Af tvennu illu....

... er þetta augljóslega mun betri leið að fara heldur en að tapa mögulega stórum hluta eða öllum fjármununum sem koma á næstunni í gegnum Alþjóðagjaldeyrissjóðinn og tengd lán.  Það er þjóðinni bara einfaldlega allt allt of dýrt að tapa þeim fjármunum öllum í að verja krónuna, sem er ekki svo vinsæl hérna heima heldur.

Væri ekki ráð að láta nú streyma inn hugmyndir um uppbyggilega nýtingu þessara fjármuna til nýsköpunar?

Geta stöðvað gjaldeyrisflutninga

Athugasemdir

[Nonnucci, 27.11.2008 kl. 21:42]

Sammála, bind líka sterkar vonir við frumvarpið sem verður að lögum í næstu viku um hvenær við megum vera utandyra.

...annars vona ég að þú sért að grínast.

[Baldvin Jónsson, 27.11.2008 kl. 22:50]

Mér er ekki grín í huga. Viðsjárverðir tímar kalla á viðsjárverðar lausnir.

Við höfum ekki mikið val er það?

Annað hvort að tapa alger garanterað einhverjum hundruðum milljarða í hvelli við að setja krónuna á flot eða að stýra mjög handvirkt flæðinu fyrstu mánuðina.

Hvort er á endanum álitlegri kostur?

[Nonnucci, 27.11.2008 kl. 23:19]

Fyrri kosturinn klárlega. Þú ert að hugsa í skammtímalausnum í staðinn fyrir að hugsa til lengri tíma. Ef þessi fáránlegu lög komast í gegn þá missir krónan allan trúverðugleika, ef lögin komast ekki í gegn verður ástandið slæmt fyrst en verður svo betri. Pointið er samt að þetta stendur gegn frjálsum markaði og er bara enn ein frelsishömlunin.

[Baldvin Jónsson, 27.11.2008 kl. 23:25]

Er krónan ekki rúinn trúverðugleika hvort eð er?  Persónulega myndi mér hugnast best akkúrat núna að samþykkja EKKI "stuðning" IMF og leysa þetta sjálf. Taka ekki á okkur þrældóminn sem því fylgir.  Verður erfitt hvort sem er með eða án þeirra aðstoðar.  Hér eru engar skyndilausnir færar.

Bendi líka á http://gillimann.blog.is  -  Góð pæling hjá honum Gísla í dag.