Uppvakningur snýr aftur - ömurlegir "sagði ég ekki frasar" sem gera ekkert nema að benda á algert vanhæfi hans sjálfs í málinu öllu!

 Davíð er ekki upprisinn, hann er bara að reyna að kenna öðrum um eins og lítill krakki.

Nú stígur fram skapari þess skrímslis sem hér ríkti og lýsir yfir ágæti sínu. Hönnuður Frankensteins fjármálakerfisins sem hér fékk að valsa um eftirlitslaust, bæði undir hans eigin stjórn og annarra, telur sig nú saklausan og hafa vitað betur.

Davíð er ómerkingur sem nú ætlar að nýta sér ástandið til þess að slá sig til riddara. Mjög pólitískt, en ekkert minna ömurlegt fyrir vikið.

Davíð er ajatolla kerfisins sem skapaði hér það ástandi sem nú ríkir. Látið ekki blekkjast, látið ekki draga ykkur yfir í fagurgala lýðræðismorðingjanna í Sjálfstæðisflokknum. Ástandið í dag er ÞEIRRA GJÖRÐ!!

Samþykki yfirvalda á Icesave samningnum eru ekki verstu mistök sem hér hafa verið gerð frá 1262. Þau eru NÆST verstu mistök frá 1262. Verstu mistök frá 1262 eru síðustu 8 ár Davíðs við völd á þingi og í Seðlabankanum. Þau mistök eru helsta orsök ástandsins sem nú ríkir hér yfir.

Ég hef fengið um það fjölmargar ábendingar í athugasemdum að mér beri sem varaþingmanni, að gæta orða minna. Trúið mér kæru vinir og lesendur, ég er svo sannarlega að gera það. Það væri afar freistandi að taka mun sterkar til orða.

Til þess að taka skýrt af allan vafa, þá snúast mótmæli okkar undanfarið ekki undir neinum kringumstæðum um það að koma núverandi ríkisstjórn frá og valdasjúkum D og B mönnum aftur að. ALLS EKKI.

Mótmælin snúast um að verja þjóðina fyrir hræðilegum meðvirkum gjörðum núverandi ráðamanna. Snúast um það að fá þau hin sömu til þess að gera EKKI þessi skelfilegu mistök sem nú vofa yfir.

Það er ekki of seint, það er enn hægt að velja að berjast fyrir þjóð sína (hvar er)Jóhanna og Steingrímur!

Snúum bökum saman og mætum vandanum með hag þjóðarinnar allrar fyrir brjósti. Og öllu öðru framar, látum þjóðina vita hvernig málum er háttað í gegnum allt ferlið. Upplýsingastreymið er vægast sagt glatað frá nýrri ríkisstjórn líka.

Hvers vegna er til dæmis engin að spyrja að því hvaða (hræðilegu) upplýsingar fengu Steingrím J. til þess að skipta algerlega um skoðun, 180° viðsnúningur, gagnvart Alþjóðagjaldeyrisjóðnum, þegar að Steingrímur var sestur í stól fjármálaráðherra?

 

Ekki setja þjóðina á hausinn

Athugasemdir

[Ómar Ingi, 5.7.2009 kl. 12:22]

Sannleikurinn er fólkinu sár.

[Þorsteinn Sch Thorsteinsson (IP-tala skráð) 5.7.2009 kl. 12:40]

Með því halda öllu leyndu frá fjölmiðlum og fólki er hægt að koma í veg fyrir fjöldamótmæli. Þetta er ástæðan fyrir því afhverju þessum skjölum/gögnum eru haldið í burtu frá fólki og til að reyna fá þetta ljóta IceSave mál samþykkt, ekki satt? Nú þurfa þessar Gúngur Norðursins (Samfylkingin +Steingrímur J) að reyna allt hvað þær geta til standa fyrir máli sínu og verja þennan lélega málstað með þessum sérstöku fréttastofum Samfylkingarinnar (Stöð 2), Fréttablaðið og annað. Því það þarf að mála yfir og blokka annað í burtu og benda á þessa sömu leið sem við höfum heyrt áður, en eftir þessa grein í mbl vandast málið þar sem þjóðin veit eitthvað, ekki satt?  Við getum hins vegar verið þakklát honum Davíð fyrir það að hann reif þessa leyndu þögn, segi ég sem er ekki í Sjálfstæðisflokknum.     

