AUTT ER DAUTT!! Settu X við O - Borgarahreyfingin mun taka til óspilltra málanna

Ég var í Kringlunni í gær með framboðs brosið að tala við landann. Hitti mikið af skemmtilegu fólki og nokkuð merkilegt frá að segja að mér finnst ótrúlega mikið sameiginlegt með unga fólkinu sem ég ræddi við og elstu kynslóðinni. Þessar tvær kynslóðir virðast eiga það mikið sameiginlegt að vera reitt yfir ástandinu, unga fólkið yfir klöfunum og gamla fólkið yfir því hvernig við brenndum allt sem þau byggðu upp.

Báðar kynslóðirnar virðast mikið vera að hugsa til þess að hér verði að koma á kerfisbreytingum, gagngerum kerfisbreytingum. Að núverandi kerfi og flokkar, að minnsta kosti DBS, séu bara búnir að sanna svo skýrt að þeirra pólitík er sérhagsmuna gæsla á kostnað almennings, að þeim verði að sýna skýrt að þjóðin sætti sig ekki við þetta.

Af eldri kynslóðinni ætluðu mjög margir að kjósa okkur í stað Sjálfstæðisflokksins sem fólkið sagðist hafa kosið áratugum saman. Af ungu kynslóðinni fannst mér aðallega liggja þrír kostir í loftinu.

Að kjósa okkur, VG eða að skila auðu. Þar liggur stór vandi að mínu mati.

Að skila auðu er að TAKA EKKI þátt í lýðræðinu. Autt atkvæði ER dautt atkvæði.

Hvort sem að þú vilt það eða ekki að þá mun autt atkvæði styðja við D lista í komandi kosningum. Hluti atkvæðis þíns mun nýtast þeim í samræmi við kjörfylgi þeirra. Er það það sem þú vilt?

Hvort sem þú kýst XO eða ekki, þá verðurðu að kjósa. Taktu ábyrgð á hlutverki þínu í lýðræðinu, kjóstu!

Borgarahreyfingin - vill taka slaginn fyrir þig. Við munum taka til óspilltra málanna fáum við til þess umboð þjóðarinnar.

 

Margir ætla að skila auðu

Athugasemdir

[Svanur Gísli Þorkelsson, 22.4.2009 kl. 08:53]

Allir þeir sem vilja halda áfram andófi við pólitíkusa sem aldrei hlusta á raddir fólksins, skila auðu, ógilda kosningaseðilinn eða mæta ekki á kjörstað. Það stefnir í að 30% þjóðarinnar geri það. Ekkert framboð hefur eins mikið fylgi. - X-Autt 

[Baldvin Jónsson, 22.4.2009 kl. 08:57]

Ótrúlegur kjánaskapur að ætla að kasta ábyrgðinni á okkur hin. Og hvað svo, ætlið þið svo öll að flytja úr landi og varpa ábyrgðinni af Íslandi líka á okkur hin?

Ef þið takið ekki samfélagslega ábyrgð eruð þið einfaldlega ekki þátttakendur í samfélaginu sem hér er. Þetta er nákvæmlega jafn gáfulegt og að ætla að refsa einhverjum sem þú ert reiður gagnvart, en veit ekki af því, með því að sitja bara heima og tala ekki við hann.

Siðlausu stjórnmálamennirnir eru EKKI að fara að taka til sín persónulega skilaboð um óánægju.

Já og fullyrðingar um að stefni í 30% eru alrangar að virðist - skv. þessari könnun eru það innan við 10% í heildina.

[Svanur Gísli Þorkelsson, 22.4.2009 kl. 09:07]

Kjánskapurinn er að halda að þú getir breytt einhverju og fengið út aðra útkomu með því að endurtaka í sífellu sama hlutinn. - Félagsleg ábirgð er að hætta að spila þegar þú veist að það er vitlaust gefið, í hvert einasta  sinn. En þú vilt greinilega spila áfram. Verði þér að góðu. X- Autt

Kynntu þér málin Baldvin, 16% sátu heima í síðustu kosningum og verða ekki færri í ár. Þessi 10% sem þú ert að vitna í eru bara Sjálfstæðismenn. Það er reiknað með að í heild skili a.m.k. 12% auðu og svo koma ógildir í ofanálag 2-3% eins og síðast. Hvað gerir þaðð í heildina. 30%

[Jóhann Gunnar (IP-tala skráð) 22.4.2009 kl. 09:54]

Ef ég man rétt þá tóku 81.7% þátt í síðustu kosningum og af þeim voru einhverjir ógildir og auðir. Ég reikna hins vegar með að kosningaþátttaka aukist talsvert. Íslendingar eru reiðir og vilja breytingar. Íslendingar munu streyma á kjörstað og kjósa breytingar. Það er ekki vafi á því. Lýðræðið skiptir ofboðslega miklu máli. Ef það er ekki lýðræðislegt aðhald til þá myndast í raun einræðisstjórnir nokkurra manna.

En Svanur svo verðum við bara að bíða og sjá hvernig þetta fer. En þó Íslendingar séu reiðir núna þá er það ekkert miðað við reiðina og undirölduna sem verður í næstu kosningum.

