Leið 12 sporanna til iðrunar að verki þarna - frábært

Það eiga margir erfitt með að trúa því hversu mikil breyting verður á manneskju við það eitt að bæta fyrir misgjörðir sínar með einum eða öðrum hætti. Kannski vegna þess hversu vanir aðstandendur eru því að sjá fíkilinn iðrast sáran og hegða sér svo nánast strax aftur eins.

En það er mikill munur á því að biðjast fyrirgefningar eða á því að raunverulega iðrast og bæta fyrir brot sín. Mikill munur.

Íslenskir frammámenn ættu skilyrðislaust að taka sér þennan ágæta fíkil til fyrirmynda.

Þjófur sem iðrast gjörða sinna

Athugasemdir

[Ingibergur Þór (IP-tala skráð) 10.11.2008 kl. 15:36]

Við sendum þeim hreinskilningsríkt bréf sem við getum ekki heimsótt stendur á góðum stað í fallegri bók.

[Ómar Ingi, 10.11.2008 kl. 18:40]

Eru þessi 12 spor ekki ofmetin , allavega vill þessi Orri meina það

[Sveinbjorn Palsson (IP-tala skráð) 11.11.2008 kl. 00:04]

Ég var alltaf ýkt lélegur í fótbolta. Ég er að spá í að skrifa bók um það hversu ofmetinn fótbolti er.

[Baldvin Jónsson, 11.11.2008 kl. 00:33]

Orri?

Það verður hver að finna sér sína leið Ommi, ég er búinn að vera hluti af þessum 12 spora samtökum í 18 ár með góðum árangri. Það virkar fyrir mig a.m.k. og alla þá sem að ég hef séð raunverulega gera þetta

Það eru hins vegar því miður sorglega margir sem að koma og gera þetta ekki, eða ekki alveg og ná síðan ekki árangri.

[Ævar Austfjörð, 11.11.2008 kl. 17:43]

Ég er ekkert hissa að Orri skuli segja að sporin séu ofmetin. Hann gat ekki farið eftir þeim.  ÉG hinsvegar veit ekki til þess að sporin hafi klikkað eitt einasta skipti. sporin eru leiðbeiningar og ef viðkomandi fer eftir þeim þá virka þau, ef það á að velja úr eitthvað sem "hentar" þá virka leiðbeiningarnar ekki. Frekar einfallt

[Ómar Ingi, 11.11.2008 kl. 19:31]

Árangri í hverju þá Baldvin ?

Æiii einhver Orri Harðar en hann sagði allavega að SÁÁ væri á villigötum og þessi aðferðarfræði þeirra væri ekki góð allvega ekki fyrir alla.

Enda ættu að vera fleiri meðferðarúrræði fyrir til dæmis ungt fólk osfv

[Baldvin Jónsson, 11.11.2008 kl. 21:25]

Orri Harðar, minnist þess að hafa séð einhverja grein eftir hann í einhverju blaði, en nennti ekki að lesa hana. Það hafa komið fram afar margir aðilar í gegnum tíðina og iljað hrauna yfir aðferðarfræði AA samtakanna (ekki SÁÁ Ommi). AA leiðin er hins vegar þrautreynd á þeim u.þ.b. 70 árum sem liðin eru frá upphafi samtakanna. En þessi leið hentar að sjálfsögðu ekki öllum Ómar, sem ég tel eðlilegt bara. En þeim sem hún hentar skilar hún virkilega miklum árangri. Þú spyrð árangri í hverju?

Ég get ekki talað fyrir heildina s.s. en í mínu tilfelli er árangurinn sá að ég get lifað án þess að vera háður ákveðnum hlutum og/eða hegðun sem að átti líf mitt alfarið áður. Árangurinn er að ég lifi hamingjusamur, glaður og frjáls í sátt við meðbræður mína. Ég er hæfur til þess að vera til staðar sem faðir, eiginmaður, vinur og félagi. Þetta eru hlutir sem að mig skorti mikið áður, þú mannst án vafa hversu leiðinlegur, hræddur og hrokafullur unglingur ég var. Það var einmitt eitt birtingarformið

Árangurinn af meðferðarstarfi er síðan allt annar kapituli og eitthvað sem þarf verulega að ræða ítrekað. SÁÁ er að skila afar góðu starfi sem afvötnunar sjúkrahús fyrir alkóhólista og góðu starfi líka í formi eftirmeðferðar fyrir þá sem á þurfa að halda. Ég þekki síðan ekki árangur þeirra af unglingameðferð. Ég starfaði hins vegar sem meðferðarfulltrúi á Tindum á sínum tíma, úrræði sem að var lokað vegna samkeppni innan ráðuneyta um fjárframlög. Tindar voru að skila einum besta árangri sem mælst hefur í slíku starfi. Mælingin þar var hversu hátt hlutfall unglinganna væri enn án vímuefna að 2 árum liðnum frá meðferðinni. Árangur Tinda mældist 40% og er nánast einstakur á heimsvísu. Í "stað" Tinda kom síðan úrræði sem átti að slá margar flugur í einu höggi en hefur því miður aldrei komist neitt nálægt þessum árangri í vímuefna meðferð fyrir unglinga.

Ævar, ég er mikill talsmaður sporanna og títt nefndur Talíbani. Ég hef hins vegar hitt nokkra í gegnum árin sem að hefur hentað betur að fara aðrar leiðir. Þeir eru fáir en til. Orra þennan þekki ég ekki og tel ekki rétt að vera eitthvað að tjá mig um hans einkalíf opinberlega. Mig minnir þó að hann hafi ekki verið búinn að sannreyna þessa aðra aðferð sem að hann var að skrifa um í mjög langan tíma. 1-2 ár minnir mig, en las þó ekki greinina hans nema á algeru hundavaði.

[Árni þór, 11.11.2008 kl. 22:19]

Gera verk samkvæmt iðruninni það er blessun

[Ómar Ingi, 13.11.2008 kl. 11:34]

Þetta var sko lesning

En ertu ekki bara orðinn hundleiðinglegur fyrir vikið

En batnandi mönnum er best að lifa og gott að þú hefur fundið hamingjuna Baddi minn já þú gast verið pain in the ass í den

[Baldvin Jónsson, 13.11.2008 kl. 11:56]

Það er líklega annarra að dæma um hvort að ég sé leiðinlegur en ég er haingjusamur í dag. Það er væntanlega það sem skiptir mann sjálfan mestu máli.