YESSSSS!!!!! Borgarahreyfingin mælist í 8,1% fylgi

Eðlilega erum við algerlega í skýjunum með þessa niðurstöðu. Þetta eru stórkostlegar fréttir og ég er þess algerlega sannfærður að fylgið okkar mun aukast enn frekar hægt og bítandi fram að kosningum.

Við höfum ekki fengið mörg tækifæri í fjölmiðlum, en höfum fengið fylgisaukningu í hvert einasta sinn sem að við höfum fengið að koma okkur einhversstaðar á framfæri. Nú loksins mælumst við það hátt að þjóðin sér okkur sem eitthvað alvöru, eitthvað sem að getur haft raunveruleg áhrif.

Kæru landsmenn - NÚ ER LAG!!!

Borgarahreyfingin - http://xo.is - við erum raunverulegt afl til breytinga.

Samfylking stærst

Athugasemdir

[Haukur Baukur, 14.4.2009 kl. 18:25]

Til hamingju með árangurinn.  Fólk er að vakna og það er frábært. 

[Haraldur Hansson, 14.4.2009 kl. 18:33]

Glæsilegt. Ef þið náið þessu í öllum kjördæmum þýðir það 5 menn á þing!

[Ómar Ingi, 14.4.2009 kl. 19:42]

Já einmitt það er að fara að gerast

[Brynjar Jóhannsson, 14.4.2009 kl. 20:37]

Kæmi mér ekkert á óvart ef að fylgi ykkar aukist enn þá meira. Hjartanlega til hamingju.

[B.N. (IP-tala skráð) 14.4.2009 kl. 21:10]

Flott hjá ykkur Ég mun kjósa ykkur ef þið komið með raunhæfa fiskveiðistefnu án kvótakerfis því jú við lifum ekki á loftinu eða á erlendum lánum lengur.

Baldvin Nielsen Reykjanesbæ

[Anna Benkovic Mikaelsdóttir, 14.4.2009 kl. 21:24]

til hamingju!

[Hilmar Gunnlaugsson, 14.4.2009 kl. 21:36]

Ég óska ykkur til hamingju en ég hef alltaf verið sannfærður um að þið komist á þing

[Jónas Jónasson, 14.4.2009 kl. 22:15]

Til hamingju með þetta félagi.

[Höskuldur Pétur Jónsson (IP-tala skráð) 14.4.2009 kl. 22:57]

Frábært og áfram með smjörið búinn að safna fullt af atkvæðum undanfarið og er það aðallega fólk sem ætlaði að skila auðu og reiðir sjálfstæðismenn sem ætla aldrei að kjósa þann flokk aftur.

Hafa menn eitthvað rætt við Íslandshreyfinguna um að berjast með okkur Ómar hvar ert þú ?Upp með brosið og komdu með í slaginn.

[Jón Valur Jensson, 15.4.2009 kl. 02:01]

Gunnar vinur þinn Waage þolir ekki að verða undir í rökræðum.

Öðru máli gegnir um þig, Baldvin, þú reynir þó að taka á andsvörum með rökum.

Ég var reyndar ekki búinn að svara þér endanlega um efnið sem við ræddum á síðunni hans. En nú get ég það ekki lengur, af því að hann bæði lokaði algerlega á innlegg frá mér nú á 2. tímanum og kastaði um leið innleggi út frá mér!

Það reyndi ég að leggja inn hjá honum áðan (með útkastaða innlegginu þar meðferðis, því að ég átti afrit af því), en þetta lokar hann fyrir fram á. Láttu hann vita, að ég upplýsi þá bara um málið á bloggi mínu, því að mér finnst það engin hemja, að fúkyrðalaus rökræða um efni sé hreinsuð út, bara af því að síðueigandi er ekki nógu góður í rökræðum, og það meira að segja eftir að hann hefur kallað mig margháttaðan ofstækismann og lætur það nú standa sem lokaorð í umræðu við mig! Álit mitt á þessum fyrrum ætlaða Heimssýnar-samherja mínum hefur orðið fyrir verulegum hnekki.

