Fyrir hvern ert þú að greiða af lánunum þínum?

Það er eðlilegt að margir séu nú að íhuga að hætta að greiða af skuldbindingum sínum. Þetta hefur svo augljóslega lítinn sem engan tilgang á sama tíma og verðtryggingin er okkur lifandi að éta út frá viðmiði neyslunnar í samfélaginu á síðasta ári og 2007!  Það einfaldlega verður að gera eitthvað í málum og það strax.

Ég er búinn að tala við tugi fjölskyldna að undanförnu sem eru með lán á milli 20 og 50 milljónir í heildina og örfáar fjölskyldur jafnvel rúmlega tvöfalda þá upphæð.

Fjölskylda með um 30 milljónir í húsnæðisláni er í dag að greiða um 120.000 á mánuði af því en lánið er að hækka um um það bil 500.000 á sama tímabili. Það sé hver heilvita maður að þetta gengur aldrei upp.

Borgarahreyfingin lagði til afar róttæka en gagnlega aðgerð til þess að koma heimilunum til bjargar. Slíkar aðgerðir er hins vegar enn ekki hægt að ræða vegna þess að núverandi ríkisstjórn situr yfir tebolla í Norræna húsinu til þess að ræða í rólegheitunum hvaða afstöðu þau vilji taka til ESB í næstu ríkisstjórn.

Er ESB svarið við öllum spurningum? Nei, það er það augljóslega ekki.

Við verðum að krefjast þess að Jóhanna, Steingrímur og föruneyti þeirra stigi umsvifalaust fram og fari að vinna í lausnum að bráðavanda heimilanna. Það er FORGANGSATRIÐI kæru valdherrar.

Margir íhuga greiðsluverkfall

Athugasemdir

[Guðjón Atlason (IP-tala skráð) 2.5.2009 kl. 14:14]

Það verður engin skjaldborg slegin um heimilin, við þurfum að fara að átta okkur á því. Því miður er þetta ekki allur almenningur sem er í vanda vegna lána og því alls ekki samstaða sem er nægjanlega breið, þeir sem keypt íb.húsn fyrir 2002 eru ekki í neinum vanda, né þeir sem eiga eftir að kaupa (meira segja stefnt á að fella niður verðtryggingu fyrir þetta fólk framtíðarinnar en ath að það á ekki að leiðrétta neitt aftur á bak í því). Svo eru heimilin á hraðleið á brunaútsölu sem gagnast ágætlega þeim sem ekki eru með íb.skuldir frá árunum 2002-2008. Þegar búið er að bera fjölskyldurnar út á götu er meira að segja örugglega hægt að fá innbúið með í kaupauka.

Það er því alls ekki vilji til að koma til móts við íb.lánaskuldara sem eru í vanda og þess vegna er enginn (nema smáframboðin xb og xo) með þetta á stefnuskrá. Háværar raddir rísa strax upp ef minnst er á skuldaleiðréttingu og á bak við liggur: ,,Ekki ætla ég að fara að borga fyrir þetta skuldapakk sem leyfði sér að reyna að koma þaki yfir höfuðið á þenslutímum."

 Verst er að það er engin leið að losna úr þessu skuldafeni, þetta er ævilangur dómur og ekki vilji til að hjálpa fólki út úr því. Ekki einu sinni hægt að flytja úr landi því skuldafenið fylgir alltaf - Fyrir marga er þetta búið. Svo einfalt er það. En eins dauði er annars brauð, gleymum því ekki.

Svona er þetta bara og ekki annað að gera en að sætta sig við þetta. Skuldafangelsi til æviloka, sennilega húsnæðisleysi eftir einhvern tíma og svo færast skuldirnar til næstu kynslóðar. Þetta á þó bara við um þá kynslóð sem er svo óheppin að vera akkúrat núna í húsnæðislánasúpunni. En hvað er það svo sem, að fórna einni kynslóð á sláturborði mammons?

