Sett fram til að árétta stefnu okkar og leiðrétta það sem aðrir hafa ætlað okkur

Blogg kollegar mínir hérna stökkva nú fram með upphrópanir eins og bloggurum er von og vísa.

Fyrirsagnir eins og: "Mikil örvænting....", "Mótsögn.....", ".....vitleysisgangur", "Þjóðernissósíalismi" og svo maður stóryrðina hérna á mogga blogginu sem segir: "Hvernig væri nú að fara að ákveða sig?"

Staðreyndin er að með þessari fréttatilkynningu erum við aðeins að árétta það sem við höfum haldið fram alveg frá byrjun, en pólitískir samkeppnisaðilar hafa nýtt hvert tækifæri til að skrumskæla.

Við teljum það afar brýnt að hefjast sem fyrst handa við aðildarviðræður við ESB eins og Lárus Vilhjálmsson sagði m.a. í kosningasjónvarps útsendingu frá Suðurlandi í liðinni viku.  Þar fékk Lárus hins vegar ekki tækifæri til að skýra nánar hvað hann átti við, líklega vegna þess að hann var eini þáttakandi þessarar útsendingar sem sagði eitthvað hreint út.  Að segja eitthvað hreint út ætti að sjálfsögðu að vera stefna hvers stjórnmálamanns, en eins og alþjóð veit þá telja stjórnmálamenn það almennt ekki góða pólitík.

Að hefja aðildarviðræður þýðir ekki það sama og að ganga í ESB.  Þar er himinn og haf á milli.  Aðildarviðræður snúast um að vega og meta kosti og galla og að fá upplýsingar sem að við getum síðan byggt ákvarðanir þjóðarinnar á.  Til nánaro útskýringar þá getur tekið fjölda ára að fara í gegnum svona viðræður og það tók t.d. eitt af löndum fyrrum Sovétríkjanna um 10 ár að fara í gegnum ESB ferlið.

Við verðum að sjálfsögðu að meta kosti og galla. Flestum okkar er það ljóst.

En það að segja hlutina hreint út er ekki "góð" pólitík greinilega.  Ég vona að Lárus láti þetta ekki trufla sig og haldi áfram þeirri "slæmu" pólitík að segja hlutina hreint út. Að segja það sem að hann meinar.  Það eru mannkostir sem ég vill að þeir sem ég treysti hafi. Er orðinn þreyttur á að hlusta á stjórnmálafólk tala alltaf þannig að það skilji allar dyr og glufur eftir opnar til mögulegra málamiðlana fyrir völd.

Tölum hreint út - segjum bara satt.

Kjósum með hjartanu - setjum X við Í

Íslandshreyfingin: Auðlindir Íslands verði aldrei í umsjá erlendra afla

Athugasemdir

[Hjörleifur Guttormsson, 16.4.2007 kl. 17:08]

Sæll Baldvin

Ég var að lesa yfirlýsingu Íslandshreyfingarinnar vegna nýútgefinnar stefnu flokksins um að Ísland gerist aðili að Evrópusambandinu.

Verð að viðurkenna að mér brá þegar ég heyrði þetta fyrst frá talsmanni ykkar á fundi á Selfossi í síðustu viku. En nú hefur Ómar Ragnarsson undirstrikað þetta í sunnudagsviðtalinu í Morgunblaðinu í gær með orðunum: "Við verðum að vera með í ákvarðanatökuferlinu og teljum að við þurfum strax að undirbúa aðild."

Það var ekki annað hægt en vorkenna Margrétu Sverrisdóttur í Silfri Egils í gær að sitja uppi með þessa yfirlýsingu formannsins og finna sig knúða til að lýsa andstöðu sinni við hana.

Síðan kemur þessi furðulega yfirlýsing á netsíðu Morgunblaðsins í dag þar sem segir að Íslandshreyfingin leggi á það höfuðáherslu að auðlindir Íslands verði aldrei í eigu eða umsjá erlendra afla. Fólk hlýtur að spyrja hvort þið þekkið ekki stafrófið í Rómarrétti ESB. Jafnvel þótt menn teldu sig ná einhverju fram í aðildarsamningi er Evrópusdómstóllinn það vald sem hefur síðasta orðið og hann dæmir ekki eftir einhverjum samningum við þriðja aðila heldur út frá Rómarrétti og markmiðum Evrópusambandsins um samruna í átt að ríkisheild.

Ég held að Íslandshreyfingin sé að glata öllum trúverðugleika með þessum yfirlýsingum, að ekki sé talað um augljósan grundvallarágreining milli þeirra sem ætla sér að skipa fyrstu sætin í Reykjavíkurkjördæmunum.