En þannig var þetta lokainnlegg mitt, stafrétt, kl. 0.48, sem fekk ekki inni hjá honum (um leið og ég kveð þig, Baldvin, með þakklæti):

Hér lét Gunnar sér nú þókknast að þurrka út innlegg mitt fyrir 39 mínútum.

Skoðið það (er hér eitthvað óviðurkvæmilegt?) :

"http://gunnarwaage.blog.is/blog/gunnarwaage/entry/853390/#comment2347040

Þú mátt ekki æsast svo, Gunnar, að þú gleymir að slá inn þýðingarmikil orð í innlegg þín.

Ætlaðir þú ekki að segja: "Nú ert þú búinn að kalla Borgarahreyfinguna "Landsvikaflokk" ..."? – En hvar hef ég gert það? Hvergi. Take it from the horse´s mouth. Hins vegar skrifaði ég: "Með góðum óskum þér til handa, en engum landsvikaflokkum." Þetta á því aðeins við um Borgarahreyfinguna, ef hún með gjörðum sínum og stefnu (sem á eftir að koma betur í ljós, hver er) gerist slíkur flokkur og fylgir þar með í kjölfar a.m.k. eins flokks, sem þá leiðina hefur farið.

Verð ég svo ekki að þakka innvirðulega þessa gusu þína um meint og margháttað "ofstæki" mitt? Þú færð frá mér mikið lof fyrir frábæran rökstuðning þinn fyrir þessu, en reyndar ekki fyrr en þú ert a.m.k. byrjaður að rökstyðja það. En þú gleymdir algerlega að minnast á þetta meinta ofstæki mitt, þegar þú heilsaðir mér með virktum eftir fundinn frábæra hjá Heimssýn í Salnum 1. des. sl.

Gott að frétta þetta af Gunnari Sig., Baldvin. Mér lízt engan veginn á Höllu!

Jón Valur Jensson, 15.4.2009 kl. 01:09"

Þetta er stafrétt eins og ég lagði þetta inn á reikning hans!

[Baldvin Jónsson, 15.4.2009 kl. 02:08]

Svona eru nú bloggheimar Jón Valur, það er æði misjafnt hvað síðuhaldarar vilja.

Ég hef haft þann vana hér að eyða helst aldrei nokkrum sköpuðum hlut út eða að loka á einhvern. Opin og kraftmikil umræða finnst mér skemmtileg og engin sérstök þörf á því að allir séu alltaf sammála um alla hluti. Það væri í raun furðulegt.

Ég hef gaman af því að bæði lesa skrif þín Jón Valur og eins að rökræða aðeins við þig hér á blogginu. Við erum þó sammála um ýmislegt þó að við séum ekki sammála um allt og í enn öðru ósammála um útfærslu á hlutunum. En einlæglega trúi ég því að báðir viljum við hag þjóðarinnar sem mestan.

[Jón Valur Jensson, 15.4.2009 kl. 02:16]

Kærar þakkir, Baldvin, ég kann að meta þetta, þú ert maður að meiri fyrir hreinskiptni þína.

[sandkassi (IP-tala skráð) 15.4.2009 kl. 03:21]

Ég er nú meðlimur í Heimssýn hvort sem Jóni Vali (ath. í 3. persónu) líkar betur eða ver.

"Álit mitt á þessum fyrrum ætlaða Heimssýnar-samherja mínum hefur orðið fyrir verulegum hnekki."

[Baldvin Jónsson, 15.4.2009 kl. 08:40]

Þið Jón Valur eigið væntanlega bara ekki skap saman Gunnar eins og amma mín elskan myndi orða það og það er bara ekkert að því. Hafið ólíkar aðferðir við að orða hlutina, enda af ólíkum bakgrunni væntanlega.

