Björgvin, álit mitt á þér hefur hingað til verið afar gott, en núna....

þarf ég á því að halda að þú stígir fram og látir í þessu máli eins og þú sért "on top of things" ef ég má illa sletta. Hvernig í ósköpunum gæti staðið á því að þér sé ekki kunnugt um hvað verið er að semja um við nýja bankastjóra ríkisbankanna?

Finnurðu ekki nettan kjánahroll sjálfur?

Eða vissirðu það kannski bara alveg, en finnst nú óþægilegt að gangast við því?

Viðskiptaráðherra vill að laun bankastjóra verði endurmetin

Vel orðað Páll Magnússon

Páli er ég ekki aðeins sammála þarna með framgöngu Sigmars í Kastljósinu, heldur einnig því að linkind fjölmiðla sé án nokkurs vafa hluti af vandanum sem við stöndum nú frammi fyrir.

Er reyndar, eins og ég hef áður sagt, á því að Egill hefði náð mun meiri árangri gagnvart Jóni Ásgeiri, ef að hann hefði haldið aðeins ró sinni og fengið svörin fram.

Er þó ekki sammála öllum þeim sem að finnast að Geir hafi komið verulega illa út úr þessu, þetta er a.m.k. í fyrsta skipti í 3 vikur sem að mér finnst hann svara einhverju afdráttarlaust. Það er afar góð tilbreyting að mínu mati.

RÚV sagt kynda undir sleggjudómum og ofstæki

Jóhanna hefur öðrum þingmönnum fremur, náð að tala alltaf röddu fólksins

Þegar hún spyr: „Eiga skilaboðin til þjóðarinnar að vera þau, í ljósi nýliðinna atburða, að hæstu launin skuli vera laun bankastjóra?" og svarar jafnframt:  „Ég segi nei, og þessu verður að breyta."

Það er alveg eðlileg vangavelta núna eftir að við fengum kalt framan í okkur hversu lítils virði skráðar eignir geta raunverulega verið þegar að kerfið hrynur svona, hvort að ný ríkisráðnu stjórarnir eigi að vera metnir til allt að tveggja milljóna króna á mánuði.

Persónulega er ég þó enn að bíða þess að fá svör við því hvers vegna maðurinn sem að kom Icebank í þrot sé nú verðlaunaður með því að fá að taka við stjórn stærsta banka landsins Kaupþingi??

Álit mitt var orðið afar gott á háttvirtum viðskiptaráðherra fyrir þann gjörnin, en er nú harla lágt verð ég að segja. Þegar að hátt í 500 manns missa vinnuna sína sem að mörg hver hafa akkúrat réttu menntunina og reynsluna í slíkt starf, hvers vegna þarf þá að taka inn einn sem að er augljóslega óhæfur?

Er hann mágur, frændi, bróðir, eiginmaður eða vinur einhvers þeirra sem réðu þessu?

En Jóhönnu til hróss held ég að ekkert stakt ráðuneyti hafi nú brugðist jafn hratt við yfirvofandi hættu og félagsmálaráðuneytið. Þar er nú þegar búið að leggja til óskertar atvinnuleysisbætur til handa þeim sem að missa starf að hluta, frystingu greiðslna verðtryggðra lána og það sem að mér hugnast allra best af þessum tillögum, tillaga um að fólki sem að lendi í þroti, verði leyft að leigja áfram íbúðina sína og þurfi því ekki ofan á allt annað, að flytja af heimili sínu. Heimilið er jú heimili, hver svo sem er skráður eigandi þess.

Bankastjórarnir með of há laun

Það er afar "spennandi" að fara á Heklu þessa dagana

Það er orðið rúmt ár síðan að ég heyrði þessa tilkynningu fyrst. Rúmt ár síðan að kvikumagnið í fjallinu var komið ofar en það stóð fyrir gosið 2000.

Síðan þá er ég líklega búinn að fara svona um það bil 60 sinnum á fjallið upp í um 950 metra hæð (lengra er ekki hægt að aka þú skilur) og í hvert sinn hef ég verið með nettan fiðring í maganum.

