til dæmis samskiptum fólks við bankana, þar sem viðhorfið almennt er á þann veg að fólkið ætti nú bara að vera innilega þakklátt fyrir að fá að skulda þeim. Vinkona mín fór fram á frystingu á láni sem hún er með, bankinn tók vel í það, en fljótlega tók hún eftir því að bankinn var búinn að loka á hana einu greiðslukortinu hennar og nota peninga sem að hún átti á reikningi til þess að greiða skuld á öðrum reikningi. Þetta fannst henni brot á rétti sínum, þar sem bankinn framkvæmdi þetta án samráðs við hana. Þegar að hún fór í bankann til þess að athuga hvernig á þessu stæði, var henni sagt að þetta hefði hún samþykkt í smáa letrinu við frystingu lánsins. Það er að bankinn hefði rétt til mikilla inngripa í fjármálin hennar.

Henni gramdist þetta mjög og það að þetta hefði ekki verið kynnt almennilega fyrir henni þegar að hún var að ganga frá frystingu á láninu.

Viðbrögð bankans? Jú, henni var bent á að það væri bara best fyrir hana að fara bara niður í bæ og mótmæla þessu þar.

Mér finnast það góðar fréttir að nú sé verið að rannsaka Ólaf Ólafsson og það gefur mér von um að mögulega sé verið að skoða fleiri aðila og löggerninga á þeirra vegum undanfarna mánuði og ár.

Stjórnvöld einfaldlega verða og skulda okkur það að gert verði upp við fortíðina. Að þeir sem af sér brutu þurfði að sæta fyrir það refsingu og bæta fyrir brot sín. Án uppgjörs við fortíðina verður engin sátt í samfélaginu.

Án samfélagssáttmála er í raun ekkert sem heitir samfélag - aðeins upplausn.

Leitað á heimili Ólafs

Fríkirkjuvegur 11 - Þetta getur ekki verið svo flókið mál

Kaupandinn er annað hvort búinn eða ekki búinn að greiða fyrir kaupin. Sé hann ekki búinn að greiða kaupverðið eru hverfandi líkur á því að hann geti staðið við það héðan af og þar með er kominn upp skýr galli í kaupunum.

Er ekki einfaldast bara að athuga hvort að búið sé að standa við skuldbindingar samningsins?

Vilja fá Fríkirkjuveg 11 til baka

Langjökull er einfaldlega himnaríki á degi eins og í dag

Ég "þurfti" að vinna í dag. Fór með 2 ferðalanga í prívat jeppaferð í dag gullhring og upp á Langjökul. Þessi "vinna" er svo ótrúlega dásamleg á dögum eins og í dag, þar sem veðrið er eins og best verður, skyggni nánast endalaust til allra átta og bara stöku ský sjáanlegt á himni.

 

 

Það skyggði kannski aðeins á að viðskiptavinurinn voru amerísk hjón frá Texas og ekki bara smá frá Texas, heldur algerlega ALLT Texas eins og ýktustu sögurnar af steríótýpunum þeirra segja frá.

Ég eyddi því deginum í dag í raun að miklu leyti í óheiðarleika, það er að segja ég gerði mér grein fyrir því í dag að það var mitt hlutverk að jánka bara voða mörgu kurteisilega og leyfa þessum ágæta manni, hann talaði nánast út í eitt í allan dag, bara að rasa út um það sem honum lá á hjarta.

Það voru aðallega hugmyndir um skelfinguna sem Demókratar munu koma yfir allt í Bandaríkjunum. Ég var líka nógu kurteis til þess að benda honum ekki á að núverandi ástand varð ekki til undir "öruggri efnahagsstjórn" Repúblikana   Ekkert frekar en að ástandið á Íslandi sé okkur að kenna, það er jú eins og "allir" vilja meina Bandaríska markaðnum að kenna öðru fremur.

Var annars að hlusta núna áðan á jómfrúarræður þriggja af fjórum þingmönnum Borgarahreyfingarinnar á Alþingi frá því í gær. Verð bara að segja það hreint út, mikið assgoti er ég stoltur af mínu fólki.

Við eigum von meðan að þjóðin á þarna inni fulltrúa sem ætla sér raunverulega að vera þjónar þjóðarinnar á Alþingi en ekki öðru fremur, þjónar eigin hagsmuna.

GO Borgarahreyfingin!

Viðtöl við Elizabeth Warren - manneskju sem leiðir eftirlitsnefnd með endurreisnaráætlun Bandaríkjanna

Ég sá þetta myndband og tengla í Daily Show myndböndin einnig á blogginu hjá honum Andrési Jónssyni vini mínum. Set þetta hérna inn aðallega vegna þess að ég vil hafa þetta í mínum hirslum til varðveislu. Ótrúlega nærandi finnst mér að hlusta á manneskju í þessari stöðu, tjá sig af jafn mikilli yfirvegun og einfeldni um stöðu flókinna mála.

Mikið væri nú mikill fengur í því að íslenskir stjórnendur og ráðamenn færu að gefa okkur almúganum upplýsingar á jafn skýran máta.

 

The Daily Show With Jon Stewart

M - Th 11p / 10c

Elizabeth Warren Pt. 1

thedailyshow.com

Daily Show Full Episodes

Economic Crisis

Political Humor

 

The Daily Show With Jon Stewart

M - Th 11p / 10c

Elizabeth Warren Pt. 2

thedailyshow.com

Daily Show Full Episodes

Economic Crisis

Political Humor

 

Þjóðnýtingin ekki þruma úr heiðskíru lofti

Enn eitt dæmið um hvað samtakamátturinn er sterkur - það eru breyttir tímar og tími gríðarlegrar misskiptingar eru voða 2007

Mikið ofsalega er ég ánægður með hann Ragnar Þór félaga minn og meðstjórnendur hans hjá VR. Þó að líti út fyrir að nýji formaðurinn þeirra skilji ekki alveg hvað samþykkt var á stjórnarfundinum þeirra með hans undirtektum (sjá hér og hér), að þá er ljóst að stjórnin er tilbúin til þess að taka skrefið inn í nýja tímann, tíma þar sem starfsmenn verkalýðsfélaga og lífeyrissjóðanna þeirra eiga að sæta því að búa við launakjör innan eðlilegra sanngirnis marka.

