Fagráðinn viðskiptaráðherra tekur strax af öll tvímæli um hvers vegna fagráðning eigi að vera reglan!

Nánast fyrsta verk viðskiptaráðherra er að ráðherra algert toppfólk í stjórn FME. Hér er augljóslega verið að horfa víðtækt á hæfi, menntun og reynslu fólks og þar með getu þess til þess að sinna starfinu.

Það má vel vera að fyrri stjórn hafi búið yfir ýmsum hæfileikum líka, en hér er algert skilyrði að fólk skynji ekki undirliggjandi flokksbönd eða vensl af hverju tagi. Gylfi og Gunnar hafa að sjálfsögðu væntanlega haft náið samstarf á einhverjum sviðum í störfum sínum fyrir Háskóla Íslands, en það væntanlega fyrst og fremst á faglegum forsendum ekki pólitískum.

Ég er afskaplega ánægður með þennan ráðahag svona við fyrstu sýn og finnst þetta vera algerlega í anda þess kerfis sem ég vil koma á hér til framtíðar.

Kerfi sem byggir á algeru gagnsæi og opinskárri stjórnsýslu. Burt með leyndarmálin og baktjalda makkið. Þetta Gylfi er vel gert og algerlega í anda nýja Íslands.

Gylfi skipar nýja stjórn FME

Athugasemdir

[Vilhjálmur Örn Vilhjálmsson, 6.2.2009 kl. 10:56]

Hvað með flugfreyjur og líffræðinga, sem eru í röngum störfum?

[Baldvin Jónsson, 6.2.2009 kl. 11:28]

Vilhjálmur, Gylfi hefur því miður ekki umsögu yfir flugfreyjunni og jarðfræðingnum.

Reyndar er að mínu mati kannski forsætisráðherra það embætti sem síst þyrfti langskólamenntun, mun frekar langvarandi reynslu af þingstörfum og stjórnun. En lögfræðimenntun til dæmis myndi nýtast þar afar vel.

[Hetjan (IP-tala skráð) 6.2.2009 kl. 12:44]

Ertu ekki bara kommúnisti eftir allt saman, Baddi?

[Baldvin Jónsson, 6.2.2009 kl. 13:23]

Varla Arnór, en væntanlega skilgreindur sem hægri krati.

12 spora samtök eru má segja eina "kommúníska" kerfi í heiminum sem getur fúnkerað og það aðeins vegna þess að enginn fær völd.

Ég held að bæði pure kapítalismi og pure kommúnismi geti aldrei funkerað. Hvorug stefnan gerir ráð fyrir brestum manna.

[Arinbjörn Kúld, 6.2.2009 kl. 21:30]

Gott mál.