Ferðamennirnir almennt trúa mér ekki og halda að þessar ævintýra frásagnir af mögulegu gosi séu bara hluti af túrnum, og kannski bara eins gott.

En mikið óskaplega er útsýnið af fjallinu gott á björtum degi, maður sér t.a.m. 5 jökla úr 950 metrunum.

Hekla getur gosið hvenær sem er

Verð að viðurkenna að mér er stórum létt

Ég verð að viðurkenna að mér er nokkuð létt eftir að hafa hlustað á Geir loksins svara einhverju afdráttarlaust. "Við látum ekki kúga okkur" lýsir eindregnum vilja til þess að koma sem sterkastir út úr þessu, en ánægðastur var ég með yfirlýsinguna hans um að að sjálfsögðu þyrfti mál af þessu tagi að fara fyrir Alþingi.

Við getum þá mögulega haft eitthvað að segja í málinu áður en að það verður að mögulegum lögum eða ólögum. 

Nú er líka lag að sjá hvað kemur út úr viðræðum við Norðmenn. Mikið held ég að það væri á endanum alltaf lang besta samstarfið fyrir okkur.

Við munum ekki láta kúga okkur

Nú er að sjálfsögðu um að gera að hafa í huga við lestur þessarar fréttar að tekjur fyrir þá eru ekki endilega tekjur fyrir okkur

Bendi á létta greiningu mína í fyrri færslu, sjá hér, um tekjurnar af áliðnaðinum.

Kom mér satt best að segja á óvart hversu lágar tekjurnar eru í raun miðað við allar yfirlýsingarnar um annað. Og nú munu þær lækka hratt þegar að álverð í heiminum virðist vera að hrynja. Hefur lækkað um á fjórða tug prósenta á 2 mánuðum skv. forstjóra Alcoa á Íslandi.

Fer yfir áform um Helguvík

Hverjar eru helstu gjaldeyristekjur Íslendinga?

Mér hefur mikið verið hugsað til þess að undanförnu hvernig útflutningstekjum landans sé raunverulega skipt. Miklar yfirlýsingar um gríðarlegar tekjur af útflutningi áls hafa farið aðeins fyrir brjóstið á mér og ég hef átt erfitt með að trúa þeim, a.m.k. eins og þær eru almennt settar fram.

Sá síðan um helgina virkilega góða grein frá Andra Snæ Magnasyni í Fréttablaðinu, sjá hér á bls. 12 í PDF skjalinu, á bls. 16 skv. blaðsíðutali blaðsins, þar sem að hann greinir í tölurnar á gagnrýnin máta.

Hann nefnir þar að raunverulegar útflutningstekjur af sjávarútvegi séu á annað hundrað milljarða króna að frádregnum olíukostnaði, að útflutningstekjur af ferðamannaiðnaðinum séu um 50 milljarðar í kaupum af flugþjónustu og 26 milljarðar til viðbótar af viðskiptum við gisti- og veitingaþjónustu og munu tekjurnar skiptast þar nokkuð jafnt á milli. S.s. u.þ.b. 13 milljarðar í tekjur af kaffihúsahyskinu sem að maður heyrir svo oft dregið fram í 101 umræðu dreifbýlisins.

Þá dregur hann fram tölur um áliðnaðinn. Þar eru heildar útflutningstekjur áliðnaðarins ekki samanburðar hæfar, þ.e.a.s. tekjur til þjóðarbúsins eru hverfandi í samanburði við fiskiðnaðinn og ferðamannaþjónustuna. Það er nefnilega þannig að stærsti hluti útflutningstekna Álrisanna fer í þeirra vasa en ekki til okkar. Þeir borga í raun að megninu til aðeins þrennt til þjóðarbús Íslendinga. Þeir borga fyrir kaup á raforku, borga laun og borga skatta af sínum EIGIN útflutningstekjum.

