Skildi F listi óháðra ætla í samstarf með minnihlutanum?

Finnst það ekkert endilega líklegt eins og er, en finnst það augljós kostur í refskákinni fyrir Ólaf F.  Ef Sjallarnir hóta honum með Óskari getur hann hótað nýjum meirihluta líka. Hverjum finnst raunverulega spennandi að mögulega einhversskonar hótana pólitík stjórni borginni okkar?

Er þessi farsi samt ekki að verða bara ágætur?  Réttið upp hendi sem að finnst við borgarbúar eiga skilið að fá bara nýjar kosningar.

Mikið er mig farið að langa til að búa við stjórnun sem gengur út á málefni borgarinnar en ekki völd og sérstök sæti kjörinna fulltrúa hennar.  Ef þið kæru borgarfulltrúar hafið um það eitt að hugsa, endilega segið okkur hinum þá bara frá því í framboðinu, við getum þá a.m.k. tekið til þess afstöðu á réttum forsendum hvort að við viljum ykkur í þau sæti eður ei.

Óvissa um meirihlutann

Athugasemdir

[Ómar Ingi, 14.8.2008 kl. 13:15]

Farsi dauðans , sama hvað verður.

[Baldvin Jónsson, 14.8.2008 kl. 13:15]

Mikið afskaplega varstu snöggur núna Ómar, liggurðu bara á refresh takkanum??

[Jón Ingi Cæsarsson, 14.8.2008 kl. 13:17]

Eina sem gæti bjargað málum er að Ólafur F hætti og varamaður hans taki við til kjörtímabilsloka og Tjarnarkvartetinn taki við á ný. Það ætti að vera krafa Reykvíkinga því allir sjá að borgarfulltrúar Sjalla eru ekki samstarfshæfir

[Baldvin Jónsson, 14.8.2008 kl. 13:19]

Ég verð að taka undir með þér Jón Ingi með það að það væri góður kostur í stöðunni , en ég sé það ekki gerast nema að Ónefndur F. viðurkenni fyrir sjálfum sér aftur og okkur hinum að hann sé bara ekki alveg búinn að jafna sig og fari aftur í veikindaleyfi.

[Axel Jón Fjeldsted (IP-tala skráð) 14.8.2008 kl. 15:36]

Ha veikindaleyfi...Sjálfstæðiflokkur allur sem einn þarf að fara í veikindaleyfi...já og við líka.