Þjóðin stefnir til glötunar - ætlar að treysta þrælahöldurunum fyrir velferð barna sinna

Já, ég segi það hreint út. Þetta er mér óskiljanlegt. Þetta er einhvers konar óskiljanleg sjálfseyðingarhvöt sem þjóðin virðist haldin og nú er það augljóslega okkar hlutverk að hjálpa henni að sjá sannleikann um ástandið.

Við getum ekki mögulega viljað kjósa yfir okkur óbreytt ástand áfram er það? Viljum við í alvöru að fólkið sem hugsar um fátt annað en eigin völd og að skara eld að sinni köku verði áfram við völd?

Við verðum hreinlega að leita hugrekkis, við verðum að horfast í augu við staðreyndir og taka ábyrgð. Það er undir okkur sjálfum komið, þjóðinni, að breyta ástandinu.

Allt annað er algerlega óásættanlegt.

Borgarahreyfingin mun verða á ferðinni á komandi vikum við að kynna málefnin - endilega hafðu samband viljirðu taka þátt eða fá okkur í heimsókn á þinn vinnustað eða skóla til þess að skýra málin okkar.

X við O er einfaldlega réttlætis mál!

Samfylkingin stærst

Athugasemdir

[Þór Jóhannesson, 12.3.2009 kl. 19:49]

Þetta litla fylgi sem VG er að tapa þarna er það sem þið eruð að mælast með Baddi - haldi þetta áfram svona teysti ég því að Borgarahreyfingin dragi seglin inn í VG.

Good luck!

[Jón Óskarsson (IP-tala skráð) 12.3.2009 kl. 19:59]

.

Ég segi það hreint út. Þetta er mér skiljanlegt.

Rugla alltaf saman L og O og Exx L og XO

1-2 % er mjög skiljanlget. 

[Hólmfríður Bjarnadóttir, 12.3.2009 kl. 20:21]

Ég hef sagt það við þá bloggvini mína sem standa að Borgarahreyfingunni að framboðsleiðin væri ekki rétta aðferðin. Hún virkar jafn vel og að skvetta vatni á gæs. Allur annars konar þrýstingur á þau stjórnmálaöfl/flokka sem fyrir eru, væri mun raunhæfari leið. Svona er þetta bara og kjósendur stökkva síst núna á nýja vagna. Gamlir vagnar með fólki sem kjósendur bera traust til, það er málið. Orðhákurinn Jón Baldvin er ekki að meika það og hann er mög þekktur.

Bjarni Harðar er heldur ekki að fá fylgi og ekki Addi-kidda-gau sem er búinn að tala máli sjómanna í áratugi. Þetta er að sjálfsögðu súrt, en því miður trúlaga sannleikurinn gott fólk.

[B.N. (IP-tala skráð) 12.3.2009 kl. 21:24]

Ég veit ekki hverjir leiða listana hjá Borgarahreyfingunni.  Það er eðlilegt að flokkur sem er að komast á koppinn mælist ekki stór því það vantar stóru nöfnin til að draga að framboðinu athyglina. Eina sem ég veit er að þú nafni ert þarna í forustusveitinni þekki enga aðra á þessum bæ. Það litla sem ég hef séð af ykkur var  í sjónvarpinu þegar þið voruð að kynna hreyfinguna. Kosningarnar í VR gætu verið vísbending um að þjóðin muni  koma á óvart í næstu kosningum. Til þess að það verði verða nýir aðilar að hafa fyrir því að kynna sig fyrir þjóðinni sem verður erfitt þar sem fjölmiðlarnir hér á landi eru rammsekir afhverju lýðræðishallinn er svona mikil hér á landi. Í landinu sem bananarnir þrífast, þú skilur.

                                                              Með bestu kveðju,

                                                      Baldvin Nielsen Reykjanesbæ

[Gunnar Skúli Ármannsson, 12.3.2009 kl. 21:39]

Sæll Baddi, ég er sama sinnis og þú og mun ekki trúa því fyrr en ég tek á því að fjórflokkarnir standi upp sem sigurvegarar kosninganna. Vika er langur tími í pólitík og því myndi ég alls ekki afskrifa X-O of snemma. Nú er bara að spýta í lófana og halda ótrauður áfram.

