Ná Norðmenn yfirráðum yfir mögulegum olíulindum Íslendinga á Drekasvæðinu?

Merkilegt nokk, Norðmenn voru rétt í þessu með fullum stuðningi Sameinuðu Þjóðanna að stakka landhelgina sína um 200 sjómílur. Það jafngildir 235.000 ferkílómetrum sem þeir bættu við lögsöguna sína í einfaldri aðgerð.

En það sem stakk mig í fréttinni er þessi lína hér: "Strandríki eiga kröfu út að 350 sjómílum geti þau sannað með vísindalegum hætti að landgrunnið sé náttúruleg framlenging landsins."

Drekasvæðið norður af Íslandi er nefnilega ekki náttúrulegt framhald af Íslandi, það er landgrunninum okkar, heldur er það náttúruleg framlenging á Jan Mayen þar sem Norðmenn ráða jú ríkjum eins og við vitum.

Það er ekki ætlun mín að valda hérna einhverri geðshræringu en mér finnst samt áhugavert að velta því fyrir mér að eftir allar væntingarnar sem búið er að byggja upp um möguleikana þarna að þá virðist eignarréttur okkar eða nýtingarréttur á svæðinu vera undir samningi við Norðmenn kominn. Ef þeir kjósa að segja upp þeim samningi sem nú er í gildi um nýtingu svæðisins gæti komið til alþjóðlegs úrskurðar um hvar mörkin eiga að liggja. Eða eru kannski núverandi mörk þau einu sanngjörnu?

Ég hef svo sem ekki raunverulegar áhyggjur af milliríkjadeilu um málið í augnablikinu, en er þetta möguleiki miðað við þessar reglur?  Maður spyr sig.

Noregur stækkar

Athugasemdir

[B.N. (IP-tala skráð) 16.4.2009 kl. 00:55]

Bretar hafa sótt um einhliða tilkall til fullra yfirráða yfir efnahagslögsögunnar á Hatton Rockall-svæðinu í greinargerð til landgrunnsnefndar Sameinuðu þjóðanna, Afstaða Íslands í málefnum svæðisins hefur verið sú að rétt sé að stefna á að Færeyjar,Írar og Ísland nái fyrst samkomulagi sín á milli um skiptingu landgrunns a Hatton-Rockall-svæðinu en skili að því loknu sameiginlegri greinargerð til landgrunnsnefndarinnar um ytri mörk landgrunnsins.

Baldvin Nielsen, Reykjanesbæ

[Ketill Sigurjónsson, 16.4.2009 kl. 02:08]

Þetta hefur nákvæmlega ekkert að gera með Drekasvæðið.

Þar að auki er fréttin hálfgert bull; sama hversu menn er snjallir geta þeir seint "stækkað lögsögu... um 200 sjómílur".

Stærð landsvæða og hafsvæða er mæld í flatarmáli en ekki lengdareiningum.

Staðrendin er að landgrunnslögsaga þeirra er að stækka formlega séð um 250 þús ferkm.

http://www.aftenposten.no/nyheter/iriks/article3026934.ece

[Jón Valur Jensson, 16.4.2009 kl. 02:21]

Gott hjá Katli.

Ályktanir þínar, Baldvin Jónsson, eru líka að litlu hafandi, þar sem Íslendingar og Norðmenn hafa þegar gert með sér samkomulag um efnahagslögsöguna kringum Jan Mayen.

En merkilegt er líka að minnast þess, að Norðmenn eignuðust ekki Jan Mayen fyrr en vel var liðið á 20. öld, og að ekkert varð úr skipulagðri íslenzkri sendiför til að leggja eyna undir okkur vegna sviplegrar drukknunar þess vaska Vestfirðings, sem hafði þetta á prjónunum.

[Rúnar Þór Þórarinsson, 16.4.2009 kl. 04:28]

Mér er þvert um geð að taka undir með Jóni Val - nema þegar hann hefur rétt fyrir sér! Eitt sinn er allt fyrst.

