VINNUPLAGGI BORGARAHREYFINGARINNAR UM ATVINNUMÁL LEKIÐ Á NETIÐ?

Hefur þetta lekið til þín?

 

Hef ekki tekið eftir því að flokkarnir séu að beita sér fyrir þá sem nú þegar eru atvinnulausir - ef fólk er lengur atvinnulaust en hálft ár - þá er mjög erfitt fyrir viðkomandi að komast aftur inn á vinnumarkað. Mikilvægt er að koma til móts við þennan hóp sem nú þegar spannar 10% landsmanna. Skorum á atvinnulausa að koma að þessari hugmyndavinnu með okkur. 

1.  Innihaldslaus kosningaloforð fjórflokkana um atvinnumál eru siðlaus blekkingarleikur og eru til skaða fyrri almenning og atvinnulífið. 

2.  Besta leiðin til að efla íslenskt atvinnulíf (fyrirtækin) og þar með auka atvinnuþátttöku er að skipta út krónunni fyrir annan gjaldmiðil, annað hvort með myntbandalagi við aðra þjóð (USA eða Noreg t.d.) eða ESB. Ef það tekst ekki þá þarf að taka einhliða upp aðra mynt og þar væri hagkvæmast að taka upp Evru vegna vægis hennar í utanríkisviðskiptum Íslands en annars Dollar. Það má svo sem velta upp einhverri hugmynd um mynt- og efnahagsbandalag við Noreg sem nokkuð mörgum hugnist en það er þó miklu óljósara fyrirbæri.

3.  Störf í matvælaiðnaði sem myndu stóraukast ef áhugasömum (bændum) væri gert kleyft að fá rafmagn á taxta sem kemst nærri stóriðjutaxtanum.  Ylrækt, lífræn ræktun, heimaframleiðsla á býlum, einnig til útflutnings.  Í framhaldinu verði komið á kerfi þar sem allir kaupendur raforku, stóriðja sem aðrir, fái einfaldlega að kaupa sér raforku í opnum útboðum og aflögð verði algerlega leynd með raforkuverð.  Þannig nýtum við auðlindina best.

4.  Stuðningsumhverfi fyrir nýsköpun og frumkvöðlastarf þarf að einfalda og efla og taka það úr þeim farvegi sem það er nú undir flokkspólitískri stjórn og setja undir stjórn þeirra sem hafa þegar náð árangri í þeim efnum.  Hátækni- , tölvu- og fjármálamenntað fólk er einnig atvinnulaust og þetta fólk þarf að leiða saman, t.d. í gegnum miðstöðina í lið 5 í stefnuskránni okkar.

5.  Bráðaaðgerðir til aðstoðar atvinnulausum verða að koma til STRAX til að koma í veg fyrir að hér skapist stórkostlegt félagslegt vandamál vegna afleiðinga langvarandi atvinnuleysis. Nú þegar eru nærri 20.000 manneskjur atvinnulausir.

5a.  Við þurfum að byrja strax með því að setja upp miðstöð mannaða atvinnulausum sem fengu 1,5 atvinnuleysisbætur.

5b.  Þetta fólk færi inn í atvinnuleysisskrána og fyndi valið fólk (50 til 100 manns) með sérþekkingu á einhverjum ákveðnum sviðum. Því yrði svo boðnar 1,5 atvinnuleysisbætur til verða verkefnisstjórar og stofna hópa atvinnulausra utan um sérsvið sitt með það fyrir augum að bjóða upp á praktískar leiðir út úr atvinnuleysinu með t.d. námskeiðum í stofnun fyrirtækja, einyrkjarekstri, endurmenntun, námskeiðum eða hverju öðru sem gagnast gæti hugsanlegum þátttakendum. Mikilvægt er að þetta sé eftirspurnardrifið, þ.e. ekki skipulagt ofan frá heldur falli að hugmyndum og áhugsviðum þátttakenda.

5c.  Í boði yrðu 1,25 atvinnuleysisbætur fyrir þátttakendur.

