Hérna eru sko strákar sem kunna knatttækni....

Þorir enginn að gagnrýna Alfreð??

Erum við búin að taka Alfreð í guðatölu?  Af hverju er endalaust drullað yfir sóknarleik strákanna? Er ekki bara tími kominn á að vera með 2 þjálfara ef varnarþjálfarinn Alfreð verður áfram?

Erum með alveg frábæra stráka þarna í liðinu ásamt nokkrum nýrri sem vantar augljóslega hugarfarsæfingu fyrir svona stórmót. Hannes Jón Jónsson (sem er alveg ótrúlega líkur pabba sínum by the way) hefur verið að standa sig vel með liðinu í undirbúningnum en virðist ekki kominn með það sem þarf fyrir svona stórmót. Gerði mikið af undarlegum klaufavillum og skilaði engu.

Heyrir til stórfrétta að Einar Hólmgeirsson skyldi taka af skarið og raunverulega skjóta að marki gegn Frökkum, ekki ógnaði hann svo mikið sem einu sinni marki Slóvaka.

Sigfús vinur minn er einfaldlega stjarna liðsins að mínu mati hingað til. Verst að hann er ekki nægjanlega sterkur í sókninni, vantar eitt tröll til með Róbert í framlínuna.

EM: Níu marka tap gegn Frökkum

Íslenska landsliðið fékk stóran skell gegn "Breiðablik"!!

Kannski ekki Breiðablik nei, en búa samt jafn margir hausar í Kópavogi og í smáríkinu Liechtenstein!!

Og það ekki neitt "smá tap", ekkert "voða óheppnir tap".  Nei bara ömurleg niðurlæging.

 

Eyjólfur, vertu maður að meiru.  Finndu þér einhverja þægilega dagvinnu bara að fyrra bragði.

Ljótur skellur Íslands í Liechtenstein

Áfram Laugalækjarskóli!!! Til hamingju með glæsilegan árangur :)

Var sjálfur í Laugalæk og þvi miður á þeim tíma engin fyrirmyndar nemandi. Er einmitt að bæta úr því núna á "gamalsaldri" með skólagöngu í fjarnámi við Háskólann á Bifröst.

En frábært að sjá árangurinn hjá strákunum (af hverju engar stelpur??).  Virkilega flottur árangur.

En finnst þeir samt helst til gamlir orðnir í liðinu, svona miðað við ártölin í svigunum aftan við nöfnin þeirra??  Þetta slær nú út Séð & Heyrt (24) o.s.frv.  Engir krakkaaukvisar hér á ferð.

Skáksveit Lauglækjaskóla:

1. Daði Ómarsson (1951) 3 v. af 5
2. Vilhjálmur Pálmason (1904) 3,5 v. af 5
3. Matthías Pétursson (1919) 5 v. af 5
4. Einar Sigurðsson (1784) 3 v. af 3
5. Aron Ellert Þorsteinsson (1847) 2 v. af 2

Liðsstjórar: Torfi Leósson og Sigríður Ström

 

En svona að öllu gamni slepptu, til lukku strákar. Frábær árangur.

Laugalækjaskóli norðurlandameistari grunnskólasveita

Góður leikur í marga staði....

Skellti mér á völlinn ásamt Axel vini mínum.  Virkilega góð stemmning bara og mikil skemmtun.

Fannst þó afar athugavert hvað leikurinn spilaðist gróft á köflum, og það voru því miður frekar "við" en "þeir" sem gáfum tóninn með það í upphafi leiks. Að ég held 3 gul og eitt rautt (sem Arnar Þór svo lystilega veiddi).

Árni Gautur átti óvenju góðan dag í markinu bara, Emil Hallfreðs spilaði hreint frábæran leik að mínu mati.  Ekki bara að hann skoraði, heldur gaf hann sig virkilega vel í allan leikinn og barðist sem ljón í fullar 94 mín.

Synd eiginlega að Jóhannes Karl átti sendinguna á Emil, annars hefði ég tætt hann alveg í mig eftir þennan
leik. Viljugur drengur og duglegur að hlaupa, en las leikinn virkilega illa í kvöld og átti erfitt með að standa á
fótum að virtist.  Missti út úr mér þarna í stúkunni að hann væri eiginlega orðinn nógu lélegur og gamall til
þess að KR-ingar gætu farið að hafa not fyrir hann. Gott ef ekki bara sem þjálfara??

