Framtíðin í handbolta er afar björt að virðist :)

Glæsilegur árangur hjá strákunum og ofsalega gaman að lesa eitthvað af jákvæðum fréttum núna innan um þessa svörtu en raunsönnu stöðu sem þjóðin er í.

Það verður virkilega spennandi og gaman að fylgjast með þessum strákum á komandi árum.

Áfram Ísland :)

Ísland leikur til úrslita um heimsmeistaratitilinn

Glæsilegt Valsmenn - til hamingju með bikarinn!

Ágætt að skipta aðeins um veruleika í nokkrar mínútur, stíga út úr stjórnmálaþrasi og fagna þessum góða árangri.

Áfram Valur!

Valsmenn eru bikarmeistarar

Það er nú gott mitt í öllu þessu kreppu tuði að geta a.m.k. treyst á.....

... að vinir mínir í Liverpool lyfti á mér brúninni :)

14 stig úr riðlinum, þetta stefnir að sjálfsögðu bara alla leið hjá strákunum.

Chelsea, Roma og Panathinaikos áfram

Nú er bara að rífa fram ungmennafélagsandann :)

Nú eru tímar þar sem þarf að þjappa mönnum saman og gera þetta á félagsandanum.

Áfram Valur - látum þetta ekki draga úr okkur.

Uppsagnir hjá Val

Afar sáttur við þessar fregnir af úrslitum

Bæði sigruðu bæði "liðin mín" í kvöld, Liverpool og Barcelona og í bónus spilaði Eiður Smári loksins heilan leik. Drengurinn búinn að ná að rífa sig í form núna og á sætið sitt í liðinu meira en vel skilið.

Þakka bara Guði fyrir að Gerrard náðist í leikform. Sigur minna manna frá Liverpool var ekkert of sannfærandi.

Barcelona, Liverpool og Atletico Madrid áfram

Undur og stórmerki

Ég sem hélt að mínir menn yrðu afar sprækir í leiknum eftir að hafa hvílt sig allan seinni hálfleikinn gegn Tottenham?!?  Þurftu þeir lengri pásu?

Ja, sei sei.   Miðjukóngurinn bjargaði þó málum með stórkostlegum einleik þarna undir lokin. Sótti vítið og skoraði.

Liverpool slapp með skrekkinn - Chelsea lá fyrir Roma - Eiður á bekknum allan tímann

Ólafur, við munum líka sakna þín.

Kærar þakkir fyrir frábæran tíma. Þér tókst af mikilli elju og kappsemi ásamt skemmtilegri heimspeki, að koma íslenskum handbolta lengra en nokkrum hefur tekist áður.

Þetta er að sjálfsögðu liðssport, en lið eru alltaf dreginn áfram af sterkum leiðtogum og sá leiðtogi ert þú Ólafur.

Takk fyrir mig.

„Ólafur kemur til með að sakna okkar“

Gulldrengurinn Gerrard :)

Það er bara einfaldlega í svona leikjum sem að maður man svo skýrt hvers vegna hann er einn af bestu knattspyrnumönnum heims.

Í ekkert sérstaklega hressilegum leik minna manna gerði Gerrard einfaldlega það sem til þurfti.

 

Stórkostlegt mark hjá Gerrard

LOKSINS LOKSINS LOKSINS :D:D:D

Mér líður bara eins og eftir silfur leik handboltastrákanna okkar

Alveg frábær seinni hálfleikur fyrir Liverpool sem knúðu í gegn sigur gegn góðu liði með dugnaði öðru fremur. Voru einfaldlega á undan í flest alla bolta í seinni hálfleiknum.

Alonso sem að fyrir einhverjar sakir sem að ég skil ekki, hefur verið orðaður mikið við sölu undanfarið átti frábæran leik og skapaði dúndur skot frá honum fyrra markið okkar þar sem að Van der Sar í frákastinu sópaði boltanum í lærið á Wes Brown og þaðan í eigið mark.

Finn aðeins til með Keane, sem var amk tvisvar sinnum mjög nálægt því að setja sitt fyrsta fyrir Liverpool, en náði því miður ekki í þetta skiptið. Hann og Kuyt að öðrum ólöstuðum voru engu að síður að mínu mati ásarnir sem með miklum dugnaði drógu liðið með sér í þennan sigur.

 

 

Babel kom, sá og sigraði og setti seinna mark Liverpool eftir að baráttu gleði skilaði boltanum til hans þar sem að hann stóð frír í teignum. Duglegur og teknískur. 

 

Alveg meiriháttar "fíling"

ÁFRAM LIVERPOOL !!!!!

Babel tryggði Liverpool langþráðan sigur á Manchester United

Mig langar ekki oft að blóta nú orðið.....

... en hvaða ótrúlegi aumingjaskapur var það að hlaupa ekki í frákastið frá vítaspyrnunni????

Það er nú ekki oft sem að markmennirnir okkar eru að verja svo ágætlega vítaspyrnur að við megum við því að vörnin standi bara í heild sinni eins og vængbrotnar álkur og HORFI á leikinn úr fjarlægð.

Ég er nú ekki mikill fótboltamaður á vellinum, en þetta fannst mér einfaldlega aumingjaskapur.

Synd að minnast þessa helst í einum besta leik sem að ég hef séð liðið spila lengi.

Skotar unnu nauman sigur