Af skrifum ykkar er þó ljóst að þið eruð æði oft að berjast fyrir sömu hlutum, Jón Valur er bara ósammála okkur í Borgarahreyfingunni fyrir það að við skulum ekki taka skýra afstöðu gegn ESB umræðunni. Við höfum svarað þeirri umræðu í anda þeirrar lýðræðishugsjónar sem við viljum berjast fyrir, það er að segja það er fólksins að ákvarða allt slíkt.

Það er nefnilega gallinn við lýðræðið þegar að maður fær ekki að handstýra því að það getur á góðum degi farið eitthvað allt annað en maður vildi stefna því sjálfur. Og það ber að virða trúi ég.

Ég hef hins vegar svo mikla trú á minni þjóð, að ég hef nákvæmlega enga trú á því að Íslendingar myndu samþykkja að ganga í ESB ef að í því fælist það að tapa yfirráðunum yfir fiskveiðistjórnun hér við land og orkuauðlindirnar okkar til að nefna fátt. Borgarahreyfingin er hins vegar með það fast bundið í stefnu sinni að auðlindirnar verða að vera bundnar eignarétti þjóðarinnar í stjórnarskrá. Það er eina leiðin til þess að verjast því örugglega að ráðamenn á einhverjum tíma geti ekki framselt þær eða leigt til innlendra eða erlendra aðila.  Sjá hér í öðrum hluta, 10. gr.: http://www.borgarahreyfingin.is/stefnan/

[Jón Valur Jensson, 15.4.2009 kl. 09:06]

En er ekki Þráinn EBé-maður, og er hann ekki efstur á lista, Baldvin?

Og er það ekki eins með Birgittu?

Númer hvað ert þú sjálfur á lista?

Mér gezt ekki illa að sumum svörum þínum, en það er fráleitt, að þetta sé mál, sem þjóðin hafi kynnt sér nægilega. Svo verður að gera ráð fyrir enn meiri lýðræðishalla hér í þessu smáa samfélagi okkar en í Tékklandi, þar sem á sínum tíma var ausið peningum í áróður MEÐ "aðild", margfalt á við það sem fór í baráttu gegn henni. Mjög umtalsverðir fjármunir Evrópubandalagsins fara í óútskýrða hluti, og í 14 ár hefur það ekki látið endurskoða sína reikninga. Þetta gefur því færi á því, sem kalla mætti undirróðursstarfsemi, subversive action.

EBé er ekki 3–4 sinnum fjölmennara en Ísland, eins og Noregur var á 13. öld, heldur um 1670 sinnum fjölmennara. Látum þann risa ekki fá of auðvelda aðstöðu til að leika sér að okkur eins og að mús. Krefjumst þess vegna AUKINS MEIRIHLUTA fyrir öllum ákvörðunum, sem stefnt geta að innlimun í þetta ofurbandalag (hvað segir þú um það?).

Og nú er nóg komið af spurningum til þín í bili.

[Baldvin Jónsson, 15.4.2009 kl. 10:16]

Þekki ekki afstöðu Þráins til hlýtar gagnvart ESB, Birgitta er hlynnt því að taka hér upp annan gjaldmiðil sem og ég. Annað höfum við ekki rætt sérstaklega með ESB. Enda er ESB eins og ég segi ekki á stefnu okkar.

Ég hef ekki áhyggjur af afstöðu einstaka frambjóðenda hjá okkur til ESB, við munum hafa nóg við að vera með því að einbeita okkur bara að málefnunum sem eru þegar í okkar stefnu.

Ég býð fram í Reykjavík suður í annað sæti.