5c.  Hvatt yrði til stofnunar alls konar smá- og einyrkjafyrirtækja þar sem fólkið héldi fullum (auknum) bótum meðan það væri að spjara sig í nýjum rekstri og koma undir sig fótunum á ný.

6.  Mikilvægt er að bjóða upp á ný atvinnutækifæri við hæfi en ekki setja t.d. bankamenn í álver, pípara í leikskólavinnu eða skáld í bókhald.

7.  Hvert starf í álveri ALCOA kostaði um 230 milljónir króna. Það er hægt að gera mjög margt annað fyrir brot af þessari upphæð þegar kemur að því að skapa ný störf.

8.  Einnig má efla mikið félagsstarf atvinnulausra með stofnun t..d. Leikfélags atvinnulausra, Kórs atvinnulausra, Gönguhóps atvinnulausra (vikuleg Esjuganga t.d.), Sjósunds atvinnulausra o.s.frv., þetta er kannski einfaldlega spurning um hugmyndaflug.  Félag atvinnulausra smiða, kennara, bókara, o.s.frv. sem hittust og spjölluðu og fengu nýjar hugmyndir.

9. Það ætti að nýta þær félagsmiðstöðvar sem eru til staðar sem samverustaði fyrir þá sem eru atvinnulausir.

10.  Fyrirtækin verða meðhöndluð samkvæmt grein 4 í stefnuskránni þar sem meginstefnan er að afskrifa ekki skuldir sjálfkrafa heldur yrði það eingöngu gert sem hluti af endurskipulagningu þar sem t.d. starfsfólkið tæki yfir reksturinn.  Það eru t.d. ekki fyrirtækin í sjávarútvegi sem veiða fiskinn heldur sjómennirnir á skipunum og þeir geta vel haldið því áfram þó eigendur fyrirtækjanna tapi þeim.

11. Það mun verða erfitt að koma alveg í veg fyrir gjaldþrot í því algera hruni sem blasir við
þar sem margir eru einfaldlega skuldsettir langt upp fyrir haus og jafnvel atvinnulausir
í ofanálag. Ef gjaldþrot verða mjög algeng þá þarf að lagfæra löggjöfina þannig að
fjárnámsaðgerðir verði takmarkaðar og að fólk komist tiltölulega fljótt af vanskilaskrá
og eigi þá auðveldara að koma undir sig fótunum á ný.

EKKI GERA EKKI NEITT!!  Hér verður að koma á breytingum.

Borgarahreyfingin mun taka til ÓSPILLTRA málanna

Byltingarandinn lifir enn - ekki gleyma þér á morgun!!

Kjördagur kominn og enn ekki viss um hvað skal kjósa? Vísa hér á góða greiningu á valkostunum

Langaði bara að benda þér á þessa afar góðu greiningu á stöðunni eins og hún er. Hrannar Baldursson bloggari fer hér rökrænt og yfirvegað í gegnum stöðuna eins og hún blasir við honum.

Ég mæli eindregið með lesningu pistilsins hans.

http://don.blog.is/blog/don/entry/859959/

Burt með ránfuglinn!  Borgarahreyfingin er raunhæfur kostur, líka fyrir hægrimenn í valkvíða.

Tillögur Borgarahreyfingarinnar að lausnum í atvinnumálum

Ég var fyrir hönd Borgarahreyfingarinnar í kosningaþætti Stöðvar 2 í gærkvöldi sem að fjallaði um atvinnulífið og áherslur framboðanna í þeim málum. Þáttinn má sjá hér.

Ég var búinn að setja á blað það sem ég vildi segja þarna, en ákvað eftir að hafa horft á Össur Skarphéðinsson og Atla Gíslason tala á undan mér, Össur blaðlaust og Atli með einhverja punkta bara, ákvað ég að tala blaðlaust líka í þeirri von að það kæmi betur út. Er ekki viss um hvort hefði komið betur út, en held að þetta hafi bara verið nokkuð skýrt hjá mér.