Afar áhugaverðar tölur að mínu mati. Greinin vakti forvitni mína og ég ákvað að reyna að grafa upp enn frekari tölur í gegnum Hagtofuna og að reyna að finna skattþrepið sem að Álrisarnir eru að greiða eftir í skattalögum.

Ég vona Andri Snær, að það sé í lagi þín vegna þó að ég nýti mér grein þína til frekari greiningar hérna.

Á vef Hagstofunnar (þar sem að undir hagtölum mætti að sjálfsögðu vera sér flipi með samanteknum útflutningstekjum til að auðvelda aðgengi) fann ég að útflutningstekjur Sjávarútvegs árið 2007 voru samtals 126.964.000.000 (126 milljarðar, 964 milljónir króna) og höfðu vaxið um 2,8% frá árinu á undan. Það sem af er ári 2008 eru útflutningstekjur af Sjávarútvegi komnar í um 54 milljarða og hafa vaxið um 3,4% milli ára og má því gera ráð fyrir að heildar útflutningstekjur árið 2008 af Sjávarútvegi verði um 131 milljarður króna.

Hér má svo sjá að útflutningur Sjávarútvegsins var rúm 40% árið 2007 af öllum útfluttum vörum og tæp 30% af flokkinum útflutt vara og þjónusta. Sjá neðstu töflu á bls. 5.

Samtals var upphæðin af innfluttu hráefni til vinnslu í Sjávarútvegi á Íslandi 5,68 milljarðar árið 2007, sem kemur þá eðlilega til frádráttar.Árið 2007 var flutt inn til landsins Gasolía fyrir alls 16,3 milljarða króna. Ef að við gefum okkur (afar gróflega að sjálfsögðu) að Sjávarútvegurinn noti um 80% af innfluttri Gasolíu eru það um 13 milljarðar á árinu 2007.

Við höfum því þetta einfalda reikningsdæmi eftir:

Útflutningur:              126.964.000.000

Innflutningur:                 5.676.000.000

Olíukostnaður:             12.989.600.000

Útflutningstekjur net: 108.298.400.000  eða sem sagt rúmir 108 milljarðar króna í tekjur fyrir þjóðarbúið í formi launa, skatta og arðs íslenskra eigenda.

Skoðum þá áliðnaðinn næst. Útflutningur árið 2007 samkvæmt tölum Hagstofu eftir vöruflokkunum ál og álúrgangur voru rúmir 80,7 milljarðar en er orðið rúmir 106 milljarðar til og með ágústmánuði 2008. Í ágústlok 2007 voru tekjurnar rúmir 54 milljarðar. Það er aukning um 94,6% milli áranna, en má gera ráð fyrir að sú tekju aukning gangi mikið til baka fyrir árslok vegna stórlækkunar álverðs síðastliðan 2 mánuði. En verum afar bjartsýn og gefum okkur að 80% hækkun milli ára haldi sér út árið, svo að ekki halli verulega á neinn. Það eru þá áætlaðar 145 milljarðar á árinu 2008.

Samkvæmt tölum Andra Snæs í tilvísaðri grein greiddi áliðnaðurinn aðeins um 1,5 milljarða í skatta á Íslandi árið 2007. Ég leitaði fyrir mér í lagasafni Alþingis og fann engin sérákvæði þar um tekjuskatt áliðnaðarins og kýs því að styðjast við hefðbundinn tekjuskatt 18% af tölu sem að ég ætla að gefa mér eftir að hafa reynt að draga frá kostnað við reksturinn hérna heima. Fann til að mynda engin ákvæði um þennan samning við Alcoa um að þeir greiði aðeins 5% skatt af arði.

Innflutningur á súráli árið 2007 nam alls 19 milljörðum og er orðinn rúmir 28 milljarðar það sem af er ári 2008, þ.e. fram til endaðs ágústs.