[Ægir Óskar Hallgrímsson, 2.5.2009 kl. 14:32]

Gylfi ("Forseti" ASÍ) og ríkisstjórnin eru að ræða það sem skiptir máli, ESB búið að reka Dabba og loka nektarbúllum, næsta mál ESB annað skiptir ekki máli.

[Gunnar Sigurðsson (IP-tala skráð) 2.5.2009 kl. 14:48]

Held að það sé rétt hjá Gaua ,það á að ekki að slá svokallaða skjaldborg um heimilin Það á að venju að koma með grefilausnir sem felast í því að fresta vandamálinu ,lenging lána,vaxtabætur og eitthvað sem kallað er greiðsluaðlöðun.Svo á bara að vera góðir við þá sem verða gjaldþrota. Það á sem sagt að leyfa þeim að ganga á milli stofnanna frá manni til manns til þess að reyna að fá úrbætur á sínum málum og á meðan hrúgast upp kostnaður á fólkið t.d. frá þessum innheimtufyrirtækjum sem flest ef ekki öll eru að fullu eða að hluta orðnar ríkisstofnanir enda í eigu ríkisbankana

Og enginn gerir neitt og allar tillögur í þá veru að verja heimilin eru slegnar út af borðinu vegna þess að það er möguleiki á að einhver sem ekki á skilið að fá hjálp fái hjálp ??

Hvað er að á þessu landi  ,maður spyr sig ?

[Arinbjörn Kúld, 2.5.2009 kl. 16:30]

Gaddavírsgirðiing hefur verið slegin um heimilin til að halda þeim í skuldafangelsi og skjaldborg um fjármagnseigendur. Það er málið og verður. Stjórnin er búin að gera það sem hún ætlar að gera fyrir almenning. Svo verðum við látin borga. Önnur búsáhaldabylting er óhjákvæmileg næsta vetur og loks þá mun eitthvað verða gert í þágu almennings og þar verður Borgarahreyfingin í fararbroddi.

[Johann Trast Palmason, 2.5.2009 kl. 17:20]

Er málið að taka Argentinu á þetta og brenna dyra bila Bankastofnanir og husnæði ríkra aðila til að stjórnvöld átti sig og geri ethvað i málinu ?

[Baldvin Jónsson, 2.5.2009 kl. 17:22]

Hey Joe, long time!!  Hvernig er lífið í Noregi?

[Guðjón Atlason (IP-tala skráð) 2.5.2009 kl. 18:47]

Þið fattið ekki að þeim er alveg sama þótt það sé alvarlegt.. þetta er bara alvarlegt fyrir nokkur þúsund manns. Hinir eru ok, stikk frí og munu jafnvel græða fínt á þessu að lokum.

[Þorsteinn Ingvarsson (IP-tala skráð) 2.5.2009 kl. 22:16]

Hverjum dettur í hug að heilög Jóhanna og Steingrímur J.Geri eitthvað í málunum til að bjarga heimilum og fyrirtækjum í landinu? Hvað er í gangi ? ég skil það ekki ef fólk ætlar að treysta á þessa tvo flokka til að bjarga okkur, þá er ég fluttur úr landi. Vinstri Grænir fóru inní kosningabaráttunna með það að leiðarljósi að ekki kæmi til greina að ganga inn í ESB, þeir verða bara að standa við það annars eru þeir búnir að vera. VG bætti við sig 5 mönnum á þing bara fyrir þetta loforð. Samfylkinging bætti við sig 2 mönnum, það var ekki mikil sigur enn það var ekki útaf því að Samfylking vildi ganga inn í ESB að hún bætti við sig 2 mönnum það var einfalda vegna þess að Heilög Jóhanna var í framboði. Þess vegna er ég hand viss að V.G. Munu á endanum gefa sig varðandi E.S.B málið. Ég skil ekki hvað er í gangi með þetta ESB mál þar sem margir fræðingar segja að við erum ekki á leið inn í ESB þeir telja að það geti tekið 10 - 15 ár að komast þarna inn sumir vilja meina að við séum betur sett með Norsku Krónuna eða Dollarann já eða kanadadollarann. Ég spyr, hvað er í gangi ?  er ekki nær fyrir þessa meirihlutastjórn að hætta þessu rugli og fara að vinna vinnuna sína ? gera eitthvað fyrir íslenska þjóð þannig að við getum vel við unað ? kanski geta þau það ekki því að hafa ekki úrlausn enn vegna þess að þú minnist á Borgarahreyfinguna sem ég hef ekki skilið en ef ég skil það þá er þetta fólkið sem lamdi potta og pönnur í vetur, ef ég er að fara með rangt mál þá leiðréttir þú mig.En við eigum annað mikið betra, það eru haugsugur sem taka fimmtán þúsund lítra sinnum fimmtíu það mætti fara með það niðrá austurvöll og láta það vaða yfir hús og híbíli. Óska eftir góðum og málefnalegum svörum. Guð blessi þig og þína.

