Eðlileg og óeðlileg afskipti af rekstri?

Ég er og hef verið talsmaður aðgerða. Talsmaður þess að við veljum fyrir okkur sjálf að láta ekki valta yfir okkur lengur. Að við veljum sjálf að eiga ekki viðskipti við þá aðila sem væntanlega eiga stóran þátt í stöðunni sem þjóðin er í í dag.

Ég er hins vegar ekki talsmaður viðskiptaþvingana með hótunum. Það felst yfirdrifið næg yfirlýsing í því að beina einfaldlega viðskiptum sínum annað. Ég les ekki DV og ég kaupi það ekki. Það er mín yfirlýsing um að mér líkar ekki blaðið og stefna þess. Það dregur úr lestri blaðsins og lækkar þar með auglýsingatekjur þess, ef nógu margir aðilar velja að lesa það ekki. Þannig höfum við áhrif.

Ég hringi hins vegar ekki í alla sem lesa blaðið og hóta þeim. Það er sami hlutur og að hóta þeim sem þar auglýsa. Fólki verður að vera frjálst að velja hvar það á sín viðskipti.

Ég á það einfaldlega við mína samvisku sem og þið hin. Veljum fyrir okkur og segjum frá því en hótum ekki þeim sem kjósa ekki enn að fylgja okkur.

Auglýsendum DV hótað með válista?

Athugasemdir

[Óskar Þorkelsson, 21.12.2008 kl. 09:40]

mér finnst þetta grátlega barnaleg tillaga sem slík.. ég vildi óska ða fólk væri svona herskátt gagnvart þeim sem raunverulega hafa skaðað fólk í landinu..

Hvar er Finnur td ?  

[Þröstur (IP-tala skráð) 21.12.2008 kl. 12:35]

Finnur Ingólfsson er einhver versti aðilinn í þessu heildarferli að setja Ísland á hausinn.

Ég fékk alltaf ógeðistilfinningu þegar hann kom fram bæði í stjórnmálum og bankamálum.

Ég hvet fólk til að skoða sögu þess manns og gleyma henni ekki í aðdragandanum að gjaldþroti Íslands.

[Snorri Sturluson, 21.12.2008 kl. 12:58]

Nú hef ég misst af einhverju, hvað gerðist með Vísi?

[Baldvin Jónsson, 21.12.2008 kl. 15:51]

Óskar, hvaða tillaga?

Snorri, flettu upp fréttum af Reyni Traustasyni og ritstjórn DV. Kom upp að blaðamanni þar var settur stóllinn fyrir dyrnar með birtingu frétta af peningaöflunum. Boðin komu einhversstaðar "að ofan".

[Óskar Þorkelsson, 21.12.2008 kl. 18:26]

tillagan um boycott

[Baldvin Jónsson, 21.12.2008 kl. 23:29]

Mér finnst grátlegt sömuleiðis Óskar ef að þér finnst ekki kominn tími til að hætta að fóðra hendurnar sem eru að skaða þig.

Ég hef hvergi haldið því fram, og reyndar ítrekað talað þvert á það, að fólkið eigi að einbeita sér að einhverri einni leið. Við þurfum þvert á móti að taka á þeim öllum og það sem hraðast. En það er án nokkurs vafa í mínum huga kominn tími á að hætta að eiga samskipti við þessa auðmenn sem svo sýnilega hafa verið að misbjóða okkur með fákeppni og ítrekuðum innherja viðskiptum.

Vandinn við Finn virðist vera hvað honum hefur tekist vel að fá frið hingað til, líklega vegna pólitískra vinatengsla. Vonandi að hann verði stöðvaður núna í þessu nýjasta vandræða máli þar sem að hann og hans gengi tapaði um 50 milljörðum af annarra manna eignum.

[Óskar Þorkelsson, 22.12.2008 kl. 10:18]

DV hefur ekkert skaðað mig nema síður sé enda les ég ekki blaðið nema það detti í hendurnar á mér.. svona kannski 4 sinnum á ári.

En að fólk sé að ráðast á eitthvað eitt fyrirtæki en láta alla hina eiga sig er hræsni..

Við eigum að boycotta bankana.. taka út okkar fé pronto á útborgunardegi og nota cash við greiðslu reikninga..

Þá refsum við þeim sem refsa á...

Finnur á að fara undir eftirlit og það strax. 

[Baldvin Jónsson, 22.12.2008 kl. 14:38]

Ég er algerlega ósammála því að það eigi ekki að boycutta t.d. fyrirtæki Haga og annað sem Jón Ásgeir á að meirihluta. Fyrir utan stöðuna sem að þeir eiga á markaði að þá er það fyrst og fremst fyrir gríðarlega veltu í verslunum hans mánaðarlega sem að hann er ENNÞÁ með fyrirgreiðslu í ríkisbönkunum til þess að halda bullinu áfram.

Kaup hans í til að mynda 365 miðlunum þar sem að hann stofnaði Rauðsól hefðu ólíklega getað farið fram nema vegna góðs mats á lánshæfi sem að hann nýtur í bönkum (já, ennþá) vegna mikillar veltu.

Ég er ekki að styðja við þetta algera siðleysi í viðskiptum áfram - ég kýs að versla annarsstaðar og tel það kjánaskap að trúa því ekki að slíkar aðgerðir skili árangri.

Ég hef flutt 90% af mínum viðskiptum í Krónuna og Fjarðarkaup þrátt fyrir að þurfa að borga hærra verð fyrir það mánaðarlega en í Bónus. Ég trúi því samt af sannfæringu að með því borgi ég samt minna til lengri tíma litið.

Ég þurfti að eiga þetta við mína samvisku, þið hin verðið að eiga það við ykkar samvisku.