Samkvæmt grein Andra Snæs greiddi áliðnaðurinn 5,6 milljarða í laun á Íslandi 2006. Ef að við gefum okkur að sú tala hafi hækkað um 10% milli ára til að reyna enn og aftur að vera jarðbundin að þá má áætla að greidd laun árið 2007 hafi verið um 6,2 milljarðar.

Þá höfum við þetta reikningsdæmi eftir:

Útfluttar álvörur 2007             80.715.736.443

Innflutningur súráls 2007        19.104.162.359

Greidd laun 2007                     6.200.000.000

Útflutningstekjurnar eru því   55.411.574.048

Aðkeypt raforka skilar sér ekki sem tekjur fyrir þjóðina fyrr en að virkjana framkvæmdir hafa verið greiddar upp, og ekki einu sinni örugglega þá. Fer eftir því hvernig hlutirnir þróast til framtíðar.

En sem sagt af álinu verða um 55,4 milljarðar sem standa eftir að frádregnum launum og innflutningskostnaði.

Samkvæmt vef Hagstofunnar var rafmagnsnotkun Álverksmiðja á árinu 2006 alls 5.433 gígavattsstundir. Gefum okkur að það hafi aukist um 25% milli ára (er nú frekar farið að hallast að álinu en frá) og hafi verið 6.791 gígavattsstundir á árinu 2007.

Ef að venjulegur Jón Jónsson borgar um 9 kr. fyrir kílóvattið og álið er stórkaupandi getum við gefið okkur að álið fái a.m.k. 40% afslátt af verðlistaverði, fá þá kílóvattið á um 5,4 kr. eða gígavattið á 5,4 milljónir.Kaupa þá rafmagn fyrir tæplega 36,7 milljarða árið 2007.

Eftir sitja þá 18,7 milljarðar sem að af eru greidd 18% í tekjuskatt (fann ekkert mannstu um aðeins 5% skatt af arði skv. upplýsingum Andra Snæs um sérsamning við Alcoa).

18% af 18,7 milljörðum eru alls um 3,4 milljarðar í skatttekjur.

Því má ætla að samanlagðar tekjur af áli árið 2007 hafi verið:

Orkunotkun:               36.700.000.000

Laun                             6.200.000.000

Skattar                         3.400.000.000

Alls:                           46.300.000.000 eða rúmir 46 milljarðar.

Sem sagt eða ekki hálfdrættingur á við Sjávarútveginn og það þótt að ég hafi reynt að láta allan vafa í tölum lenda álmegin í jöfnunni.

Mér sýnist því ljóst að allar birtar upplýsingar um gríðarlegar tekjur af álútflutningi séu ekki bara stórlega ýktar heldur augljóslega birtar einungis til að blekkja okkur.

 

Ferðamálastofa boðar aðgerðir til að fjölga ferðamönnum

Ég er afskaplega sáttur við þessa niðurstöðu

Þó að ég sjái að sjálfsögðu eftir þeim gríðarlegu fjármunum sem búið er að setja í framboðið að þá var ég mótfallinn þessu frá fyrsta degi. Hef engan skilning á þessari viðurkenningar þörf örþjóðarinnar okkar á alheims vettvangi.

Enn betri fréttir eru að nú fáum við vonandi ISG heim af fullum þunga í verkefnin sem framundan eru. Guð gefi að henni hlotnist full heilsa sem fyrst. Hún er í mínum huga jarðtengingin sem að búið er að vanta svo sárlega undanfarnar 3 vikur hér á Fróni.

Ísland náði ekki kjöri

Eru stjórnarslit raunverulega í pípunum?

Mér finnst það a.m.k. frekar eftirtektarvert þegar að Eyþór Arnalds er farinn að mæra VG í skrifum sínum. Hefði nú frekar átt von á því að fyrr frysi "um miðjan dag í Senegal".

Ummæli FT borin til baka

Langar að benda á spurningar og svör Ágústs rektors á Bifröst í dag.

http://audio.bifrost.is//Fundur_141008/fundur_141008.html

Margt áhugavert sem að hann setur þarna fram ósnyrt að mestu.

Bankaskýrsla undir stól