Prófin búin - pólitíkin tekur völdin

Jæja, þá er þessari önninni lokið - var að ljúka síðasta prófinu þetta árið

Nú er það bara vinnan og pólitíkin fram yfir áramót. Vil vara ykkur við sem ég kalla vini mína og félaga, nú mun ég byrja að hringja og herja á fólk að standa upp og berjast fyrir breyttum tímum og heilsu þjóðarinnar, bæði fjárhagslegri og líkamlegri.

Hættum að kvarta bara - stöndum upp og tökum málin í okkar eigin hendur.

Hvernig? Jú, við byggum upp sterkt stjórnmálaafl, bjóðum fram og breytum svo því sem þarf að breyta.

Bjartsýni? Já, mögulega. En ef einhvern tímann var þörf á henni og fólki sem er tilbúið til að leggja sitt af mörkum, þá er það núna.

Ertu með?  Ég er með [e-mail] ef þú vilt ólm/ur og ég er ekki búinn að hringja í þig.

Athugasemdir

[Einar Áskelsson (IP-tala skráð) 19.12.2008 kl. 20:26]

Til hamingju með próflok Baldvin.  Og algjörlega sammála viðhorfi þínu til ástandsins.  Vona að fólk nái að kveikja á einhverri bjartsýni til að geta tekið á málunum, og mikið rétt, það hefst líklegast á því að hætta að kvarta og nöldra.  Það gerist ekkert á meðan.

[Ómar Ingi, 19.12.2008 kl. 21:19]

Ertu ennþá að prófa þig í skóla Baddi minn?

Gott hjá þér og til hamingju með próflokin

[Þór Jóhannesson, 19.12.2008 kl. 22:18]

Hvað ertu að pæla með stofnun nýs stjórnmálaafls? Ertu að tala um eitthvað annað en Íslandshreyfinguna? Ertu komin með eitthvað fleira fólk og stefnu? Ég er forvitinn!

[Baldvin Jónsson, 19.12.2008 kl. 23:02]

Tala hérna um að byggja upp stjórnmálaafl Þór. Íslandshreyfingin er enn ungabarn og mikið verk framundan við að skapa þar kraftmikla lýðræðislega hreyfingu, en nú er aldeilis tækifærið ef einhvern tímann var sá tími.

[Þór Jóhannesson, 19.12.2008 kl. 23:16]

Hvað með Uppbyggingar- og afhjúpunarflokkinn? Sem hefur þá stefnuskrá að flett sé ofan af spillingunni sem þrifist hefur í ALLRI íslenskri pólitík og einbeita sér að uppbyggingu landsins eftir efnahagslegt-, banka-, andlegt-, siðferðislegt- og pólitískt hrun þjóðarinnar?

[Baldvin Jónsson, 19.12.2008 kl. 23:36]

Þór, ég ætla að safna fólki saman fljótlega til umræðna. Læt þig vita um stað og stund.

[Þór Jóhannesson, 20.12.2008 kl. 00:52]

Endilega