Það sem ég hefði viljað koma betur inn á en kom ekki inn vegna tímamarkanna voru hugleiðingar um hvar störfin verði til. Það er svo algeng spurning þessa dagana að spyrja frambjóðendur að því hvar þeir eða ríkið ætli að skapa störfin.

Mér finnst það í raun lýsa skilningsleysi á atvinnulífinu, því það er ekki ríkið sem skapar störfin nema að litlu leyti og tekjurnar til að reka ríkið koma í öllum tilfellum frá einkaframtakinu og samfélaginu. Eins og Samtök Atvinnulífsins lögðu á áherslu á aðalfundi sínum í gær, það er atvinnulífið sem skapar störfin.

Þetta er skemmtilegt form á þættinum hjá þeim á Stöð 2 og mér finnst það til þess fallið að koma málum nokkuð skýrt á framfæri jafnvel þó að fæstir nái því að segja það sem þeir vilja koma fram á aðeins einni mínútu, en það er tíminn sem talsmenn fá fyrst til að segja frá sínum áherslum.

En ég skelli hérna inn með því sem ég var búinn að setja á blað fyrir þáttinn:

Borgarahreyfingin leggur á það höfuðáherslu að það verði að lækka hérna strax stýrivexti og að við verðum einnig að ná völdunum yfir vaxtastefnunni aftur hingað heim úr höndum Alþjóðagjaldeyrissjóðsins.

Það verður að ganga strax í að leysa myntvandann sem hér ríkir. Fyrirtæki landsins eru í heljargreipum óvissunnar sem því fylgir að búa við gríðarlega óstöðugan gjaldmiðil og geta vegna hans ekki spáð fyrir um nánustu framtíð, sem er algerlega ótækt í öllum rekstri.

Fyrirtækin og heimilin í landinu eru órofa heild. Aðgerðir sem hægt er að fara í strax eftir kosningar til þess að koma hjólum atvinnulífsins af stað þurfa því að taka mið af ástandi heimilanna. Bráðaaðgerðir til handa heimilunum, sem felast í bakfærslu á skráningu vísitölu verðtryggingar aftur til janúar 2008, munu bæta verulega hag heimilanna. Bættur hagur heimilanna skilar sér strax til fyrirtækjanna í formi aukinnar neyslu og aukins sparnaðar.

Aukin neysla eykur hag fyrirtækjanna, sem í framhaldinu skapar fleiri störf. Bættur hagur atvinnulífsins er besta mögulega leiðin til þess að takast á við það mikla atvinnuleysi sem nú er á Íslandi.

Aukin sparnaður eykur hér líkurnar á fjárfestingu í nýsköpun og verður að styðja sérstaklega við þann geira og viljum við leggja áherslu á það.Það þarf að styrkja við stofnanir eins og Nýsköpunarsjóð, Frumtak og aðrar þær stofnanir sem að styðja við sprotana í landinu. Það verður að auðvelda aðgengi frumkvöðlanna að þessum stofnunum með því að bæði draga úr skrifræðinu og styðja vel við þá í gegnum allt umsóknarferlið.

Hlutverk Byggðastofnunar þarf að styrkja og gera alveg gagnsætt. Sterkt atvinnulíf er eina færa leiðin fyrir okkur öll til að vinna okkur út úr þessu ástandi sem nú ríkir.

Hlutverk ríkisins ætti fyrst og fremst að felast í góðu eftirliti og stuðningi við góðar hugmyndir. Við teljum það ekki hlutverk ríkisins að standa í rekstri í samkeppni við einkageirann. Ríkið og sveitarfélög sjá um rekstur velferðar- og menntakerfisins og hafa utanumhald um samgöngumálin og skapar þar í gegn fjölda starfa að sjálfsögðu. Megin hlutverk ríkisins á hins vegar að vera að skapa hér þá umgjörð og jafnvægi að atvinnulífið fái sjálft þrifist og nýsköpunin komi frá fólkinu en ekki stofnunum. 

