Ég er Kristinn OG mér finnst þetta alveg frábær auglýsing!!!

Ég gjörsamlega kútveltist af hlátri þegar ég sá auglýsinguna í fréttum í kvöld.  Af hverju ekki að gefa Guði og Jesú smá kredit og trúa því að þeir hafi húmor?  Guð skapaði jú okkur skv. kenningunni í sinni mynd.

Ég trúi því að Hann hafi líka gefið okkur góðan húmor, og margbreytilegan húmor því það virðast jú ekki allir geta hlegið að því sama. En ofsalega erum við að taka okkur sjálf hátíðlega og það sem við höldum/trúum að við stöndum fyrir ef við getum ekki hlegið að Jesú bröndurum?

Ég er algerlega viss um að Jesú, alveg eins og menn sem þurfa að ganga í gegnum skelfilega reynslu (þó að reynslan komist að sjálfsögðu væntanlega ekki í hálfkvisti við það sem Jesú þurfti að upplifa á krossinum í syndum manna), hafi lært með tímanum að hlægja að erfiðleikunum.

Þar fyrir utan vissi Hann væntanlega innst inni allan tímann hvert planið var, skv. kenningunni þurfti planið jú að gerast til þess að við skrælingjarnir ættum einhvern séns.

Hef alla tíð síðan ég varð Kristinn líka fundið mikið til með Júdasi, hlýtur að vera skelfilegt að hafa þurft að taka að sér þetta hlutverk. Ömurlegt.

En höfum gaman af lífinu og gleðjumst. Eyðum ekki öllu okkar í dómhörku og hneikslan. Það trúi ég að sé Guði þóknanlegt.

Biskup segir nýja auglýsingu Símans smekklausa

Aldrei hefði ég trúað því að ég væri ekki KAFFI??

Samkvæmt kaffiprófinu er ég
Svart te!
.. þótt það hljómi furðulega.
Hvernig kaffi ert þú eiginlega?

Já, það er alveg ljóst að ég mun hratt venjast við þessa stöðu á deildinni :)

United menn reyndar búnir að "rífa" sig upp með heilt núll sigri á Sunderland í dag, vonandi að þeir nái að halda sig uppi fyrir ofan miðja deild í vetur. Eykur á spennuna að hafa þá með.

1.	Liverpool	4	3	1	0	11:2	10
2.	Everton	5	3	1	1	8:5	10
3.	Chelsea	4	3	1	0	7:4	10
4.	Man. City	4	3	0	1	4:1	9
5.	Newcastle	4	2	2	0	6:3	8
6.	Man. Utd	5	2	2	1	3:2	8
7.	Wigan	5	2	1	2	6:4	7
8.	West Ham	4	2	1	1	5:3	7
9.	Arsenal	3	2	1	0	4:2	7
10.	Middlesbro	5	2	1	2	7:6	7
11.	Portsmouth	4	1	2	1	6:5	5
12.	Blackburn	3	1	2	0	4:3	5
13.	Tottenham	5	1	1	3	8:8	4
14.	Aston Villa	3	1	1	1	3:3	4
15.	Fulham	5	1	1	3	8:10	4
16.	Birmingham	5	1	1	3	6:9	4
17.	Sunderland	5	1	1	3	3:8	4
18.	Reading	5	1	1	3	2:8	4
19.	Bolton	5	1	0	4	7:10	3
20.	Derby	5	0	1	4	3:15	1

Markatalan ansi flott þarna á toppnum 

Liverpool í toppsætið eftir 6:0 sigur á Derby

Það er laugardagskvöld, hvern langar ekki á sænskan dansleik?

Kynin og rökhyggja?

Fór að velta fyrir mér eftir að ég var að lesa bloggið hjá góðum vini mínum Arnóri hversu stórkostlegur misskilningur ég upplifi að þessar fullyrðingar eru með kynin og tilfinningaleg viðbrögð annars vegar og rökræn viðbrögð hins vegar.

Af hverju er því almennt haldið fram að karlar séu svo miklar rökhyggju manneskjur og konur svo miklar tilfinningaverur?  Var það kannski þannig einu sinni?  Tja, það er það a.m.k. ekki í almennum skilningi lengur.  Man svo vel eftir orðum prests sem að ég hitti í undirbúningnum fyrir Brúðkaupið mitt, en hann sagði að þessu væri einmitt þveröfugt farið. Að það væru konur sem væru rökrænar (skynsamar) og karlar sem hegðuðu sér meira eftir tilfinningum sínum (impulse).

Er það ekki bara svoleiðis?  Auðvitað eru ALLAR alhæfingar rangar (og þá þessi væntanlega líka), en ég held að þetta sé svona almennt rétt.

Við bregðumst ítrekað við af því sem kallað er t.d. impulse eða first instinct á erlendri tungu, á meðan að konur virðast ítrekað bregðast við af yfirvegun og jafnvel vel hugsuðu máli.

Prestur þessi ofangreindur sagði nefnilega að hans reynsla væri sú að konur velji eiginmann sinn vandlega, en mun algengara sé með karlmenn að "hún" hafi verið svo mikið æði OG hún vildi hann.  Hún sem sagt sagði JÁ!!

Þér finnst þessi hugleiðing mín kannski gera heldur lítið úr okkur karlpeningnum en það er allt í lagi.  Mér finnst ég ekkert minni maður fyrir vikið.  Ég er þvert á móti afar stoltur af því að konan sem ég hreifst af skildi velja mig

 

Ps. Mæðgunum heilsast afar vel.  Sú litla bara drekkur og drekkur og drekkur og drekkur, og mamman farin að finna fyrir verulegum þrýstingi frá mjólkurframleiðslunni.  Hefðum eiginlega þurft að eignast þríbura held ég til að ná að vinna á mjólkurkvótann eitthvað að ráði.

  Sé mæðgurnar ekki mikið öðruvísi þessa dagana :)  Bara í mismunandi stólum eða herbergjum.

Would you have invested?

Fyndið, þessi mynd minnti mig skyndilega svo mikið eitthvað á mynd sem gekk í netheimum fyrir nokkrum árum af stofnendum Microsoft.  Ótrúlega lúðaleg mynd með hópi af nördum sem voru að leyta að fjárfestum á þeim tíma og gekk ekki vel.  Fyrir neðan myndina stóð bara: "Would you have invested?".

 

Veit ekki af hverju þessi frétt minnti mig á þetta, fyndið.....

Stuðningur við ríkisstjórnina dalar