Annar vafasamur fjármálamaður - akkúrat það sem þjóðin þarfnast núna

En ég skil vel að manninum líði vel hér á klakanum. Ekki bara er fólkið yndislegt og fyrirgefandi heldur eru hér heldur nánast engin lög um starfsemi fjármálafyrirtækja eða innherjaviðskipti.

Allar hugmyndir um að Ísland yrði alþjóðleg fjármálamiðstöð hafa væntanlega byggt á þessu lagaleysi, alþjóðleg fjármálamiðstöð fyrir glæpamenn samanber til dæmis Cayman eyjar.

Sakaður um lögbrot og auglýsir á Íslandi

Athugasemdir

[Birgir (IP-tala skráð) 12.12.2008 kl. 13:38]

"eru hér heldur nánast engin lög um starfsemi fjármálafyrirtækja eða innherjaviðskipti."

Bull. Við höfum sett löggjöf á þessu sviði og upp eftirlit í samræmi við kröfur og forskrift Evrópusambandsins.

Allt bullið í umræðunni er svo yfirgengilegt. Staðreyndir eru alveg hættar að skipta máli.

[Gudmundur (IP-tala skráð) 12.12.2008 kl. 14:56]

Segi nú bara Líkur sækir Líkan heim Þurfum að átta okkur á því að í þessari ringulreið eru ábyggilega falin tækifæri fyrir misyndismenn á fjármálasviði að reyna að rétta út hönd sem bjargvættir þeirra sem eru að missa vinnu sína í fjármálakerfinu ungir spútnikkar sem fengu heilu skrifstofunar hlaðnar leðri og mahogny húsgögnum strax eftir skólanám eru ábyggilega í stöflum að sækja um hjá honum þar sem þeir geta varla sætt sig við að wallstrett image þeirra í fatnaði og atgerfi sé bara búið nei þarna er kjörið tækifæri til að halda í lífstílinn þó svo að ekki sé hann heiðarlegur og heiðarleikinn ekki í hávegum hafður heldur ræður stundargræðgin för.

[Baldvin Jónsson, 12.12.2008 kl. 15:05]

Birgir, finnst þér þessi athugasemd hjá þér vera hlaðin staðreyndum??

Það eru að sjálfsögðu gildandi einhver lög um fjármálastarfsemi á Íslandi, þau eru bara afar fá og takmörkuð miðað við t.d. nágranna okkar bæði í austri og vestri.

Það er ekki bull að til að mynda lögum um innherjaviðskipti er verulega ábótavant á Íslandi, verulega. Það er eina ástæða þess að t.d. Baugsmálið fór eins og það fór.

[Birgir (IP-tala skráð) 12.12.2008 kl. 16:34]

Það er til einskis að ræða við nokkurn mann. Eina sem hægt er að gera er að senda inn stuttar athugasemdir þar sem fólk er kallað bjánar á bloggi. Lestu komment við þetta hjá Agli Helgasyni og segðu mér að þetta sé eitthvað til umræðu? Sjáðu kommentið frá þessum Gudmundi, er ekki tilganglaust að ræða við svona lið? Ég átti síst von á því að vera krafður um frekari röksemdir en það er svosem ágætt.

Þekkir þú sérstaklega vel forsendur og bakgrunn l. nr. 161/2002 um fjármálafyrirtæki? Lagaramminn er alveg til staðar og raunar var mikið pælt í honum. Annars vegar brást að hluta eftirlit og hins vegar náttúrulega sá engin þetta fyrir, ekki einu sinni ESB hvað svona opinn fjármálamarkaður gæti valdið. Er það ekki annars svona "séríslenska" vandamálið - innlánin frá öðrum?