Eins Samtök Atvinnulífsins hafa verið að leggja á áherslu, þá er það atvinnulífið sem skapar hér störfin og það er okkar hlutverk að styðja við það. Starf hjá ríkinu er alltaf greitt með framleiðni í einkageiranum.

Fjórfalt fleiri í vanda

Myndskilaboð frá Borgarahreyfingunni - Við munum ráðast í vanda heimilanna og fylgið til þess eykst hratt

Við erum samkvæmt þessari könnun með 4 menn inni sem er algerlega frábær árangur ný framboðs sem hafði tæplega 8 vikur til þess að verða til. En ég er bjartsýnn maður og miðað við þann kröftuga meðbyr sem að ég finn með okkur alls staðar þar sem ég kem þessa dagana hef ég fulla trú á því að við munum tvöfalda þessar fylgistölur þegar talið er upp úr kössunum. Fylgið okkar kemur víða að en óánægju fylgi frá Sjálfstæðisflokknum fer stöðugt vaxandi og við fögnum því að sjálfsögðu sem og öllum öðrum pólitískum flóttamönnum eins og einn okkar orðaði það í útvarpsviðtali.

En hér eru skýr skilaboð til þín frá snillingnum henni Margréti Tryggvadóttur sem er oddviti listans okkar í Suðurkjördæmi:

 

Sjálfstæðisflokkur tapar miklu

D listi og Evran - Þessi mynd gengur víst núna um netheima - fékk hana senda áðan

Trúverðugt?  Nah....  Hélt ekki vatni í einn heilan dag hjá þeim

Framtíðarlausnir? Nah....  Meira um fumkenndar skyndilausnir í formi loforða sem furðu margir virðast þó hlusta eftir.

Segjum bara satt!

Borgarahreyfingin - við ætlum okkur að taka til Óspilltra málanna.

S- og V-listar bæta heldur við

AUTT ER DAUTT!! Settu X við O - Borgarahreyfingin mun taka til óspilltra málanna

Ég var í Kringlunni í gær með framboðs brosið að tala við landann. Hitti mikið af skemmtilegu fólki og nokkuð merkilegt frá að segja að mér finnst ótrúlega mikið sameiginlegt með unga fólkinu sem ég ræddi við og elstu kynslóðinni. Þessar tvær kynslóðir virðast eiga það mikið sameiginlegt að vera reitt yfir ástandinu, unga fólkið yfir klöfunum og gamla fólkið yfir því hvernig við brenndum allt sem þau byggðu upp.

Báðar kynslóðirnar virðast mikið vera að hugsa til þess að hér verði að koma á kerfisbreytingum, gagngerum kerfisbreytingum. Að núverandi kerfi og flokkar, að minnsta kosti DBS, séu bara búnir að sanna svo skýrt að þeirra pólitík er sérhagsmuna gæsla á kostnað almennings, að þeim verði að sýna skýrt að þjóðin sætti sig ekki við þetta.

Af eldri kynslóðinni ætluðu mjög margir að kjósa okkur í stað Sjálfstæðisflokksins sem fólkið sagðist hafa kosið áratugum saman. Af ungu kynslóðinni fannst mér aðallega liggja þrír kostir í loftinu.

Að kjósa okkur, VG eða að skila auðu. Þar liggur stór vandi að mínu mati.

Að skila auðu er að TAKA EKKI þátt í lýðræðinu. Autt atkvæði ER dautt atkvæði.

Hvort sem að þú vilt það eða ekki að þá mun autt atkvæði styðja við D lista í komandi kosningum. Hluti atkvæðis þíns mun nýtast þeim í samræmi við kjörfylgi þeirra. Er það það sem þú vilt?

Hvort sem þú kýst XO eða ekki, þá verðurðu að kjósa. Taktu ábyrgð á hlutverki þínu í lýðræðinu, kjóstu!

Borgarahreyfingin - vill taka slaginn fyrir þig. Við munum taka til óspilltra málanna fáum við til þess umboð þjóðarinnar.