Bendi Jóni og lesendum á að reyndar sýnist mér Baldvin vera að velta upp því að við ættum að skoða vandlega hvað í þessu útspili Norðmanna felst. Það er nákvæmlega ekkert að því! Hið besta mál - Skoða hefði mátt útspil ríkisbubba (Nobbararnir eru það svo sannarlega) af gríðarlegri smámunasemi og tortryggni miklu fyrr.

Ef eitthvað er gæti sú athugun leitt í ljós á skömmum tíma að við ættum hiklaust að gera nákvæmlega hið sama og ná öllu landgrunni sem mögulegt er skv. alþjóðasamningum undir þjóðina.

Sumsé - Gott hjá þér Baldvin, rétt hjá ykkur Jón Valur og Ketill.

[Höskuldur (IP-tala skráð) 16.4.2009 kl. 08:33]

Auðvitað áttum við aldrei að gefa eftir tilkall okkar til Jan Meyen, eða Nýjalands eins og Einar Ben kallaði eyjuna, sem er líklega hin rétta Kolbeinsey (þ.e. þangað sem Kolbeinn fór í raun), á korti.

Norðmenn stálu henni undan nefinu á okkur, þeir voru í útþennslupælingum, vildu gera tilkall til Austur - Grænlands í krafti landnáms Eiríks rauða (sem þeir héldu að hefði verið á austurhlutanum), en þurftu að bakka með það af hálfu Dana (voru mögulega í konungsambandi við þá á þessum tíma) en uppgötvuðu þá svolítið sérstakt um Jan Meyen.

Það er að þó allir töldu eyjuna tilheyra Íslandi, og ýmsum bújörðum á norðurlandi fylgdu hlunnindaréttur (hluti af eign jarðanna) á Jan Meyen, enda höfðu Íslendingar löngum notað hana sem útræðisstöð sérílagi fyrir hákarlaveiðar og til söfnunar á rekavið, þá höfðum við aldrei gert formlegt tilkall til hennar, s.s. sett niður fánann þarna eða sett upp skjöld eða reist vita eða nokkuð slíkt.

Hef heyrt af tilvist leyniskjala hjá Norðmönnum sem viðurkenni þetta, enda hafa Norðmenn ekki þorað hingað til að krefjast miðlínu milli Íslands og Jan Meyen (við eigum 200 mílur þangað út) þó þeir krefjist þess við Grænland.

Hef ekki heyrt af þessari sendiför Jón Valur fyrr, hver var þessi maður, hvenær ætlaði hann og í krafti hverra? Var þetta hans einkaframtak og hví tók enginn við merki hans? Hvað ætlaði hann að gera þarna?

Það eru miklir möguleikar á olíu á öllu landgrunni Jan Meyen, sem og aðgangur okkar að tilkalli til norðurpólsins væri þá einhver ef við ættum þessa eyju sem líklega hýsti Kolbeinn í útlegðinni á sínum tíma og mögulega var sú eyja sem íslendingar neituðu að gefa Norðmönnum eftir í kringum umræðuna um að mig minnir kristnitökuna frekar en annars hvors gamla eða nýja sáttmála.

[Jóhann Gunnar (IP-tala skráð) 16.4.2009 kl. 08:44]

Reglur um landgrunnsnefndina eru í raun nokkuð skýrar. T.d. er núna í augnablikinu vinna í því sem Norðmenn voru að gera, þ.e. meta hversu langt landgrunnið nær, þ.e. hversu langt það er náttúruleg framlenging landsins og svo sendum við skýrslu um það til landgrunnsnefndar og þá er það í raun bara komið. Þarf bara að sanna að það sé náttúruleg framlenging. Ef þér langar í frekari útskýringu á einhverju af þessu þá get ég skoðað það en held það sé mjög tæpt að Norðmenn fari að gera eitthvað veður úr þessu og segi upp samningi þó ég sé ekki alveg viss með möguleg mörk ef þennan "úrskurð"

En annað í sambandi við þetta olíudæmi að ég skil ekki þessa umfjöllun um það eins og það bjargi okkur. Hagnaði af því myndum við sennilega þurfa að bíða eftir í mörg ár þó þetta myndi ef til vill skapa einhverja vinnu fyrr.

