Borgarahreyfingin mun leggja á það höfuðáherslu að sækja aðstoðina til sérfræðinga eins og Evu Joly - sérfræðinga sem hafa raunverulega reynslu af slíkum málum og engin hagsmunatengsl við íslenska hagsmunahópa - opin kynningarfundur í kvöld í Iðnó

Gagnrýnir fámenna rannsókn

Athugasemdir

[101 (IP-tala skráð) 10.3.2009 kl. 18:20]

.

Það er búið að ráða Evu Joly til starfa. Þar fór það kosningaloforð.

 Annars var ég að lesa þetta frá ykkur. 

1. Það þarf raunverulega rannsókn á efnahagshruninu til að gera upp við spillta fortíð sem enn fær að grassera.

• Ef rétt reynist að þingmenn og þeirra fólk hafi fengið óeðlilegar fyrirgreiðslur frá fjármálastofnunum mun ekki verða raunveruleg rannsókn á efnahagshruninu án eftirlits og þrýstings óháðra aðila.

   Er þetta ekki þegar hafið og sérstakur saksóknari kominn með kennitölur stjórmmálamanna og fjölmiðlamanna til rannsóknar.  Og það á að gefa honum auknar heimildir og afnema bankaleynd.

• Fjórflokknum er ekki treystandi til að gera upp við spillta fortíð.

Flokkar á þingi eru fimm og hafa verið um skeið þannig að það ætti að tala um fimmflokkinn og sexflokkinn ef þið komið einum á þing

2. Það þarf björgunaraðgerð núna fyrir þær fjölskyldur og fyrirtæki sem stóðu vel fyrir hrunið,

• Við höfum ekki efni á því að fjórflokkurinn fari að bjarga vel tengdu óreiðufólki sem er alltaf hættan án eftirlits óháðra aðila.

• Fjórflokknum er ekki treystandi til að bjarga ekki sínu fólki fyrst án eftirlits og þrýstings óháðra aðila.

Enn er tönnlast á fjórflokknum.  Pínulítil þráhyggja í þessu hjá ykkur.

Þeir sem rannsaka málni eru alveg jafn óháðir og félagsmenn í Borgarahreyfingunni.

3. Það þarf að tryggja verulegar lýðræðisumbætur til framtíðar.

• Sama hvar í flokki stjórnmálamenn standa munu þeir aðeins láta frá sér þau völd sem þeir er þvingaðir til að láta frá sér. Stærsta efnahagshrun mannkynssögunar miðað við höfðatölu var ekki nóg, það þurfti margra mánaða mótmæli og á endanum ofbeldi til að þvinga síðustu ríkisstjórn til að láta af völdum.

Er sú ríkisstjórn sem við tók jafn slæm og sú sem fyrir var ?

• Fjórflokkinum er ekki treystandi til að takmarka völd sín án eftirlits og þrýstings óháðra aðila.

 Fimmflokkurinn bara til áréttingar.    Borgarahreyfingin verður aldrei óháð ef hún fær fulltrúa kosna á þing.  Ekki frekar en aðrir sem sitja þar fyrir. 

Fæ ekki séð að þessi hreyfing boði neitt nýtt.  Eini sjáanlegi tilgangur er að koma í veg fyrir meirihlutastjórn Samfylkingar og VG og það tekst ykkur sennilega. 

Tilgangurinn helgar meðalið er víst sagt.

[Óskar Þorkelsson, 10.3.2009 kl. 18:47]

http://www.vg.no/nyheter/utenriks/artikkel.php?artid=557394

er á forsíðu VG

[Baldvin Jónsson, 10.3.2009 kl. 18:48]

Takk fyrir innlitið 101, merkilegt að hafa svona mikið til málanna að leggja en þora þó ekki að koma fram undir nafni. Það því miður dregur verulega úr trú minni á hlutleysi þitt í skrifum, en hver skal hafa sína hentisemi með það.