 

Margir ætla að skila auðu

Undir "traustri" efnahagsstjórn Sjálfstæðisflokks jókst hlutur ríkisins í fjárlögum um 52% á árunum 1999-2007

Já, þetta er einmitt afar merkilegt. Afar merkilegt að á sama tíma og flokkurinn í ríkisstjórn með Framsóknarflokknum lagði höfuðáherslu á einkavæðingu, blés stjórnsýslan gjörsamlega út og varð mun óhagkvæmari í rekstri en áður var.

Hver var tilgangur einkavæðingarinnar?

Ég talaði við mann sem vinnur í dag hjá Sjúkratryggingastofnun sem áður var hluti Tryggingastofnunar en er nú búið að setja í sérdeild. Hann sagði þetta mál sæta furðu hreinlega. Þessi maður og aðrir starfsfélagar hans sinna enn sömu störfum á sömu skrifstofum með sömu tækjum og tólum. Eina breytingin að virðist er að nú er notast við bréfsefni með öðrum haus, það er komin ný tölvudeild við hlið þeirrar sem starfar innan Tryggingastofnunar og rúsínan í pylsuendanum.

Jú, það er komin alveg ný fullmönnuð stjórn og framkvæmdastjórn á væntanlega mjög fínum launum.

Hagræðing?

Borgarahreyfingin býður fram krafta sína fyrir þig. Við munum taka til óspilltra málanna.

Efling atvinnulífs gegn fjármálakreppu

Borgarahreyfingin komin inn með 4 þingmenn samkvæmt skoðanakönnun Gallup!

Frábærar fréttir og algerlega í anda þeirrar tilfinningar sem að ég hef haft undanfarna daga eftir samskipti við fólk um allan bæ. Og það sem meira er, það eru enn 4 heilir dagar fram að kjördegi og ennþá eru aðeins 60% sem taka afstöðu þannig að við gætum enn átt mikið inni til viðbótar.

Þetta er frábær byrjun á þessum baráttudegi - takk fyrir stuðninginn kæru landar. Samkvæmt þessu hefur Sjálfstæðisflokkurinn tapað 10 þingmenn frá síðustu kosningum og má við meiru. Það eru enn eftir 15 þingmenn þar sem má alveg án þess að skammast sín kroppa meira í.

Verði þetta niðurstöðurnar lofa ég áfram því einu að ég mun segja bara satt og við munum taka til óspilltra málanna

Borgarahreyfingin býður fram krafta sína fyrir þig

O-listi fengi fjóra

Borgarahreyfingin við það að ná 2-3 mönnum inn á þing samkvæmt þessari könnun

Ég sit hér í sófanum og horfi á endursýningu sjónvarpsins á borgarafundinum í kvöld frá Suðurlandi. Á sama tíma er ég hér í tölvunni að skanna í gegnum helstu fréttir dagsins þar sem að ég er búinn að vera á ferðinni í allan dag í framboðsleiknum og því ekki séð fréttir.

Þessi könnun frá Háskólanum mínum á Bifröst er einfaldlega enn ein staðfestingin á því að við erum á fljúgandi siglingu, aukum við okkur fylgi í hverri einustu könnun og erum orðin þess alveg sannfærð um að þetta sé héðan af aðeins spurning um hvort að þingmenn frá Borgarahreyfingunni verði 2 eða fleiri eftir kosningarnar á Laugardaginn. Já, jafnvel bara mikil fleiri.

Hvers vegna er ég svona mikið bjartsýnn núna?  Jú vegna þess að við höfum mælst sterkt hjá karlmönnum hingað til í könnunum en afar lágt hjá konum.

Hún Margrét Tryggvadóttir, sem er oddviti lista Borgarahreyfingarinnar á Suðurlandi, er einfaldlega að standa sig svo gríðarlega vel á þessum borgarafundi að nú hlýtur fylgið þar að taka kipp og þá vonandi mikinn kipp hjá kvenþjóðinni.

Takk Margrét - þetta er frábær frammistaða hjá þér!

Borgarahreyfingin er á leiðinni á þing - þar munum við taka til óspilltra málanna!

Fylgið við VG eykst enn