Hagsmunasamtök Heimilanna - frábært framtak hér á ferð

Sat í kvöld stofnfund samtakanna. Hér er á ferðinni hugmynd sem er í raun alveg bráðmerkilegt að hafi ekki komið fram áður, samtök sem hafa það meginmarkmið að starfa eingöngu að hagsmunum heimilanna. Kannski slík samtök hafi ekki komið fram áður vegna þess að landinn hélt upp til hópa að það væri eitt af hlutverkum ríkisins, hver veit.

Ég hef þá trú að samtök sem þessi geti haft veruleg áhrif í samfélaginu og er þeim lítið til fyrirstöðu ef næst að mynda samtaka mátt þarna. Ég vil því hvetja alla sem detta hér inn til þess að fara inn á síðu samtakanna http://www.heimilin.is og skrá sig í samtökin. Allir sem vilja hag heimilanna meiri geta orðið félagar og félagsgjöld eru engin. Skelltu þér á netið og skráðu þig strax, hér eru komin fram samtök sem ætla að einbeita sér að því að reyna að verja hagsmuni okkar allra.

Sjá má myndbrot frá fundinum í kvöld hér: http://dagskra.ruv.is/sjonvarpid/4456851/2009/01/15/3

Stofnfundur Samtaka heimilanna

Athugasemdir

[Rakel Sigurgeirsdóttir, 16.1.2009 kl. 01:15]

Skyldi aldrei vera að ástæðan fyrir því að samtök af þessu tagi hafi verið talin óþörf af þeirri einföldu ástæðu að allur almenningur hélt „að það væri eitt af hlutverkum ríkisins“ að standa vörð um hag heimilana En það er auðvitað grafalvarlegt mál hvernig nú er vegið að hagsmunum heimilanna í landinu. Það er því fagnaðarefni að hagsmunasamtök þeirra hafi nú verið stofnuð!

[Jenný Stefanía Jensdóttir, 16.1.2009 kl. 03:45]

Sammála.

Ber mikla virðingu fyrir þessu framtaki.  Samtök atvinnulífsins, samtök fjárfesta, samtök aldraða, samtök lífeyrissjóða osv.fr

Skref í rétta átt, því nú ríður á að hagsmunir heimilanna og sérstaklega unga fólksins og barnanna þeirra séu varin með vopni og eggjum, því framtíð Íslands byggir á því.

Baráttukveðjur til samtaka heimilinna.