Ég vil byrja á því að fagna því sérstaklega að Eva joly hafi verið ráðin til starfa. Það er Borgarahreyfingunni enginn sérstakur akkur að fá að komast inn á Alþingi til að ríkja þar, verði stefnumálin okkar almennt tekin upp og framkvæmd af öðrum flokkum mun ég glaður fara sæll að sofa - ánægður með árangurinn.

Rannsóknin sem nú er hafin er leidd af fulltrúa Sjálfstæðisflokksins. Við höfum ítrekað bent á að þó að Ísland eigi marga frambærilega sérfræðinga, séu allir svo tengdir hér að slíka rannsókn verði að leiða af erlendum sérfræðingum. Eitt af stóru gleðimálunum við aðkomu Evu Joly er einmitt það að hún er afar vel tengd mikið af fólki sem hefur mikla reynslu af slíkri vinnu.

Þegar talað er um fjórflokkinn, sem er algengt í almannarómi, er verið að vísa til fjögurra stærstu flokkanna. Það er ansi djúpt í árina tekið að ætla Frjálslynda flokknum sem hefur eftir því sem ég best veit ekki komið einu máli í gegnum þing á þeim tíma sem þeir hafa átt sæti þar, að vera gerandi í því kerfishruni sem hér gekk yfir. Þvert á móti er hægt að telja jafnvel líklegt að hefði kvótakerfið verið endurskoðað og ekki gefið leyfi til þess að veðsetja kvótann þre- til fjórfalt hefði stór hluti þess fjármagns sem vatt svona upp á sig í skuldum, aldrei komið til.

Þeir sem nú rannsaka málin eru sem fyrr segir leiddir af fulltrúa Sjálfstæðisflokksins. Ég tel það ekki þurfa mikillar meiri skýringar við. Borgarahreyfingin og félagar hennar eru algerlega óháðir í þessum skilningi. Við eigum engin fjárhagsleg tengsl eða sérhagsmuni að verja í málinu.

Seta Samfylkingarinnar í núverandi ríkisstjórn finnst mér persónulega vera verulega ámælisverð og sýna valdhroka öðru fremur. Samfylkingin átti sæti samhliða Sjálfstæðisflokknum í fyrri ríkisstjórn. Samfylkingin tók fullan þátt í þeirri þöggun sem var um þá stöðu sem upp var komin, stöðu sem ráðamenn vissu af að minnsta kosti síðan í október 2007.  Það eina rétta hefði verið að koma á neyðarstjórn sérfræðinga í krísu- og fjármálastjórnun og ganga strax opinberlega til kosningabaráttu.

Að vera óháður á þingi er samkvæmt okkar skilgreiningu það að vera ekki fjárhagslega skuldbundin neinunm hópum. Í raun má einnig segja að fulltrúar Borgarahreyfingarinnar verði heldur ekki háðir okkur þar sem að við ætlum okkur í fyrsta lagi ekki að sitja lengi heldur aðeins að vera (afsakaði slettuna) svona hit&run framboð. Það er að keyra bara í gegn ákveðnar grundvallar breytingar til lýðræðisbóta og stíga svo frá sem hreyfing. Í annan stað munu fulltrúar Borgarahreyfingarinnar líka vera óháðir hreyfingunni á þann veg að þeir munu geta starfað eftir eigin sannfæringu og hugsjónum. Það er einmitt stór hluti ástæðunnar fyrir því að við erum að berjast fyrir upptöku persónukjörs í komandi kosningum. Núverandi kerfi gerir flesta frambjóðendur allt allt of háða flokki sínum og skoðunum stjórnenda hans.