Bestu kveðjur                                                        Hjörleifur

[Baldvin Jónsson, 16.4.2007 kl. 18:30]

Sæll Hjörleifur, hreyfingin taldi einmitt þarft að senda frá sér þessa fréttatilkynningu til að reyna að árétta hugmyndir okkar. Þarna er verið að teygja orðalag í sitt hvora áttina ítrekað og er að sjálfsögðu andstæðingum hreyfingarinnar í hag.

Ómar, Margrét og aðrir í forystu hreyfingarinnar eru sammála því að það sé afar brýnt að tefja ekki með það að hefja aðildarviðræður við ESB. Margrét sagði í Silfrinu að hún væri ekki sammála því að ganga í ESB að svo stöddu og ég held að við getum flest tekið undir það. En staðreyndin er samt sú að VG er eini flokkurinn sem hefur ekki líst áhuga á að skoða aðild að ESB.

Hvers vegna ekki að skoða kosti og galla mögulegs samkomulags áður en við blásum það af (já, eða á)?

Sjáumst við ekki annars á fimmtudaginn?

[Júlíus Garðar Júlíusson, 16.4.2007 kl. 20:14]

Sæll Baldvin - þakka hlý orð og góða punkta

[Hjörleifur Guttormsson, 16.4.2007 kl. 21:19]

Heill og sæll.

Ástæða er til að árétta að Vinstri grænir hafa fylgst með málefnum og þróun Evrópusambandsins frá stofnun flokksins 1999. Fjöldi skýrslna hefur komið út, m.a. á vegum utanríkisráðneytisins, um Evrópusambandið með tilliti til íslenskra hagsmuna. Þá hefur sérstök Evrópunefnd með fulltrúum þingflokka nýlega skilað af sér. Sjálfur var ég í Evrópustefnunefnd Alþingis 1988-1991 en hún skilaði af sér ritinu Ísland og Evrópa. Það hefur m.a. að geyma álitsgerðir fulltrúa í nefndinni og var ég einn þeirra sem slíku skilaði. Þá var ég í Efnahags- og forsætisnefnd Norðurlandaráðs 1988-1995 á meðan mest gekk á vegna aðildarumsókna annarra Norðurlanda og þjóðaratkvæðagreiðslna. Ég tel mig því vel heima í málaflokknum bæði sögulega og hvað þróun ESB snertir, heimsótti líka allar höfuðstöðvar sambandsins margsinnis á þessum árum. - Mér finnst afar undarlegt þegar þeir áhugasömustu um ESB-aðild Íslands eru að kvarta undan því að menn vilji ekki ræða um aðild, ekki taka málið á dagskrá osfrv. ESB er enginn felupúki sem þarf að taka umbúðirnar utan af, það minnir á sig ár og síð, hér m.a. vegna EES-aðildar Íslands.

Það eru fjölmargar ástæður fyrir því að hagsmunum okkar er betur borgið utan ESB en innan, sjávarútvegsmálin aðeins ein af mörgum.

Bestu kveðjur                                                            Hjörleifur

[Hjörleifur Guttormsson, 16.4.2007 kl. 21:19]

Heill og sæll.

Ástæða er til að árétta að Vinstri grænir hafa fylgst með málefnum og þróun Evrópusambandsins frá stofnun flokksins 1999. Fjöldi skýrslna hefur komið út, m.a. á vegum utanríkisráðneytisins, um Evrópusambandið með tilliti til íslenskra hagsmuna. Þá hefur sérstök Evrópunefnd með fulltrúum þingflokka nýlega skilað af sér. Sjálfur var ég í Evrópustefnunefnd Alþingis 1988-1991 en hún skilaði af sér ritinu Ísland og Evrópa. Það hefur m.a. að geyma álitsgerðir fulltrúa í nefndinni og var ég einn þeirra sem slíku skilaði. Þá var ég í Efnahags- og forsætisnefnd Norðurlandaráðs 1988-1995 á meðan mest gekk á vegna aðildarumsókna annarra Norðurlanda og þjóðaratkvæðagreiðslna. Ég tel mig því vel heima í málaflokknum bæði sögulega og hvað þróun ESB snertir, heimsótti líka allar höfuðstöðvar sambandsins margsinnis á þessum árum. - Mér finnst afar undarlegt þegar þeir áhugasömustu um ESB-aðild Íslands eru að kvarta undan því að menn vilji ekki ræða um aðild, ekki taka málið á dagskrá osfrv. ESB er enginn felupúki sem þarf að taka umbúðirnar utan af, það minnir á sig ár og síð, hér m.a. vegna EES-aðildar Íslands.