[Baldvin Jónsson, 16.4.2009 kl. 08:46]

Áhugaverðar vangaveltur, væri afar gaman Jón Valur að fá frekari fréttir af þessum manni. Hef ekki heyrt þá sögu.

Var hins vegar enga ályktun að draga Jón Valur heldur aðeins að velta því fyrir mér hvort að þetta mikilvæga svæði væri ekki formlega skráð okkur heldur aðeins okkar vegna samnings milli ríkjanna. Því ef svo er er eignarétturinn lítill sem enginn og öll vinnsla á svæðinu væri þá undir því komin að Norðmenn náðarsamlegast hrófli ekki við samningnum.

Persónulega færi ég a.m.k. ekki út í slíkar stórframkvæmdir án þess að ganga frá því tryggilega fyrst að svæðið sé okkar eign.

Var einnig að velta því fyrir mér þegar að ég skrifaði þetta þó að ég hafi reyndar ekki orðað það sérstaklega, eins og þið komið inn á hérna, hvers vegna Jan Mayen hafi einmitt orðið norsk en ekki íslensk. Landfræðilega er það nokkuð merkilegt að Íslendingar hafi ekki tryggt sér hana á sínum tíma.

Endurtek, það væri gaman að fá söguna af þessum manni sem þú nefnir Jón Valur.

[Jóhann Gunnar (IP-tala skráð) 16.4.2009 kl. 12:19]

Gangi þér vel á fundinum í kvöld. Mér var tjáð að með öllum líkindum yrði þetta tekið upp. Amk þau væru á fullu að reyna redda því. En þvi miður kemst ég ekki kl átta til að vera í klappliðinu!

Kv. Jóhann

[Tortrygginn (IP-tala skráð) 16.4.2009 kl. 14:42]

Það virðist engum detta í hug að skoða innihald samnings, sem Ingibjörg Sólrún, þáv. utanríkisráðherra Íslands og kollega hennar, Jonas Gahr-Störe gerðu í september 2008 um "sameiginlega nýtingu Drekasvæðisins". Fróður maður um svona samninga sagði mér, að í raun þýddi sá samningur, að Norðmenn gætu nýtt allt Drekasvæðið, líka það sem tilheyrir Íslandi, nákvæmlega með þeim hætti sem þeim hentaði.

[Jón Valur Jensson, 16.4.2009 kl. 14:58]

Ég svara þér, Baldvin, seinna um Hrólf, hinn vaska Vestfirðing, – ætla raunar að skrifa grein um hann.

[Torgeir (IP-tala skráð) 16.4.2009 kl. 16:29]

Detta hever ingiting at gjera med Drekasvæðið, som er innanfor Islands 200 nautiske mil.

[Jón (IP-tala skráð) 17.4.2009 kl. 12:07]

Það er full ástæða fyrir íslendinga til þess að áhyggjur af þessum fréttum skv. áliti norskra ólíusérfræðinga, sem eru slegnir mikilli hamingju yfir þessu skúpi;

http://e24.no/makro-og-politikk/article3029878.ece#AF

Hafa íslensk yfirvöld sofið á verðinum og hefur einhver tjáð sig um þetta í fjölmiðlum?

[Torgeir (IP-tala skráð) 17.4.2009 kl. 15:59]

Delingi av havbotnen i Smutthavet (Sildarsmugan) vart gjort i lag med Island og Danmark (for Grønland og Færøyane). Eg meiner at koma i hug at Island fengde eit stykke, dei med.