Varðandi innherjadæmið þá er vitaskuld löggjöf á sviði markaðarins. Þú getur fundið það í 108/2007, um verðbréfaviðskipti. Um hlutafélög og ehf (sem eru ekki public traded) eru ákvæði sem eiga að hindra að stjórnarmenn og félög í að taka ákvarðanir sem eru til þess fallnar að afla öðrum hluthöfum ávinning framar hinum. Fór einhver í einkamál við þá Baugsmenn á grundvelli þess ákvæðis? Nei. Nú verður það kannski gert. Varðandi þau atriði í Baugsmálinu sem skiptu máli þá er það rétt að niðurstaðan var einkennileg (minnir nú að þú hafir samt verið einn af þeim sem fannst ákæruvaldið vera með ofsóknir) en það byggðist ekki á skorti á lagaheimildum!!! Lestu dóminn til að komast að því.

Löggjöf í BNA er rosalega íþyngjandi og tekur mið af allt öðru þjóðfélagi en við búum í. Ég er ekki viss um að menn vilji vera að kalla það yfir sig. Hins vegar má alveg leggja til hugmyndir, s.s. með eignarhald á fjármálafyrirtækjum (að þú sért bara í bankabuisness og ekki öðru eða eitthvað slíkt) og svo væri ekki vitlaust að bæta við um viðskipti tengdra félaga að endurskoðandi kvitti upp á að verðmæti séu eðlileg til að styrkja fyrrnefnda reglu. Norðmenn hafa þetta með þeim hætti.

Að hér sé eitthvað villta vestur fjármálalöggjafar er einfaldlega rangt og augljóst hverjum þeim sem þekkir hér til.

[Baldvin Jónsson, 12.12.2008 kl. 16:43]

Birgir, þakka þér vel fyrir. Þetta er prýðisgóð lesning.

Það er rétt hjá þér, ég var einn þeirra sem undraðist Baugsmálið og þá sérstaklega í upphafi. Ég verð bæði að taka á mig sökina af því að hafa látið glepjast af áróðri 365 miðla við upphaf málsins (var starfsmaður þar sjálfur) en líka að viðurkenna að tilfinningar mínar gagnvart Davíði Oddssyni á þeim tímapunkti voru orðnar þess eðlis að ég treysti honum alls ekki í málinu og var sannfærður um að aðkoma hans að málinu hefði verið afar undarleg.

Mér þykir afar athyglisvert þessi ábending þín um lög 108/2007. Reyndar fyrir mig nánast jafn sársaukafullt að sjá hversu ung þau lög eru því mikið af þessum gjörningum fóru fram löngu fyrir þann tíma augljóslega eins og til dæmis 10-11 málið títtnefnda. Mikið af kaupum Jóns Ásgeirs og félaga í eigin félögum í gegnum enn önnur félög þar sem þeir áttu síðan allt að 100% eignarhlut hafa hins vegar farið fram eftir þessa lagasetningu. Mér finndist vel þess virði fyrir félag fjárfesta t.d. að athuga réttarstöðu sína í málinu. Félagið gæti sparað mörgum einstaklingnum sporin með því að skoða þessi mál sem heild fyrst.

Takk Birgir, ég ætla að skoða þetta mál frekar.

[Gudmundur (IP-tala skráð) 12.12.2008 kl. 18:47]

Lið er það alþýðan er hún bara Lið það voru framdir glæpir hér í efnahhagskerfinu og menn hafa verið að selja sjálfum sér og kaupa af sjálfum sér hægri vinstri ætti að setja þetta glæpalið í gapastokk svo við í hinu LIÐINU gætum migið á það

Ekkert sem rettlætir svona andskotans þvælu að menn haldi fínu snekkjunum og öllu sínu meðan alþýðan hér heima er að fara að halda sín rýrustu jól í fjölda ár og margir sem eiiga ekki heimili lengur á nýju ári hvet þig Birgirtil að koma fyrir framan það fólk og reyna að segja að hér hafi ekkert verið brotið því hið fína eftirlitskerfi sem ESB sá ekki heldur vill bara svo til að við erum ekki í ESB OG HIÐ ÍSLENSKA fme SÁU BARA EKKERT FYRIR

Fjandans mútuþægni og hagsmunaverndarar sem alltaf stjórna öllu hér 

Þyrfti að skera einn eða sprengja til að þetta lið fari að hugsa  og óttast afleiðingar gjörða sinna vantar sárlega einhvern sem þorir til að kveikja í þjóðini kannski Brigir vilji bara starta því