Þorgeir vill meina að uppsögn sín sé vegna breytinga á baklandinu. Það er vel líklegt, þar spilar væntanlega stærstan þátt að baklandið vill taka til, uppræta spillingu og brjóta niður fílabeinsturnana.

Burt með 2007 - tiltekt og auðmýkt er voða 2009

Forstjóri Lífeyrissjóðs verzlunarmanna segir upp störfum

Við erum svikin um stóra málið - stjórnlagaþing - og í staðinn á að gefa dúsu um persónukjör í sveitarstjórnarkosningum

Þetta er ómaklega af stað farið hjá ríkisstjórn sem lýsir því yfir að lýðræðisumbætur eigi að vera mikilvægur þáttur í stjórnarsamstarfinu.

Að setja af stað stjórnlagaþing sem verður hvorki fugl né fiskur, heldur aðeins "ráðgefandi", eru einfaldlega tilraunir þeirra sem valdið hafa til að friða lýðinn og reyna að losna við málið í þeirri von að margir skilji ekki þessa grundvallar breytingu á stjórnlagaþings hugmyndinni.

Ég fagna öllum hugmyndum um persónukjör - en gef einfaldlega skít í þessa umræðu "nýju" ríkisstjórnarinnar um stjórnlagaþing.

Verði stjórnlagaþing ekki sett af stað sem sjálfstæð stofnun sem ætlað er að endurskoða gagngert stjórnarskránna okkar og leggja svo tillögurnar fyrir þjóðaratkvæði beint en ekki fyrir Alþingi, þá mun ég persónulega beita mér fyrir því að byltingin haldi einfaldlega bara sitt eigið stjórnlagaþing og komi núverandi ríkisstjórn frá hið allra fyrsta.

Tilgangur búsáhaldabyltingarinnar var ekki að koma til valda nýjum valdasjúklingum!

Persónukjör á næsta ári?

Boða samdrátt í ríkisrekstri - staðreyndin er hins vegar að virðist að ríkisútgjöld munu aukast samkvæmt áætluðum útgöldum þetta árið

Já, það getur eðlilega stundum verið erfitt að skilja þessa tík sem kennir sig við pólitík.

Við lesum um það stöðugar fréttir að mikið verði að spara og draga saman til þess að fylla upp í fjárlagagatið, sem er nú okkar að virðist í boði Alþjóðagjaldeyrissjóðsins og er metið á 150-170 Ma.kr.

Þegar rýnt er í útgjalda áætlun ríkissjóðs fyrir þetta ár má hins vegar sjá, að í stað samdráttar, er gert ráð fyrir aukningu frumútgjalda ríkisins um 34 Ma.kr. á árinu. Samdráttur?

Undir "styrkri efnahagsstjórn" Sjálfstæðisflokks jukust ríkisútgjöldin um rúmlega 50% á 12 ára tímabili. Nú virðist sem ný ríkisstjórn muni bæta enn í og auka hluta ríkisins í VLF upp í 38,4%, eins og segir í fréttinni.

Þetta er eiginlega alger brandari bara, þó að hann sé því miður ekki einu sinni fyndinn. Þegar að maður les í gegnum þessa frétt sér maður að:

A: Auka eigi tekjur með þrepaskiptu skattkerfi (áætlaðar tekjur hafa verið nefndar 2-4 Ma. kr.) en að samt sé ekki gert ráð fyrir að skatttekjur ríkisins muni aukast. (Samdrátturinn útskýrir það).

B: Að draga eigi úr útgjöldum með hagræðingu (aukning útgjalda um 34 Ma.kr. hér að ofan??) en samt ekki segja upp einum einasta ríkisstarfsmanni.

Ég spyr bara eins og einfeldningur, hvernig á að hagræða og draga saman ef hvergi má skera niður í rekstri ríkisins??

Svarið við spurningunni fyrir mér er augljóst, en Jóhanna og Steingrímur hafa ekki viljað sjá þann einfalda sannleik hingað til. Það þarf einfaldlega að bæta hressilega stöðu heimilanna, auka þar með neyslu og koma atvinnulífinu af stað. Það er eina leiðin til þess að hér verði aftur komið í gang kröftugri verðmætasköpun á næstu árum.

Mikil þrautaganga framundan

Þar kom skýringin - það er kaffið sem gataði á mér heilabúið!

Ef satt reynist, því svona niðurstöður eru jú gjarnan birtar löngu áður en rannsókn er raunverulega lokið, að þá er ég í verulega vondum málum. Sit á skólabekk á gamals aldri og þarf mikið á því að halda að finna leiðir til þess að muna meira - en ekki minna.

Hef hingað til verið einlægur kaffisvelgur, og það langt langt úr hófi fram. Kannski að það skýrist að hluta til af þessum niðurstöðum, ég bara muni hreinlega ekki hvort að ég sé búin að drekka nóg af kaffi eða ekki í dag?!

Nú er bara að leita upplýsinga um hvort að þessi "dauðu" svæði í hausnum á mér eigi sér endurreisnarvon eða hvort að þetta sé bara "dead for good"

Tel allavega mjög mikilvægt að héðan í frá drekka almennt ekki kaffi eftir miðnætti

Kaffi skaðar heilann

Hugleiðing fyrir sporafólkið mitt