Það eru fjölmargar ástæður fyrir því að hagsmunum okkar er betur borgið utan ESB en innan, sjávarútvegsmálin aðeins ein af mörgum.

Bestu kveðjur                                                            Hjörleifur

[Auðun Gíslason, 17.4.2007 kl. 01:41]

Ég verð nú að vera sammála ykkur að hluta til þarni í Íslandshreyfingunni. Við þurfum sem fyrst að hefja undirbúning að viðræðum. Og hefja svo viðræður við ESB í framhaldi af því. Það mun nefnilega pressa á stjórnmálamennina, að koma hér siðuðu þjóðfélagi. Það er landlægur ósiður þeirra að réttlæta háa vexti, verðbólgu, þennslu, viðskiptahalla og hvaðeina sem þeim hentar með alskyns bulli. Hagvöxtur sé svo mikill hér, sem hann reyndar er ekki og hefur ekki verið undanfarin ár. Meðalhagvöxtur í heiminum 2008 er áætlaður 4.9%. Hver er meðalhagvöxtur hér á landi síðustu 16 árin? Nær kannski 3%. Lífskjörin hafi batnað svo mikið og kaupmátturinn, guð minn góður! Lífskjör á Íslandi voru langt aftur úr öllu, þannig hann mátti nú mikið batna til að ná því sem hefur tíðkast lengi "í löndum sem við berum okkur saman við", svo notuð séu vinsæl viðmið. Kaupmáttaraukningin er miðuð við þetta meðaltal, þannig að þó að kaupmáttur lægstu launa sé undir fátæktarmörkum gerir það ekkert til. Meðaltalið, maður, meðaltalið! Kannski kemst þetta þjóðfélag á stig siðaðra ef við verðum að semja okkur að siðaðra háttum. Sem sagt kröfum ESB um vexti, verðbólgu, viðskiptahalla, jafnvægi í ríkisfjármálum o.s.frv. Ástandið hér hentar spennufíklumog fjárhættuspilurum, en ekki venjulegum manneskjum, hvað þá okkur fátæklingunum!

[Auðun Gíslason, 17.4.2007 kl. 01:58]

Hvað varðar síðustu setningarnar í athugasemd Hjörleifs hér um, að ESB minni á sig vegna EES aðildarinnar og að hagsmunum okkar sé betur borgið utan ESB, þá minnir mig, að talsmenn ASÍ séu ekki á sömu skoðun. Þeir segja að hagsmunum launþega sé betur borgið innan ESB. Launþegar sem standa á bak við ASÍ eru á annað hundrað þúsund. Hverra hagsmunir eru þetta má ég spyrja? Guðmundar á Rifi og Samherja? Einhverra annarra kapítalista og arðræningja? Allavega ekki hagsmunir launþega, skv. ASÍ. Kannski má bara gleyma verkalýðnum og öðrum tötralýð?

[Baldvin Jónsson, 17.4.2007 kl. 12:36]

Já en hvað á EFTA langt eftir ólifað?

Öll þjóðin myndi hagnast verulega á því að taka upp Evruna, það liggur ljóst fyrir.  Vaxtalækkun á t.d. húsnæðislánum upp á um 1% + niðurfelling verðtryggingar munar hvert og eitt okkar sem er að greiða af húsnæði alveg gríðarlega.

ESB hefur tekið afar illa, eftir því sem mér skilst, í það að þjóðir taki upp Evruna án fullrar aildar að myntbandalaginu. Þetta væri líklega mesta kjarabót sem heimilin hafa fengið í áratugi.  Þess vegna tel ég afar mikilvægt að skoða stöðuna, meta hvað við gætum fengið og hvað við þyrftum að gefa. Þau svör fást ekki með vangaveltum í nefndum, þau fást aðeins í beinum samningaviðræðum.

[Axel Jón Fjeldsted (IP-tala skráð) 17.4.2007 kl. 23:15]

Kjósið bara með hjartanu strákar. Innst inni slá falleg og viðkvæm Framsóknarhjörtu sem tifa með landinu og þjóðinni til framtíðar. Það er bara satt og heiðarlegt.

[Baldvin Jónsson, 18.4.2007 kl. 12:17]

Axel, ég kýs að skilja þig þannig að þér sé verulegur hlátur í huga og algert grín.  Hef enga trú á að þú kjósir B fyrir bitlinga pólitík.  Kýs það enngin nema fyrir bitling í besta falli.

[Axel Jón Fjeldsted (IP-tala skráð) 18.4.2007 kl. 14:10]

Við erum bræður í hjarta.