Stjórnlagaþing mun vonandi fjalla um stjórnarskrá landsins í heildrænni mynd en ekki aðeins staka liði. Ég tel þó einsýnt að þjóðaratkvæði um stórkostlegt framsal valds úr landi eins og ESB aðild væri væntanlega, verði að fá aukin meirihluta í kosningu og eins og við ræddum einhversstaðar á blogginu, þá er ég sammála þér með það að þar þyrfti einnig að vera krafa um meirihluta þáttöku kosningabærra manna í atkvæðagreiðslunni.

ESB aðild eða aðrar slíkar risa ákvarðanir má ekki eftirláta minnihluta að ráða.

[Heiða B. Heiðars, 15.4.2009 kl. 10:26]

Birgitta er ekki hlynnt ESB...eftir því sem ég kemst næst

Enda skiptir svo litlu máli hvað einstaklingarnir innan Borgarahreyfingarinnar vilja þegar svona stórt mál er annars vegar. Við viljum að þjóðin fái að sjá hvað er í boði og kjósi svo um hvort hún er með eða á móti.

Persónulega vil ég ekki sjá að við göngum inn í ESB.... en ég vil að fleygjum krónunni.

[Jón Valur Jensson, 15.4.2009 kl. 10:43]

Vitaskuld skiptir máli, hver afstaða efstu manna á listum O-lista er gagnvart EBé, því að þeir einir munu hafa um það mál að véla, ef þið náið þingsætum. En vel má vera, að þetta sé rétt hjá Heiðu um Birgittu, enda er stefna hennar trúlega mun nær VG (og andstöðu við AGS o.fl. og stórauðhringa) heldur en Samfylkingu. En setningin: "Við viljum að þjóðin fái að sjá hvað er í boði og kjósi svo um hvort hún er með eða á móti," er alveg út úr kú. Þið eigið að vita betur um reglur og stífni EBé en svo, og þar að auki eigið þið að hafa ykkar eigin sannfæringu í málinu og fylgja henni eftir, til þess eru alvöru stjórnmálamenn.

[Baldvin Jónsson, 15.4.2009 kl. 11:25]

Við höfum okkar eigin sannfæringu í málunum sem að við sameinuðumst um og þau koma skýrt fram í stefnunni okkar. ESB er einfaldlega ekki á dagskrá Borgarahreyfingarinnar, ekki nema - eins og ég hef ítrekað bent á - þjóðin vilji skoða þann kost.

Þar sem við erum að virðist algerlega ósammála Jón Valur, það er þegar kemur að punktinum um aðildarviðræður. Þú sérð þær að virðist sem eitthvað skuldbindandi, ég sé þær aðeins sem verkfæri til að skoða mögulegan samning. Ef samningur lítur illa út gengur maður einfaldlega ekki að honum og ég tel það líklegasta niðurstöðu þjóðarinnar. Ég er nokkuð viss um að þjóðin hafi nú þegar alla helstu kosti af samstarfi með EES samningnum, og það án framsals auðlinda okkar.

[Jón Valur Jensson, 15.4.2009 kl. 11:33]

Það þarf ekki orð mín til, að fullveldissinnar forðist ykkur. Orð þín duga, Baldvin.

[Baldvin Jónsson, 15.4.2009 kl. 12:28]

Eins og ég segi Jón Valur, við erum einfaldlega ekki sammála um framsetningu þessara mála.

En hvað ætlar maður í þinni stöðu að kjósa í dag?

Valið stendur í raun aðeins um tvennt að virðist: Áfram status quo eða að kjósa með lýðræði.

Varla geturðu talið þér trú um það að Sjálfstæðisflokkurinn okkar sé að standa vörð um fullveldið? Þeir eru rétt nýbúnir að framselja það erlendum kröfuhöfum áratugi fram í tímann OG BERJAST SVO GEGN því að auðlindir landsins verði þjóðarinnar.

[sandkassi (IP-tala skráð) 15.4.2009 kl. 12:39]

Hér er nú athyglisverð lesning af bloggsíðu Jóns Vals þar sem að fjallað er um höfund. Með fullri virðingu fyrir manninum sem ég þekki ekki neitt þá virðist hann síður vilja smakka á eigin meðali. En jæja, ég hef líklega tvívegis lesið bloggið hans og hef ekki haft af því neina sérstaka ánægju.

