Jæja, jæja. Hélt nú ekki að ég myndi byrja pistil hjá mér nokkurn tímann á orðunum.......

...."hef ekki skrifað lengi en er nú sestur við tölvuna", en staðreyndin er samt sú að ég hef ekki skrifað lengi en er nú sestur við tölvuna

Skruppum familían í alveg dásamlegt frí til Fuertaventura á Kanarí á alveg dásamlegt hótel. Alveg geggjað.  2 vikur í 4* lúxus og fallegu umhverfi, ekki hægt að fara fram á meira.  Urðum algerlega ástfangin af eyjunni sem minnir um margt á Ísland, að hitastiginu og litnum á hrauninu undanskildu að sjálfsögðu ;)

Er eldfjallaeyja eins og Ísland og margt í landslaginu sem er afar keímlíkt, en stórkostlegur bónus að hitastigið þarna er um 30° C á þessum árstíma.

Fór mikið að kafa hjá Deep Blue Diving Center (eru reyndar með skelfilega lélega heimasíðu)
 sem var þarna hálftíma ca. frá hótelinu okkar og var eiginlega að enduruppgötva hvað ég elska að kafa.  Finn mig svo gjörsamlega þarna niðri í kyrrðinni, er eins og að stíga inn í annan alheim, amk annað tíðnisvið án vafa.

En hvað er annars títt??  Er kominn heim og farinn að vinna á fullu, að vísu í semi fríi frá fasteignasölu fram yfir helgi, en er búinn að vera alveg á fullu flandri með ferðamenn í fjallabrölti síðan ég kom heim.  Merkilegt að koma heim á klakann í svipað veður bara og var á Kanarí (munar reyndar 12-15°, en heiðskýrt og fallegt veður) og fá að njóta þess með erlendum gestum uppi á hálendi.  Búinn að fá alveg stórgóða daga undanfarið á Langjökli og í dag átti ég frábæran dag í góðu yfirlæti uppi í Landamannalaugum og uppi í 950 metra hæð í henni Heklu gömlu.

Guð er góður, engin spurning.  En hvað með stjórnmálin??

Sé að lítið hefur breyst við nýtt stjórnarsamstarf.  Er eiginlega alveg rasandi undrandi á því hvað ég virðist hafa verið sannspár með Samfylkinguna.  Eru ekki nema 5 vikur frá kosningum og þegar búið að stinga Fagra Ísland plagginu ofan í djúpa skúffu sem finnst ekki lykill að er virðist.

Á bara að styðja álver í Helguvík brosandi??  Eftir að vera nýbúin að lofa landsmönnum 5 ára stoppi meðan að búið væri til heildrænt skipulag í stóriðju og orkunýtingu?

Fljótur að detta í tuðið, en geturðu áfellst mig fyrir það?

Guði sé lof.......

Var verulega hræddur um að við værum endanlega búin að ná botninum mannskepnan, en það er þá enn smá von um heilbrigði.

Reyndist vera bara ansi smellin hugmynd til að vekja athygli á vanda þeirra sem bíða líffæraflutnings.

Er annars búinn að fá mig svo fullsaddan af öllu þessu veruleika þetta og hitt bulli. Góður félagi minn benti mér á það fyrir nokkru síðan að þetta væri í raun ekkert annað en nýtt birtingarform mannskepnunnar á Hringleikjahúsunum. Þorsti okkar til að upplifa eitthvað í gegnum líf og upplifanir annars fólks.

Er ekki kominn tími til að henda fjarstýringunni og koma út að upplifa Ísland með okkur?

Stöndum saman vörð um raunveruleikann, njótum landsins okkar saman

„Raunveruleikaþáttur“ um nýrnagjafa reyndist gabb