Er þetta kannski lausnin í vímuefnameðferðum á klakanum?

Er þetta málið, opna bara umtalað útibú frá Vísindakirkjunni á Íslandi og stofna nýtt meðferðarúrræði?

Það gæti þá leyst þann vanda sem stendur frammi fyrir ríkisstjórninni í dag gagnvart því að þurfa að viðurkenna að SÁÁ þarf meiri peninga til að halda úti sínu frábæra starfi. Heyrði í útvarpsfréttum í dag ræðu Sifjar Friðleifsdóttur þar sem hún talaði um frjárframlög til SÁÁ í samhengi við þróun verðlags??

Eykst neysla og minnkar í takt við þróun verðlags?

Travolta segir að Vísindakirkjan hefði getað komið Önnu Nicole til bjargar

Tek öllum fréttum af frekari rannsóknum fagnandi.....

En er samt að mínu mati og flestra óhlutbundinna búið að sýna fram á án nokkurs vafa að ef við tökum okkur ekki verulega á í losun gróðurhúsalofttegunda snarlega þá verði það mögulega of seint.

Breytingarnar eru orðnar það hraðar núna í hitastigshækkunum og breytingar byrjaðar á hegðun sjárvarstrauma. Hvort lagnar okkur að vera fólkið sem getur sagt afkomendunum frá því að við tókum sko ærlega í taumana og breyttum þróuninni til hins betra og sköpuðum ykkur (afkomendunum) framtíð eða fólkið sem var upphafið að ???

Umfangsmestu heimskautarannsóknir í hálfa öld hafnar í dag

Algengur misskilningur varðandi hækkun á íbúðarhúsnæði.....

Það virðist ganga mjög víða þessi stórkostlegi misskilningur að trúa því að breyting lánshlutfalls hjá Íbúðalánasjóði í 90% sé orsakavaldur þess að veruleg hækkun varð á fasteignamarkaði frá ágúst 2004 og að hækkun núna aftur setji af stað aðra skriðu hækkana.

Meginorsök hækkunar var innkoma bankanna á markaðinn með virkum hætti í sumarbyrjun 2004 eftir að þeir unnu mál gegn ríkinu og Íbúðalánasjóði fyrir Evrópudómstólnum. Þar var dæmt bönkunum í vil og ríkið krafið til þess að aflétta einokun ríkisins á húsnæðislánum.

Vegna innkomu bankanna á markaðinn neyddist ríkið til að stökkva út í djúpu laugina mun hraðar en hafði verið skipulagt að gera. Þ.e.a.s. til að verja Íbúðalánasjóð gegn útrýmingu við þessa nýju kraftmiklu samkeppni var ekki við það ráðið að koma 90% lánunum á í nokkrum þrepum eins og hafði verið planið heldur varð að keyra það á í einu stóru skrefi vegna þess að bankarnir voru þá þegar farnir að bjóða upp á 80% lán og svo mjög fljótlega 100% lán í mikilli samkeppni sín á milli.

Að sjálfsögðu voru allir lánveitendur gerendur í málinu og allir lánþegar líka. En Íbúðalánasjóður þó innan við 20% af heildinni sem gerir þá nú frekar að fylgjendum en leiðendum sem þeir og voru.