[Þorvaldur Geirsson, 22.4.2009 kl. 09:54]

Flott vídeobrot og hverju orði sannara.

Sá sem skilar auðu er í raun að styðja flokksræðið.

Gefum sjálfum okkur lýðræðið að gjöf og kjósum Borgarahreyfinguna XO, fólkið á þing.

[Baldvin Jónsson, 22.4.2009 kl. 11:01]

Takk Svanur fyrir skýringuna. Hún heldur þó ekki vatni að mínu mati.

Það kemur skýrt fram í könnuninni að aðeins 8,4% segjist ætla að skila auðu. Þeir sem heima sitja eru þar af ýmsum ástæðum, þau töpuðu atkvæði munu ekki verða skilgreind sem hluti mótmæla heldur aðeins áhugaleysi.

En ég endurtek, gremju hegðunin sem í því felst að skila auðu ER stuðningur við núverandi kerfi.

[b.N. (IP-tala skráð) 22.4.2009 kl. 14:26]

Ég ætla að skila rauðu nei ég meina auðu því ég sé ekkert í spilunum að viska sé á borðum hjá neinum framboðanna. Skoðum dæmi sem skiftir miklu : Hvað hafa framboðin fram að færa sem er ekki kosningartrixs í fiskveiðamálunum ? Sjávarútvegurinn er um 70-80% af öllum útflutningi Íslendinga. 

Afhverju ekki taka upp sóknar-og veiðfærastýringa kerfi fyrir strandveiðiflotann þar sem hver bátur yrði byggðatengdur við ákveðið svæði fyrirfram áður en fiskveiðaárið byrjar' 

Ef af þessu yrði að kvótabraskkerfinu yrði sökkt vil ég sjá ríkið taka 60 til 70 % af skuldum útgerðarinar yfir í Fiskveiðasjóð  sem borgast svo til baka næstu áratugina með því að um 20% verðmætti af öllum afla sem berst í land fari sjálfkrafa inn á þennan sjóð til að borga það til baka ruglið sem braskkerfið kom á. Allur afli færi á fiskmarkað til að tryggja hæsta verð hverju sinni það kæmi í veg fyrir að aðilar seldu sjálfum sér aflan á mjög lágu verði til að komast undan að borga sem mest í sjóðinn og til sjómannanna sem eru hlutaráðnir.

Baldvin Nielsen Reykjanesbæ

[Gaupi (IP-tala skráð) 22.4.2009 kl. 17:50]

Hvað meinarðu með að skila auðu sé að taka ekki þátt??  Þvílíkt bull.

Að mæta ekki, er að taka ekki þátt. 

En að skila auðu eru skilaboð að manni hugnist ekkert af flokkunum.  Engin eigi atkvæðið skilið.

Og hvers vegna heldur þú að X-O verði eitthvað öðruvísi en hinir þegar O kemst á þing?  Eruð þið eitthvað betra fólk?  Og ekki eins auðvelt að spilla?  Ó nei, vinur minn, um leið og þið komist á þing og fáið völd, þá gildir það sama um X-O, D, B, S eða hvað sem það heitir.

Þið eruð ekkert endilega betri en hinir.

[B.N. (IP-tala skráð) 22.4.2009 kl. 19:53]

Vísir, 22. apr. 2009 08:37

ESB íhugar að taka upp íslenskættað kvótakerfi

,,Samkvæmt drögum að nýrri skýrslu Evrópubandalagsins (ESB) um fiskveiðistefnu sambandsins er meðal annars velt upp þeim möguleika að ESB taki upp kvótakerfi að íslenskri fyrirmynd.

Fjallað er um málið í Financial Times. Þar segir að miklar væntingar séu um að stjórn ESB muni leggja til umfangsmikinn niðurskurð á stærð evrópska fiskiskipaflotans. Þetta á að vera grunnurinn að því að breyta um stefnu þar sem öllum er ljóst að núverandi stefna hefur alls ekki komið í veg fyrir ofveiði nær allra fiskistofna við Evrópu.

Samhliða þessu er lagt til að lönd og héruð innan ESB fái mun meira að segja um fiskveiðistjórnunina á eigin heimamiðum en nú er.

„Ein lausnin sem lögð er til væri að herða tökin á hinum frjálsa markaði og setja upp kerfi með framseljanlegum kvótum, kerfi sem þegar er til staðar á Íslandi," segir í Financial Times.

Samkvæmt skýrsludrögunum er ofveiði vandamál hjá 88% fiskistofna við Evrópu og ef ekkert verður að gert er hætta á hruni í útgerð og fiskvinnslu ESB.''

 

Sendi þessa frétt líka sem birtist í dag í visi.is Þessi frétt sýnir að ég er heitur þegar ég segi í athugasemdinni minni hér ofar ,,Einkaeignarréttur fyrir hina fáu útvöldu í Evrópu''

Vaknið Íslendingar áður en það verður og seint segið nei við inngöngu í ESB segið nei við Samfylkingu á kjördag og varist í Fréttablaðinu að allt sé gott og fínt þegar og ef við förum í ESB!!!!!!

Baldvin Nielsen Reykjanesbæ