Borgarahreyfingin hefur einnig gefið skýrt út að við munum ekki starfa með Sjálfstæðisflokki kæmi sú staða upp. Ég fæ ekki betur séð en að ef Samfylkingin hefði í sér hugrekki ásamt Framsóknarflokknum og VG til að gefa út sambærilega yfirlýsingu að þá væri félagshyggjustjórn eftir kosningar tryggð. Allt tal um að ganga óbundin til kosninga er í flestum tilellum einfaldlega svik við stefnumál flokkanna.

Við erum að berjast fyrir breytingum "101", ekki völdum einhverra ákveðinna stjórnmálaflokka.

[Baldvin Jónsson, 10.3.2009 kl. 18:50]

Glæsilegt Óskar, hefur vonandi strax meðal annars áhrif á trúverðugleika okkar á alþjóðavísu.

[Þór Jóhannesson, 10.3.2009 kl. 18:53]

Sammála 101 en þori þó að koma fram undir nafni !

Annars var ég að spá í að kíkja á þennan fund í kvöld ef ég er velkominn, verð ég nokkuð púaður út Baddi ef ég er ekki sammál öllum?

[Ómar Ingi, 10.3.2009 kl. 18:58]

Ekki að það skipti mjög miklu máli en merkið ykkar er alveg glatað , hvað á þetta að vera snara til að hengja fólk í ?

[Baldvin Jónsson, 10.3.2009 kl. 19:20]

Endilega Þór, er búinn að sakna þín :)

Ómar, þú ert alltaf svo voða hress bara - ekki að það skipti neinu máli.

[ábs (IP-tala skráð) 10.3.2009 kl. 19:40]

Afsakaðu tittlingaskítinn en er ekki skrýtið að svona vel gefinn maður þekki ekki greinarmuninn á fyrirsögnum og meginmáli? Stutta og hnitmiðaða fyrirsögn og síðan stutt skilaboð fyrir neðan, ekki hrúga öllu draslinu í belg og biðu í fyrirsögn, eins og höfundurinn sé að fá kast. Og það eru tvö n í opinn kynningarfundur. Það er ekkert verra að brýn málefni séu kynnt með aðeins fágaðri framsögn.

[Baldvin Jónsson, 10.3.2009 kl. 23:21]

Takk fyrir ábendinguna ábs, opinn vissulega með tveimur n'um í þessu tilfelli.

Fyrirsögnin í flestum tilfellum til þess sett fram að ná athygli á efninu, það var líka svo í þessu tilfelli en varð kannski óheppilega löng fyrir vikið.

[Þór Jóhannesson, 10.3.2009 kl. 23:29]

En það er samt bara eitt n í opin kynning! Held það hafi verið það sem Baldvin var að meina og mjög skiljanlegt að rugla saman samsettu orðu úr kvk og kk - finnst í raun barnalegt og lýsa illu innræti þegar fólk er að gagnrýna stafsetningu á blgginu, enda er mjög stór hluti þjóðarinnar skrifblindur (allt að 20%) og þá rísa upp smásálir eins og ábs og gera gys að þeim - en það lýsir e.t.v. innræti auðvaldssinna best að þeir víla ekki fyrir sér að ráðast hugsunarlaust á fólk sem er á einhvern hátt minnimáttar.

Þetta með fyrirsögnina er auðvitað líka bara skítkast - enda langar fyrirsagnir mjög algengar hér aður fyrr! Það var ekki fyrr en fjölmiðlar auðvaldsvæddust að fréttir áttu að snúast meira um fyrirsagnir en minna um innihald.

Svo er þessi merkjatúlkun hér fyrir ofan auðvitað aflveg fráleit og ef eitthvað tákn stjórnmálahreyfingar er lýsandi fyrir innræti flokks þá er það blái ránfuglinn.

[Baldvin Jónsson, 10.3.2009 kl. 23:35]

Já, en sannarlega rétt að það áttu að vera tvö n í þessu tilfelli.

Spurning hins vegar hvort að bent sé á það vegna málefnafæðar á öðru efni pistilsins eða af einlægri hjálpsemi. Maður spyr sig? :)