Annars er algjör óþarfi að agnúast út í Borgarahreyfinguna fyrir mín orð. Ég er ekki talsmaður, er ekki einu sinni skráður félagi og eru einu tengsl mín við flokkinn þau að ég ætla að kjósa hana. Lái mér það hver sem vill. þetta er mér næg ástæða til þess að þrífa út ófögnuð af mínu gólfi þegar mér svo líkar eða hentar.

Ástæðan er einföld. Ég hef einfaldlega engra hagsmuna að gæta.

--------------------  

"Þar að auki úthýsi ég (1) þeim póstum sem ekki eru frá nafngreindum mönnum eða þeim, sem a.m.k. mér sé kunnugt um, hverjir eru, (2) öllum póstum, sem í myndar stað hafa andkristin merki eða trúarlega niðrandi eða ögrandi að mínu mati, og (3) þeim póstum sem innihalda guðlast eða órökstudd (einkum refsiverð) meiðyrði um annað fólk."

"ATHS. Vegna miður geðslegrar rógsherferðar, sem haldið hefur verið uppi gegn mér af ýmsum sem virðast eiga léttara með slíkt en að tjá sig á skynsamlegan hátt og með rökræðu (m.a. mönnum sem hatast út í kristna trú, kaþólska kirkju og biblíulegt siðferði), skal tvennt tekið fram að auki:

1) Þótt seinþreyttur hafi ég verið til lögsóknar gegn fjölmælismönnum þrátt fyrir að borðleggjandi sé, að þar ætti ég unnin mál fyrir rétti, áskil ég mér fullan rétt til að útiloka hvern þann frá vefsíðum mínum, sem vegið hefur gróflega að æru minni vegna trúar minnar, rökstudds álits eða skoðana eða tekið (á netinu eða á prenti) fullum fetum undir soralegt níð af hatursmanna minna hálfu. Verður lesendum mínum hlíft við slíkum óvinafagnaði á vefsetri þessu."

[Baldvin Jónsson, 15.4.2009 kl. 12:43]

Endilega Gunnar haltu áfram að hafa sterkar skoðanir án þess að hafa áhyggjur af því hvort að einhver dæmi Borgarahreyfinguna fyrir vikið.

Við erum einmitt fólk sem vill leyfa fólki, innan sem utan okkar raða, að hafa eigin skoðanir og sannfæringu.

Stefnumálin okkar eru einfaldlega þau mál sem að við erum hjartanlega sammála um og viljum hrinda í framkvæmd.

[Óskar Helgi Helgason (IP-tala skráð) 15.4.2009 kl. 12:43]

Komið þið sæl !

Baldvin ! Valkostir eru nægir. Þar á meðal; sjóhunda - og bændanna hliðholl þungavigtarsveit Frjálslynda flokksins - hverjir svarið hafa; nokkrir, í orðræðu við mig, að Ísland skuli ALDREI undir ok Evrópusambandsins ganga.

Og; smá skilaboð, til spjallvinar míns - Ágústs Valves, hér að ofan. Kommúnista flokkurinn (í VG felulitunum), og Samfylking, eru ómengaðir glæpaflokkar, hverjir lagst hafa undir hramm Alþjóða gjaldeyrissjóðsins - munið það; gott fólk, þann 25. Apríl, næst komandi.

Með beztu kveðjum /

Óskar Helgi Helgason 

[sandkassi (IP-tala skráð) 15.4.2009 kl. 12:48]

Baldvin,

Kærar þakkir!

[Jón Valur Jensson, 15.4.2009 kl. 15:16]

Ég hef nú lent í langtum alvarlegri slag en þessum við þig, Gunnar Waage, og full ástæða var til að setja nefnda skilmála inn á vefsíðu mina, eða hvað sérðu rangt við þá?