[Óskar Þorkelsson, 5.7.2009 kl. 12:43]

það kannast enginn við að þessi skjöl séu til nema Davíð.. Davíð er enn og aftur að ljúga að þjóðinni og sjálfstæðismenn fá fullnægingu um leið og þetta skrímsli opnar munninn.

[Séra Jón (IP-tala skráð) 5.7.2009 kl. 12:48]

Þorsteinn þessi skjöl eru á netinu en DO gleymdi að klára setninguna varðandi hvað gerist við allsherjarhrun. Lærðu á google.

[Þorsteinn Sch Thorsteinsson (IP-tala skráð) 5.7.2009 kl. 13:48]

Séra Jón

Nei, en það er rétt hjá Óskari hérna, að það kannast enginn hérna við þessi skjöl,  þar sem þeim hefur verið haldið í burtu frá fólki, og skjölin eru  ekki komin á netið, ok?  

[Guðmundur Jónsson, 5.7.2009 kl. 15:04]

Þú ert reiður Baldvin.

Reyndu samt að sjá að þið Davíð eruð í sama liði núna.

[Baldvin Jónsson, 5.7.2009 kl. 15:27]

Ég er sársvekktur að minnsta kosti, það er ljóst.

Ég og Davíð verðum seint settir undir sama hattinn. Ég tek í raun undir greiningu Ólafs hér: http://www.pressan.is/pressupennar/LesaOlafArnarson/david_spilar_med_thingmenn

Davíð er klækjarefur en alls ekki að horfast í augu við eigin ábyrgð í málinu. Hann ER höfundur þess kerfis sem kollsteypti hér öllu.

Davíð og hans fólk vill Sjálftökuflokkinn aftur við völd. Þar er ég algerlega ósammála. Ég vil að núverandi ríkisstjórn fái að taka til, ég vil hins vegar áskilja mér þann rétt að hafa eins og ég get áhrif á þau störf og mótmæla þeim hlutum sem að ég tel þjóðinni skaðlega.

[AK-72, 5.7.2009 kl. 16:06]

Þetta er eingöngu lýðskrum í þágu þess að koma FL-okknum til valda á ný, og til að kveikja enn meira í málum, FL-okknum og þingmönnum FL-okksins til aðstoðar.

Reyndar virðist Davíð hafa drullað ærlega upp á bak sér enn eina ferðina, og því er þessi aðstoð hans við lýðskrumsherferð FL-okksins, óleikur líkt og ræða hans á landsfundinum.

[Sævar Einarsson, 6.7.2009 kl. 01:35]

Ekki vill ég borga Iceslave, vill einhver það án þess að málið verði útkljáð fyrir dómstólum ? og Davíð er umdeildur en ég er samt sammála honum í því að þjóðin á ekki að borga þetta og ef einhver ætlar að segja að hann hafi skeifað undir samstarfsyfirlýsingu á ábyrgð á þessari lottó svikamyllu þá er það ekki orðið að lögum fyrir en alþingo og forseti staðfesti þau lög.

Bréf, tölvupóstar eða samtöl frá íslenskum ráðaneytum skuldbinda ekki ríkissjóð. Samstarfyfirlýsingar sem var gerð við Alþjóðagjaldeyrissjóðinn í nóvember 2008 þar sem að Davíð Oddsson þá seðlabankastjóri undirritaði ásamt 2 öðrum fulltrúum íslenskra stjórnvalda skuldbindur ekki ríkissjóð.
Yfirlýsingar fyrrverandi stjórnmálamanna, forsætisráðherra og eða útbrunna sendiherra skuldbinda ekki ríkissjóð. Minnisblöð eða tæknileg mistök skuldbindur ekki ríkissjóð.

Það eina sem getur skuldbundið Íslenska ríkið er með samþykki Alþingis og alþingismenn kjósa um það og sé niðurstaðan sú að fleiri segja já þá er komið samþykki sem forseti Íslands þarf síðan að staðfesta til að það verði að lögum.

[Sævar Einarsson, 6.7.2009 kl. 01:36]

"skrifað" átti þetta að vera.