Hvernig er æðsti ráðamaður þjóðarinnar EKKI ábyrgur??

Nú þegar að hann hefur augljóslega vitað amk nánast allt þetta ár, líklega haft afar sterkan grun undanfarin tvö og hálft ár, hvernig ber hann þá EKKI ábyrgð á því að hafa ekki sett bankamönnum (sem hann augljóslega telur að fullu ábyrga samkvæmt þessari frétt) hömlur með lögum??

Ég spyr aftur, hvernig ber forráðamaður ríkisins ekki ábyrgð á því að stöðva ekki þróun sem augljóslega stefndi efnahag landsins alls í voða?

Ég er á því að Geir sé að virðist í ekki minni afneitun en títt nefndur Davíð Oddsson.

Geir: Tel mig ekki persónulega ábyrgan

Athugasemdir

[Ómar Ingi, 29.11.2008 kl. 15:40]

Enda engin ein persóna abyrg að mínu mati , aftur á móti hefur hann margoft sagt að hann eins og aðrir ráðamenn beri ábyrgð.

[Þór Jóhannesson, 29.11.2008 kl. 16:09]

Afneitun? Farinn að hallast að öðru hugtaki - og öllu verra - SIÐBLINDA!

[Kjartan Pétur Sigurðsson, 29.11.2008 kl. 16:14]

Þú klikkar á einu, Geir er ekki æðsti ráðamaður þjóðarinnar!

[Þór Jóhannesson, 29.11.2008 kl. 16:29]

Hver þá Kjartan Pétur Sigurðsson, Kjartan Gunnarsson? Eða Inga Jóna?

[Kjartan Pétur Sigurðsson, 29.11.2008 kl. 16:48]

Það er ekki spurning að konur hafa haft mikil völd í gegnum tíðina og jafnvel náð að stjórna mörgum manngarminum til óhæfuverka. Geri er í klíku sem erfitt er að stíga út úr og því er þægilegast að láta sig bara fljóta með straumnum (að feigðarósi). Svo eru því miður til sumir sem eru vísir til að nýta sér það hversu einfaldir sumir eru.

[Baldvin Jónsson, 29.11.2008 kl. 18:28]

Ómar, hver er munurinn á því að Geir beri ábyrgð eða á því að Geir beri ábyrgð og líka aðrir??

Hann ber sem sagt ábyrgð að þínu mati.  Það er enginn að segja að hann sé sá eini.  Hann hins vegar var og er æðsti stjórnandi landsins og bar því MESTA ábyrgð á hluta stjórnvalda.  Hvers vegna á hann þá ekki að SÆTA ábyrgð???

[Jakobína Ingunn Ólafsdóttir, 29.11.2008 kl. 20:14]

Geir ber ábyrgð á eigin gjörðum, á stefnu flokk síns, á stefnu ríkisstjórnarinnar, á því að velja sér samstarfsmenn, á því að leysa ekki upp ónýta ríkisstjórn, á því að leyfa fólki að sitja í embættum sem það veldur ekki, áþví að líða spillingu og lögbrot meðal samherja sinna, á því að láta almenning borga fyrir sérfræðinga sem hafa það hlutverk að villa um fyrir almenningi, á því að standa ekki við markmið, á því að klúðra samskiptum við aðrar þjóðir,.........á því að almenningur stefnir í gjaldþrot.

Það er ekki til orð í íslenskri tungu til þess að lýsa þessu klúðri.......

[Sævar Finnbogason, 30.11.2008 kl. 01:20]

Stundum segir Geir að hann og allir aðrir aðrir beri ábyrgð

Stundum segir Geir að hann og hinir beri ekki ábyrgð

svo segir hann að hann beri ekki persónulega ábyrgð og svo segir hann að hann hafi ekkert vitað en svo kemur í ljós að hann vissi meira en hann viðurkendi og þá viðurkennir hann að hann hafi vitað eitthvað en samt ekki alveg vitað þetta og svo framv.

það er hyllingur að fylgjast með þessu

[Ásdís Sigurðardóttir, 30.11.2008 kl. 17:46]

Fyrirgefðu mér Baldvin, ég ætlaði að vera búin að svara þér með toppmyndina mína.  Ég gúgglaði bara norðurljós og breytti svo í rétta stærð.  kveðja