[sandkassi (IP-tala skráð) 15.4.2009 kl. 17:26]

Ég er hræddur um að ég viti ekki hvað þú ert að tala um, hef nú lítið spjallað við þig fram að þessu. Ég var heldur ekki að setja neitt út á þína vefsíðu, þótti textinn þó athyglisverður.

Ég hef aldrei lent í slag við þig Jón Valur enda þekki ég þig ekki og veit ekki hvað þér gengur til né hef ég áhuga.

vertu blessaður.

[Azor (IP-tala skráð) 16.4.2009 kl. 11:20]

Sumir (yfirleitt miklir gáfumenn) vilja meina, að fólk almennt sé ekki nógu vel að sér um sum þjóðhagslega mikilvæg málefni (t.d. inngöngu í ESB) til að það eigi að fá að hafa áhrif á eða taka þátt í ákvörðunum um slík mál. Annaðhvort það eða að fólk sé heimskt almennt.
Gott og vel.
Segjum að þetta sé fullkomlega rétt: við séum ignorant hálfvitar upp til hópa.

Hvað er til ráða? Á að hafa vit fyrir fólki - eða ...

er það kannski skylda ráðamanna upplýsa hinn sauðheimska almenning um um hvað málin snúast - þangað til hann skilur?

Og er það kannski skylda þegna í lýðræðisþjóðfélagi, að kynna sér málin?

Hvað er þetta lýðræði eiginlega? Maður fattar að það stendur fyrir einhverjum réttindum - en hvað með skyldurnar? (Eina skyldan sem kemur í hugann í augnablikinu að hamrað er á í tengslum við lýðræði er ´að það sé lýðræðisleg skylda manns að kjósa ...´)

Bara pæling.

[Jón Valur Jensson, 16.4.2009 kl. 14:22]

Ég tek undir það, að réttindum eiga að fylgja skyldur (nú eða öfugt).

Á t.d. þjóðin að ákveða, hvort hér verði króna, dollari eða evra? Hvernig á hún að geta ákveðið slíkt, sem jafnvel færir hagfræðingar eru ekki sammála um? Ætlar hún þá að lesa sér betur til en þer hafa gert?

Það þarf að hugsa þessi mál miklu dýpra í kjölinn. Og allra sízta leiðin er sú, sem O-listinn aðhyllist þó, þ.e. að 15% kjósenda (eða voru það 15.000 manns?) geti krafizt þjóðaratkvæðagreislu um hvað sem er hvenær sem er, jafnvel um svo afdrifaríkt mál sem það að afsala okkar fullveldisréttindum í höndurnar á Evrópubandalaginu, sem vill "Grossmacht werden" (Jacques Delors, fv. yfirmaður þar).

[azor (IP-tala skráð) 17.4.2009 kl. 15:42]

Ja, hvað á að gera þegar sérfræðingarnir eru ósammála - sem þýðir að einhverjir þeirra hafa rangt fyrir sér, sem þýðir að ekki verður treyst á sérfræðiálitin ein saman?

Það er ekki alltaf hægt að lesa sig í eina og rétta endanlega niðurstöðu - reyndar sjaldnast. Oft verða menn einfaldlega að taka ákvörðun þrátt fyrir að öll kurl séu ekki komin til grafar, sem er einmitt staðan varðandi flest sem viðkemur hagfræði.
Við slíkar kringumstæður verða menn barasta að taka sénsinn, að einhverju leyti - t.d. sénsinn á því að tekist hafi að kynna almenningi málin nógu vel til að hann geti tekið (nægilega) upplýsta ákvörðun - sem er nota bene ekki endilega rétt ákvörðun.

Menn yrðu örugglega mun sáttari við að (standa og) falla með ákvörðunum sem þeim finnst þeir hafi hlutdeild að sjálfir.