Grétar Rafn átti verulega góðan leik og hefði efalaust sett hann í því sem hefði getað orðið besta færi
seinni hálfleiks þegar að hann dansaði aleinn í langan tíma á hægri kantinum frammi, en Jóhannes Karl
sá hann ekki fyrr en 90% Spænska liðsins var komið til baka í vörnina.

Og Eyjólfur, af hverju í ósköpunum stillum við upp 10-1 leikkerfi með Gunna greyið algerlega einan í
heiminum frammi í stöðunni 1-0??  Hefði ekki mátt spila áfram til sigurs?  Pökkuðum öllu til baka í seinni
hálfleik og leyfðum Spánverjum algerlega að stjórna leiknum eftir það.  Vond hugmynd það.

En heilt yfir góð skemmtun, takk fyrir mig strákar.

En svona til að klikkja út á smá tuði.  Mikið afskaplega finnst mér það lélegt af KSÍ að ekki sé hægt að nálgast leikskýrslur á vellinum??  Hvað er það?  Voru 2 af 3 skiptingum íslenska liðsins t.d. í seinni hálfleik,
þar sem komu inn á strákar númer 14 og 16 og ENGINN í stúkunni í kringum mig hafði minnstu hugmynd
um hvaða drengir voru þar á ferð.  Það má nú bæta þetta verulega KSÍ!!!  Koma svo.

Íslendingar og Spánverjar skildu jafnir, 1:1

Er þetta hámark hrokans eða viðskiptavit?

Hver veit, kannski sjá þeir sér þarna tækifæri að kaupa annars ágætt lið á lágu gengi vegna lélegs árangurs þetta tímabil?  Hver veit?

Væri a.m.k. skelfilega lélegur business að kaupa heilt knattspyrnulið bara í hroka og gremju er það ekki?

En kæmi kannski ekki á óvart þegar Schmeichel er annars vegar. Hann var a.m.k. ekkert að skafa af því á vellinum þegar hann var upp á sitt besta.  Er kannski svolítið hrokafullt af mér að vera að hrauna á hann hérna á opinberum vettvangi?

ÁFRAM LIVERPOOL!!!  (afsakið, touret einkenni sem eru farin að gera vart við sig hjá mér)

Schmeichel með tilboð í Bröndby

DÉSJAVÚ - sagan endurtekur sig

Úrslitaleikurinn 2005 er án vafa dramatískasti fótboltaleikur sem ég hef horft á, engin spurning.

Voru ekki margir okkar púlara upplitsdjarfir í "hléinu" í Háskólabíó þar sem leikurinn var sýndur gjaldfrjálst á stóru tjaldi.  En við munum flestir hvernig fór síðan.  Unnum okkur upp úr 0-3 í hálfleik í að sigra leikinn, annað eins fótbolta rush man ég bara ekki eftir að hafa upplifað. Jú, mögulega þegar íslendingar komust 1-0 yfir á móti frökkum stuttu eftir heimsmeistarakeppnina.

Áfram Liverpool - verður afar spennandi úrslitaleikurinn, engin spurning.

Ps. Sorry strákar af skrifstofunni, United bara hefur þetta ekki núna :)

AC Milan í úrslitaleikinn gegn Liverpool

Árni Gautur án nokkurs vafa maður leiksins....

Loksins loksins stóð hann hlutverkið sitt vel þrátt fyrir brottgenga vörn liðsins í seinni hálfleik.  Reyndar samt erfitt að gagnrýna vörnina, vorum einfaldlega undir stórskotaliðsárás nánast allan seinni hálfleikinn.

Að sjálfsögðu sorglegt að tapa, en fyrri hálfleikur með betri töktum sem ég hef séð til liðsins lengi.

Vel gert Eyjólfur.

Spánverjar sigruðu Íslendinga 1:0

ÁFRAM LIVERPOOL :):):)

Alveg meiriháttar fyrir okkur poolarana að fara heim með 2 mörk á útivelli

Ótrúleg "tilviljun" að aðalmennirnir í umfjöllun um liðið undanfarið setji síðan báðir í leiknum!?!  Ha!!  Frábært bara....

Frækinn sigur Liverpool á Camp Nou