 MBK

Þorsteinn Ingvarsson 

[Rómverji (IP-tala skráð) 2.5.2009 kl. 23:19]

Rétt athugað, Baddi.

Þú varst auðvitað búnn að sjá þetta:

http://eyjan.is/silfuregils/2009/05/02/skuldir-heimilanna-grein-eftir-gunnar-tomasson/

Komment Gunnars nr. 1 helv. gott. 

[vala (IP-tala skráð) 3.5.2009 kl. 10:47]

Hættið að borga af skuldunum strax í dag!  Heimtið skuldaniðurfellingu og látið ekki flæma ykkur úr húsi. Allir samtaka. Það gengur ekki að "blotta" hálsinn fyrir vampýrurnar endalaust. Þær fá hvort eð er aldrei nóg. Sjálfsvirðinguna til baka takk!

Þið sem ekki lentuð í þessu styðjið hina í þessarri kröfu.

[assa (IP-tala skráð) 3.5.2009 kl. 11:33]

Það væri réttlátast fyrir skuldara að miða vísitöluna við 01.01.´08. Það er ótrúleg afstaða margra sem ekki skulda að ekki megi leiðrétta skuldir annarra því þá fái þeir ekki neitt!! Það er ekki verið að gefa neinum neitt! Það er verið að leiðrétta og taka til baka ásettan ómaklegan dóm. En allir þeir sem kusu Samfylkinguna og Vinstri græna gleymdu að huga að þessu. Jóhanna var búin að lýsa því yfir fyrir kosningar að leiðrétting kæmi ekki til greina. Miðað við það hefði flokkurinn átt að eiga undir högg að sækja.

Ég veit ekki hvað þetta fólk er að gera! Eins og Baldvin segir...kannski að drekka te í rólegheitunum út í bæ og vinka þeim sem fara framhjá róandi lífróður. Jóhanna, kannski er Esb svona rosalega gott. En það skiptir bara engu máli fyrir okkur núna. Sá draumur þinn rætist ekki innan 3-5 ára. Þinn tími kom, en þinn tími er liðinn ef þú ferð ekki strax í að leiðrétta skuldir heimilanna.

[Kristinn (IP-tala skráð) 3.5.2009 kl. 22:21]

Gaui, það vantar eitt upp á þetta, sérstaklega þessa línu "Ekki ætla ég að fara að borga fyrir þetta skuldapakk sem leyfði sér að reyna að koma þaki yfir höfuðið á þenslutímum."

Ríkisstjórnin ákvað að tryggja allar bankainnistæður til fulls og langt umfram það sem tryggingasjóður átti að ná yfir. Þegar það var gert var ákveðnum hópi fólks, þ.e. eignamanna tryggt að þeirra hlutur skyldi haldast óbreyttur. Kostnaður við það er metinn 600 til 800 milljarðar og sá kostnaður verður greiddur úr vösum almennings í formi skatta.

Svo var öðrum hópi fólks, þ.e. fjármagnseigenda tryggt að þeirra hlutur skyldi vera tryggður þegar ríkisstjórnin mokaði peningum inn í Sjóðsbréfasvartholið. Þar losuðu skattgreiðendur eina 200 milljarða í vasa eignamanna á Íslandi. 

Þetta eigum við að borga!?