[Axel Þór Kolbeinsson, 12.3.2009 kl. 22:49]

Balvin, við eigum ekkert að taka of mikið mark á könnunum núna.  Bæði framboðin hafa ekki haft tíma til að kynna sig, þið ekki búin að setja fram framboðslista og við búin að tilkynna um fjóra efstu í Rvk-N.

Ég er viss um það að þegar nær dregur kosningum þá muni fylgi okkar skila sér og bæði framboðin fá vel yfir 5%.

Baráttukveðjur

Axel Þór

L-lista.

[Jakob Þór Haraldsson (IP-tala skráð) 13.3.2009 kl. 00:10]

Gangi ykkur vel hjá Borgarhreyfingunni, frábært framtak, en því miður er borinn von að BAUGSMIÐLAR & miðlar RÁNFUGLSINS munu fjalla eitthvað um ykkur.  Baugsmiðlar munu eflaust gefa út 12 síðan aukablað rétt fyrir kosningar um ágæti þess að landið fái "vinstri stjórn" - svo eftir kosningar fara þeir að rukka inn greiða eins og fyrri daginn!  Fjölmiðlar á Íslandi - 4 valdið er skelfilegt og það verður fróðlegt að lesa allar upplýsingar um hvernig "bankarnir ÓVART gerðu vel við vissa fjölmiðlamenn..."  Það er & hefur verið lengi þjóðar ógæfa hversu ÖMURLEGT fjölmiðlafólk við eigum, svona heilt yfir.  Það tekur eigendur fjölmiðlanna ávalt silki hönskum og fréttir þessa liðs eru upp til hópa yfirborðskenndar!  Síðan er einnig sorglegt hversu "lélega stjórnmála- & viðskiptamenn við eigum - í raun GLÆPSAMLEGA lélegir einstaklingar .... - "sjálftökulið & skítapak" upp til hópa...!

kv. Heilbrigð skynsemi

[Jóna Kolbrún Garðarsdóttir, 13.3.2009 kl. 00:58]

Ég er ekki að skilja þetta fylgi sem er að mælast, en það þarf að stunda kynningarmál Borgarahreyfingarinnar af fullum krafti fram að kosningum.  Ekkert annað dugar en hressileg og skemmtileg kynningarmál.  Og vera sýnileg allstaðar helst

[Magnús Kristjánsson, 13.3.2009 kl. 17:49]

Sú feita hefur nú ekki sungið ennþá baddi minnþannig að allir uppgjafa tónar eru óþarfir. stund sannleikans mun renna upp um síðir. Sjálfur er ég sáttur ef hið ógeðfelda afl sem kennir sig við ,og hefur komið óorði á ,orðið sjálfstæði, hröklast frá völdum lengur en bara nokkrar vikur.Allt umfram það er ávinningur og forsenda til breytinga og ef hreyfingin hefur vakið þjóðina af .þyrnirósarsvefni til að standa vörð um eigin auðlyndir og hag í framtíðinni ,sem er jú allt sem skiptir máli, þá er ekki öll von úti enn.

[Magnús Kristjánsson, 13.3.2009 kl. 17:51]

VIVE LA REVOLUTION.

[Baldvin Jónsson, 13.3.2009 kl. 19:09]

Ekki uppgjafar tónn hérna megin ennþá Maggi minn, bara undrun yfir þrælslund landans.

Borgarahreyfingin mun án vafa sækja í sig veðrið, við erum bara rétt að byrja að kynna okkur. Munum gera herskör í því á næstu vikum.

Þór, fullyrðingar um að þetta taki frá VG eru bara kjánaskapur.  Hvaðan koma þá þessi 2,3% sem Samfylkingin bætir við sig? Hver tók þessi 1,3% frá Sjálfstæðismönnum? Hvað ætla þessi rúmu 30% sem svöruðu ekki að kjósa?

Allar fullyrðingar standast enga skoðun á þessu stigi málsins.

[Einar Áskelsson (IP-tala skráð) 13.3.2009 kl. 22:35]

Flottur vefurinn hjá ykkur og til hamingju með að koma miklu og góðu í verk á stuttum tíma. Mín skoðun er sú að flestir Íslendingar geti skrifað undir stefnumál ykkar. Einhverra hluta vegna sjúga gömlu flokkarnir samt fólkið til sín. Það er rannsóknarefni út af fyrir sig.