Forystumenn innan Sjálfstæðisflokksins hafa nú náð að afsala okkur sjálfstæðinu.

Hversu skelfilega kaldhæðið er það?

Eftir stöðugar og ítrekaðar uppákomur undanfarnar 2 vikur þar sem nánast undantekningar laust er verið að bregðast OPINBERLEGA rangt við hlutunum og skaða okkur sem heild þar með ítrekað meira og meira vilja ráðamenn nú enn halda því fram að þetta sé utan að komandi vanda um að kenna?!?

Er þetta ekki best skilgreint sem afneitun?

Kæri Davíð Oddsson, við erum ekki að segja að okkur líki ekki við þig persónulega. Við erum ekki að segja að þú sért ekki einn mesti stjórnmálaleiðtogi sem að þjóðin hefur alið. Við erum ekki að segja að þú hafir ekki gert margt gott.

En núna Davíð, núna erum við að segja alveg skýrt að líklega hefur enginn einn einstaklingur frá upphafi landnáms valdið þjóðinni eins miklum skaða og þú hefur gert með yfirlýsingum þínum undanfarna daga.

Það sama verð ég síðan því miður að segja líka um hæstvirtan fjármálaráðherra, sem hefur ekki sýnt frá upphafi að hann valdi starfanum sérstaklega vel, og hæstvirtan forsætisráðherra sem að með bæði aðgerðarleysi og síðan þvoglumæltum yfirlýsingum til handa bresku þjóðinni kláraði síðan fyrir okkar hönd aftökuna.

Ekki bara aftöku Kaupþings, heldur mögulega aftöku sjálfstæðis þjóðarinnar til næstu tuga ára.

Þegar að við verðum búin að brenna hressilega að baki okkar allar brýr að þá er möguleg staða þannig að engir standa eftir sem að treysta okkur sem greiðendum. Ef við getum ekki í viðskiptum við erlendar þjóðir um ýmsar nauðsynjar, þá einfaldlega færumst við aftur til u.þ.b. 1870 í tækninni nema að okkur takist með miklum hraði að rafmagnsvæða iðnaðina okkar, sjávarútveginn og landbúnaðinn, því engin verður olían hér ef lánstraust hverfur.

Atburðar rásin gagnvart Bretlandi er í grófum dráttum þessi:
1. Icesave riðar til falls
2. Davíð Oddsson kemur fram í Kastljósi og lýsir því yfir að erlendar skuldir bankanna verði ekki greiddar nema að litlu leyti, 5-15% kannski.
3. Fjármálaráðherra Breta hringir í Árna Matthíasson og spyr hann út í stöðuna og Árni tjáir honum að Ísland ætli EKKI að standa við ábyrgðir sínar gagnvart Breskum sparifjáreigendum.
4. Geir H. Haarde gefur daginn eftir út einhversskonar yfirlýsingu sem að var líklega ætlað að friða Breta en enginn virðist hafa skilið hvað hann var að segja og áhrifin urðu áfram neikvæð.
5. Breska ríkið tekur yfir alla starfssemi Íslenskra banka í Bretlandi og setur þá í greiðslustöðvun.

Davíð Oddsson, Geir H. Haarde og Árni Matthíasson hafa með opinberri hegðun sinni undanfarna daga og vikur stórskaðað Íslensku þjóðina. Við því liggja refsilög.

Skoðum 91. gr. Hegningarlaganna:

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …¹⁾ fangelsi allt að 3 árum, eða sektum, ef sérstakar málsbætur eru fyrir hendi.

Fangelsun til allt að þriggja ára eða sekt?

Það er ekki það sem að ég vil, en er ekki eðlileg lágmarkskrafa þjóðarinnar að mennirnir að minnsta kosti segi af sér???

Við þurfum að hætta þessari hrokafullu "leysum þetta sjálf" pólitík. Við þurfum að sameinast ÖLL sem eitt um að leyta lausna og fá til þess alla þá sérfræðinga, innlenda sem ERLENDA sem völ er á.  

 

Atburðir í Bretlandi felldu Kaupþing

Athugasemdir

[Vh (IP-tala skráð) 9.10.2008 kl. 11:27]

Íslenskir ráðamenn kunna ekki að ljúga.  Auðvitað átti DO og ÁM að segja að við ábyrgjumst allt og alla.  Þannig virkar þetta.  Það má alltaf skipta um skoðun seinna, í ljósi aðstæðna.

[Óskar, 9.10.2008 kl. 12:36]

Vandamál no 1 er það að hvorki fjármálaeftirlitið, ríkisstjórnin, seðlabankinn né nokkur annar sem á að sjá um að stjórna þessu blessaða skeri, gerði nokkuð til að stemma stigu við þessari rosalegu stækkun bankastofnana landsins. Það var ekkert gert þar til það átti að byrja á "damage controle", sem var of lítið og of seint enda sýndi sig að þessir menn hafa hvorki kunnáttu né getu til að vinna úr þessu. Að sjálfsögðu hefðum við átt að vera búin að fá erlenda sérfræðinga líka til að aðstoða okkur.

Verður fróðlegt að sjá hvort einhver þurfi að taka afleiðingum gjörða sinna. Vona það innilega en miðað við hvernig þetta hefur verið hingað til, þá munu þeir ganga í burtu frá þessu án þess að þurfa að svara fyrir nokkuð.