Er kominn tími á að gefa lýðræðinu séns?
Treysta almúganum fyrir sjálfum sér?
Hver á Ísland?
Gáfaðafólkið?

[sandkassi (IP-tala skráð) 17.4.2009 kl. 16:53]

gáfur eru stórlega ofmetnar og jaðra við að vera sannkallaður viðrinisháttur þykir mér. Það eru sjónarmið andstæðinga hvalveiða að hvalurinn sé svo gáfuð skepna og að ekki megi veiða hann þess vegna. Hann er reyndar með gáfur á við mjólkurkú en jæja.

Setjum þorskinn og grænmetið í gáfnapróf þá fáum við kvótann réttan. Persónulega mætti ég biðja um aðeins minni gáfur. Ég er fyllilega sammála því að sérfræðiálit eru stórlega ofmetin. 

Fólk fríar sig því að færa rök fyrir máli sínu með því að vísa í sérfræðiálit. Það gengur ekki. Þá er hægt að eiga innihaldsríkari samræður við fólk með ca. 30 í greind heldur en við mörg "gáfumenni". 30 er svona álíka hátt og hjá öpum. Það eru þó alltaf frumlegar samræður, Stórskemmtilegt bara.

[sandkassi (IP-tala skráð) 17.4.2009 kl. 17:06]

Annars labbaði 14 ára nemandi minn í hús áðan, ég spurði; hvað ætlarðu að kjósa?

svarið var; ekki neitt - þetta eru allt kúkalabbar.

Helvíti var ég hrifinn yessss!!! - þetta heitir að taka afstöðu.  

[Jón Valur Jensson, 17.4.2009 kl. 21:01]

Nei, Gunnar, "gáfaða fólkið" á ekki Ísland, en það á að taka ábyrgð á því að láta hlutina ekki fara út í meiri vitleysu en þeir þegar eru í.

[azor (IP-tala skráð) 18.4.2009 kl. 08:58]

Sem þýðir ... að gáfaðafólkið eigi að sjá um það? (sem virðist gefið í skyn með orðalaginu "en það á að taka ábyrgð á" ...)
(Til að fyrirbyggja misskilning: það var azor sem hélt því fram sem JVJ vitnar í, ekki Gunnar.)

Ég ítreka: Ef sýnt er að sérfræðiálitin eru ekki áreiðanleg, hver telst þá hæfur til að taka ákvarðanir er varða þjóðina?

Þjóðin telst hæf til þeirrar ákvörðunartöku að kjósa fólk sem það telur hæft til ákvarðanatöku, en þjóðin telst svo ekki hæf til ákvarðanatöku?

Mætti kalla þetta rökvillu?

[sandkassi (IP-tala skráð) 18.4.2009 kl. 10:25]

Azor,

Ég held að skilgreining mannsins á gáfum sé ekki sú sama og gengur og gerist. Gáfur eru stórlega ofmetnar, flest fólk er intelktúal. Það sem skiptir máli er vinna. Einstein svaf 1 klst. á sólarhring.

Þeir sem stjórnað hafa landinu undanfarin ár sváfu á verðinum. Eflaust ágætlega greindir einstaklingar upp til hópa og metnaðarfullir, en latir og spilltir. Þakka þér fyrir að leiðrétta tilvitnunina en ég get sagt þér að sá sem hana framkvæmir í þessu tilfelli gerir einungis mistök í tilvitnunum þegar hann ætlar sér það og felst í því viss yfirlýsing, ekki mjög gáfulegt athæfi en jæja, við skulum ekki gera of miklar kröfur. 

Þá getum við velt fyrir okkur aftur skilgreiningunni á gáfum, eru þær til einhvers nýtar ef fyrirbærið er t.d. hjarðdýr og skortir alla frumlega hugsun, þorir aldrei að styðja neitt annað en stærsta kúkinn í lauginni?

hehe,,,, no guts no glory. 

bkv