Hannes Hólmsteinn er ekki fréttir dagsins!!

Eyðum ekki tíma okkar eða orku í þetta hirðfífl kvóta- og bankakerfisins. Ef ykkur leiðist getið þið einfaldlega YouTube'að hann og fengið upp þá svörtu kómedíu sem þessi drottningarviðtöl voru við gaurinn meðan að allt var voða 2007.

Eins og ég er nú almennt ánægður með fréttamennsku Þóru Kristínar að þá er ég á því að fréttamat hennar hafi feilað illilega í dag. Það er allt í lagi að minnast á það að mótmælendur hafi ekki verið ánægðir með mætinguna hans í dag, en hvað er málið með þetta drottningarviðtal??

Fréttir dagins eru góð mæting á mótmæli sem voru haldin að undirlagi Frosta nokkurs. Afar góð hugmynd þar sem hvatt var til hávaða í 20 mínútur.

Það er næsta víst að ráðamenn landsins gera sér sterka grein fyrir afstöðu okkar sem mættum í dag. Þeir vita hins vegar væntanlega afar lítið um hvað þið hin viljið.

Aðsúgur að Hannesi Hólmsteini

Athugasemdir

[Pétur Halldórsson (IP-tala skráð) 27.8.2009 kl. 21:49]

Nákvæmlega, Mótmælin hefðu átt að vera fréttin. Öllum slétt sama um HHG.

Þóra er mér mikil ráðgáta og mér virðist hennar eigin pólitísku viðhorf ráða mestu um hennar fréttaflutning almennt í hennar störfum.

Ég tók líka eftir því að Stöð 2 ólíkt Rúv, minntist ekkert á mótmælin.

Hver gæti verið skýringin á því?? 

[Þór Jóhannesson, 27.8.2009 kl. 22:02]

Tók eftir á myndum að ólíkt mótmælendum búsáhaldabyltingarinnar var ískyggilega mikið af fólki í nýpressuðum jakkafötum þarna. Enda er andstaðn við IceSave eingöngu yfirvarp því þetta eru að mestu Sjálfstæðis- og Framsóknardindlar sem þarna fara hæst og við vitum nákvæmlega hvað Sjálfstæðisflokkurinn ætlaði sér með IceSave strax í Október/November 2008. Framsókn hefur einfaldlega sama trúverðugleika eftir að einkavæðingin var skrifuð á reikning þeirra - auk auðvitað að IceSave fékk að verða til í skjóli Valgerðar Sverrisdóttir.

ÉG segi einfaldlega eins og satt er Baddi - að þó ég sé ekkert sáttur við hvernig þetta mál muni fara að þá er ég fullviss um að það er að fara eins vel og það mögulega hefði getað farið og pottþétt að það fer mun betur en SJálfstæðisflokkurinn ætlaði að ganga frá því í glundroðanum sem uppi var í samfélaginu sl. haust.

Guðanna bænum standið, þið Borgarhreyfingarfólk, nú við eitthvað sem þið sögðuð í kosningabaráttunni og hættið að vinna með Sjálfstæðisflokknum í einu og öllu.

[Baldvin Jónsson, 27.8.2009 kl. 22:23]

Kæri Þór, ég var í bænum og get ekki sagt að ég hafi orðið var við mikið af nýpressuðum jakkafötum - en þau fáu sem mættu hefðu að sjálfsögðu átt að hunskast til að mæta í janúar þegar að þörf var á.

Ég er sammála þér með það að ég held að við séum komin á bestu mögulegu lendingu í málinu - að því gefnu að Bretar og Hollendingar samþykki fyrirvarana. Að öðrum kosti hafa þeir nákvæmlega ekkert vægi sem viðauki við samning eftir undirritun.

Þessi lending á Icesave er algerlega í anda stefnunnar okkar, enda tókst Þór Saari með mikilli elju að koma okkar málum öllum inn í fyrirvarana. Ég tek þó undir þér með það að mér þykir afar óþægilegt hvað leiðir þingmannanna hafa legið mikið samferða einhverjum Sjálfstæðisflokksmönnum í málinu. Maður getur bara reynt að vona að Bjarni Ben haldi áfram að tala í kross og þvælu og endalausu. Ekkert eitt verkfæri þeirra hefur dregið eins úr trúverðugleika þeirra og þessi formaður þeirra.

[JR (IP-tala skráð) 27.8.2009 kl. 22:58]

Hannes Hólmsteinn var að gera það sem hann hefur fengið að gera í áratugi, ,,fíflað"  fjölmiðlafólk !  

Þarna sannast það sem oft hefur verið sagt, fjölmiðlafólk gerir bara það sem eignedurnir segja þeim að gera !

[Ábekkingurinn (IP-tala skráð) 27.8.2009 kl. 23:29]

Ég hef verið nokkuð umburðalyndur við fréttamenn RÚV, eitt sinn skaut ég á þá varðandi dýrkun þeirra á Obama BNA forseta; maðurinn var í fréttatímum daglega... Mátti ekki ropa þá var hann í kvöldfréttunum.

En í kvöld þá var fréttastjórinn ekki jarðtengdur; uppákoman var eins og einn bloggari nefnir "Absúrd".

Hannes Hólmsteinn er sannarlega hirðfífl þjóðarinnar, en ég vil trúa því að þetta sé góður drengur en bara svona óskaplega einfaldur og vammlaus.

