Við viljum frjálst framboð til Alþingis

"Við viljum frjálst framboð til Alþingis". 
 
Grúppa á www.facebook.com
 
Stjórnun byggist alltaf á trausti ekki bindingu.
 
Alþingi á að vera málstofa margra ólíkra sjónarmiða.
 
Við viljum að á Alþingi sitji hópur einstaklinga sem vill koma að stjórnun landsins og leggja fram krafta sína og sannfæringu án flokksaga
með eigin sannfæringu að leiðarljósi. Þeir sem bjóða sig fram undir merkjum gömlu stjórnmálaflokkana eru allt of oft ekki að bjóða þinginu
krafta sína heldur starfa þeir þar sem vélbúnaður vel smurðra flokksvéla.
 
Við viljum framboð einstaklinga sem eru óháðir öðru en sannfæringu sinni.
 
Aðeins þannig má brjóta á bak aftur þá spillingu sem leitt hefur hörmungar yfir íslenskt samfélag.

Geir gefur ekki kost á sér

Athugasemdir

[Hólmfríður Bjarnadóttir, 21.2.2009 kl. 01:33]

Til að ná þessum vilja þínum og margra annarra fram, er eina færa leiðin að mínu mati að breyta grunnreglum samfélagsins, stjórnarskrá og kosningareglum. Það eru svo fjöldamargir komnir uppí kok af flokkseigenda félögunum og öllum klíkubandalögunum, sem þær grunnreglur sem við búum við núna hafa leitt af sér. Í kosningunum í vor tel ég farsælast að kjósa annað hvort Samfylkinguna eða Vinstri græna. Ég er sjálf flokksbundin í Samfylkingunni og ætti þess vegna eingöngu að mæla með þeim flokki.

Það sem ég hef fyrst og fremst í huga, er að þessir tveir flokkar eru að mínu mati líklegastir til að fylgja eftir kröfunni um stjórnlagaþing, sem er að mínu mati forsenda fyrir raunverulegum breytingum á stjórnarháttum hér á landi.

Skorum á stjórnvöld að efna til stjórnlagaþings um endurskoðun stjórnarskrár og kosningareglna.

Burt með gamaldags flokkaveldi.Nýtt lýðveldi  -  skrifa undir áskorun  HÉR

[Baldvin Jónsson, 21.2.2009 kl. 07:46]

Hólmfríður, Samfylkingin hefur að mínu mati hegðað sér á þann máta undanfarið að ég mun aldrei nokkurn tímann kjósa þau. Hafa ekkert gert síðan í byrjun október annað en að opinbera ítrekað valdhroka sinn og bleyðuhátt.

VG gerðu síðan risa stór taktísk mistök þegar þau völdu völd fremur en þjóðarsátt og settust í ríkisstjórn með Samfylkingunni í stað þess að kalla til sérfræðinga í neyðarstjórn.