Þarna verð ég að vera algerlega sammála þeim þremur

Hugmyndin um að taka stórt erlent lán til þess eins að spreða því í að reyna að halda gengi krónunnar við íslensku skráninguna er einfaldlega alger fásinna. Töpum þá tvöfalt, bæði erlenda láninu og gengismuninum.

Er ekki einfaldara að tapa "bara" á gengismuninum í nokkrar vikur eða mánuði og hafa þá einhver raunveruleg not til uppbyggingar af erlenda láninu?

Annars virðist þjóðin vera að komast á þann stað sorgarferilsins þar sem fólk er í uppgjafar og þunglyndis skeiðinu. Ferlið er tóm - reiði - þunglyndi - framkvæmd.  Þjóðin fer þá vonandi hratt í gegnum þunglyndið og í það að gera eitthvað.

Set hérna inn að mínu mati einn albesta flutning Johnny Cash. Hér tekur hann Hurt með Nine Inch Nails.

 

Krónunni verði leyft að falla

Athugasemdir

[Huldukonan, 19.11.2008 kl. 12:38]

Ef ég hefði eitthvað vit á þessu sem er í gangi þá myndi ég kannski hafa eitthvað að segja. Ég verð því bara að segja pass og halda mig við það sem ég veit best.

[Tanni Ofurbloggari, 19.11.2008 kl. 15:25]

alveg er ég sammála þér Baddi. merkilegar tildæmis eru skipanir hæstaréttardómara á íslandi, það ætti að þurfa að minstakosti 2/3 hluta þingsins til að skipa þá í embætti.

Halltu áfram að skrifa ég les alltaf bloggið þitt og fynnst gott það sem þú skrifar.

sveðjur frá danmörku  TANNI MAXIMUS

[Jakob Falur Kristinsson, 19.11.2008 kl. 15:45]

Að taka núna mikið af erlendum lánum og ætla að nota þau bara til þess eins að halda krónunni á floti, er algert brjálæði.  Það eru flestir hagfræðingar á þeirri skoðun að þegar krónan verður sett á flot aftur þá muni hún falla um 40-50% og þá er búið að eyða þessum lánum til einskis og eins og þú segir þá sitjum við uppi með tvöfalt tap ef ekki meira.  Við töpum á gengismuninum og síðan sitjum við eftir með hærri skuldir en áður og hætt við að allt fari í sama farið aftur.  Ef við ætlum að setja krónuna á flot þá verður hún bara að falla og við töpum gengismuni en við töpum ekki erlendum lánum ef við höfum vit á að nota þau til annars en að styrkja krónuna.  Það er miklu betra að nota þetta lánsfé til að styrkja fyrirtækin í landinu og efla atvinnu og aukin útflutning til að afla gjaldeyris.  Það er mun líklegra til að styrkja krónuna á ný en að fara að dæla lánsfé í það verkefni.

[Ómar Ingi, 19.11.2008 kl. 16:11]

Kvitt

[Hulda Lind Eyjólfsdóttir, 19.11.2008 kl. 18:20]

ég sit hérna með tárin í augunum ný búin að hlusta á Jón Reiðufé ég hef nokkrum sinnum séð þetta myndband og er ég þér svo sammála með það...........maður getur næstum snert sársaukann hans