Viðtalssenan sló síðan allt út. Hannes jós úr viskubrunni sínum, fullkomlega sannfærður um eigið ágæti (sem fyrr),  og sjálft Alþingishúsið í baksýn.

Ég spurði mig:  Hvað hefur Alþingishúsið að gera með útgáfu HHG á bók ?

Ég tel að það þurfi að fara að endurnýja staffið á fréttastofu RÚV (en ekki hafa mig fyrir því)

[Jóna Kolbrún Garðarsdóttir, 28.8.2009 kl. 00:15]

Var hann ekki eina fréttin frá þessum háværu mótmælum??  Hannes fékk alla athyglina og fréttamennirnir gerðu aðsúg að honum og engum öðrum??? 

[Jakobína Ingunn Ólafsdóttir, 28.8.2009 kl. 00:25]

Þór það er hinn mesti misskilningur að þetta hafi verið jakkafatalið. Þarna var góð blanda af kverúlöntum, kommúnistum, borgarafólki, einn og annar hannes hólmsteinn og hún Jóna Kolbrún og fleiri mætir bloggarar.

Þetta voru eiginlega bloggaramótmæli enda blásið til þeirra hér á blogginu.

Nokkuð var einnig um erlendt fjölmiðlafólk og útlendinga en þeir voru ekki í jakkafötum.

[Brynjar Jóhannsson, 28.8.2009 kl. 02:16]

Mér fanst Hannes bara fyndin .. Þetta var eitt besta skemmtiefni dagsins í dag. Ef þú berð það saman við það sem Hannes sagði í viðtalið á stöð tvö.. þá kemur berlega í ljós hversu mikið þessi gaur talar í hringi.

hann er brandari brandaranna þessi maður...
 

[Aðalheiður Ámundadóttir, 28.8.2009 kl. 21:33]

Æ mér líður bara illa að horfa eða heyra Hannes. Hann hefur nákvæmlega sömu áhrif á mig og Birgir Ármannsson. Ég vil ekki vera með neinar persónuárásir eða slíkt en þetta er eins og með rauðhærðu afturgönguna sem rændi mig nætursvefni mörg ár barnæsku minnar... Það er bara ekki hollt fyrir sálina mína að hafa suma fyrir augum, augum eða öðrum skilningarvitum, mér fer bara að líða svo illa. 

En kannski eru einhverjir þarna úti (in a galaxy far far away) sem njóta þess að hlusta á hvað Hannes hefur að segja

[Þór Jóhannesson, 28.8.2009 kl. 21:57]

vá ég man eftir rauðhærðu afturgöngunni sem snéri öfugt í strætó og kom í veg fyrir nætursvefn svo dögum skipti eftir áhorfið - og aldrei hef ég séð samlíkingu sem smell hittir naglann á höfuðið og þessa hjá Aðalheiði enda hef ég oft bent á hversu líkir þeir Birgir og Hannes eru í raun.

[Baldvin Jónsson, 28.8.2009 kl. 22:22]

Látið heyra, hvaða afturganga er þetta sem vísað er til?

[Magnús Jónsson, 28.8.2009 kl. 23:17]

Baldvin: það þarf a halda því til haga, að ef einhver hefði átt að mæta til að mótmæla, því að stefnu og sannfæringu kapítalismans væri kennt um Icesave, þá væri það Hannes Hólmsteinn, það að kenna stefnu um misgerðir manna, er eins og að segja að það sé barþjóninum að kenna að byttan dettur í það, ég eins og þú skildi samt ekki þörfina fyrir viðtal við manninn þarna, honum var frjálst að mæta, eins og Davíð gerði um daginn, en viðtal var bara klaufaleg tilraun til að baða sig í óverðskulduðu sviðsljósi, mótmæla sem áttu að standa í 20 mínútur, frekar ómerkilegt og málstaðnum og Hannesi sjálfum til minnkunar.

[Þór Jóhannesson, 29.8.2009 kl. 19:48]

Ég veit ekki alveg hvort Aðalheiður á við sömu afturgöngu og ég en þessi sem ég er að vitna í var í einhverju íslensku sjónvarpsefni í kringum 1980 til 1985 og hræddi líftóruna úr börnum sem sáu "óvart".

[Aðalheiður Ámundadóttir, 29.8.2009 kl. 20:20]

Jú jú, Sjónvarpsmynd um draugagang í sjónvarpshúsinu. Kristján Franklín lék aðalhlutverkið og leikarinn sá vekur ennþá ugg þegar ég sé honum bregða fyrir. Skór afturgöngunnar vöktu sérstakan óhug en þeir voru háhælaðir og eiturgrænir...

[Aðalheiður Ámundadóttir, 29.8.2009 kl. 20:22]

Ég tek fram að ég hef ekki séð Hannesi bregða fyrir í slíkum fótabúnaði... Það væri nú til að kóróna allt!

[Þór Jóhannesson, 29.8.2009 kl. 20:28]

Einmitt gott ef myndin hét ekki bara "Rauðhærða afturgangan".

[Aðalheiður Ámundadóttir, 29.8.2009 kl. 20:37]

Nei, ég gúgglaði þetta hún hét "Draugasaga" Það ætti að vera hægt að sjá sýnishorn úr myndinni í þessum þætti en einhvera hluta vegna gengur það ekki upp hjá mér...