Vissulega mjög sorglegt mál, en....

af hverju er alltaf tekið sérstaklega fram í fréttum á Íslandi þegar brotamenn eru erlendir??

Ég man ekki eftir því að hafa séð mikið fjallað um svona með það í huga að brotamanneskjan hafi verið t.d. vestfirsk, austfirsk, norðlensk, sunnlensk, Siglfirðingur, Vestmannaeyingur o.s.frv. Þið sjáið hvert þetta stefnir.  Af hverju skiptir svona miklu máli þegar brotamanneskjan er erlend?

Ég bið þig kæra fórnarlamb forláts að þessi vofleigi atburður í þínu lífi, þessi freka árás á sjálfsagt frelsi, verði til þess að ég velti þessu máli upp, ég vona að Guð og forsjón megi hjálpa þér að vinna þig frá þessu.  Það er ekkert ekkert sem getur réttlætt þessa árás, og það að maðurinn sé erlendur réttlætir það að sjálfsögðu ekki heldur.

Lýst eftir vitnum vegna nauðgunar

Athugasemdir

[Tómas Þóroddsson, 18.3.2007 kl. 14:15]

Jú lögreglan á Akureyri er með hefð í þessum málum. Utanbæjarmaður.

[eva ólafs~ (IP-tala skráð) 18.3.2007 kl. 14:37]

Mikið er ég sammála þér.  Um leið og verið er að skera upp herör gegn rasisma á Íslandi, er í raun verið að kynda undir honum með mismunun í fréttaflutningi.

Þetta þurfa fjölmiðlar allir að endurskoða og kappkosta að gera öllum jafnt undir höfði þegar fjallað er um mál sem þessi, sem og önnur mál.

[Páll Árnason (IP-tala skráð) 18.3.2007 kl. 15:03]

Þetta er einmitt það sem tíðkast m.a. í Svíþjóð þar sem fólk verður að lesa milli línanna hvort afbrotamaður sé svartur, múslimi osfrv. Fjölmiðlar þar stjórnast einmitt af þessu "umburðarlyndi" sem þú boðar hér. Er fólki gerður einhver greiði með þessu? Er fólki ekki treystandi til að mynda sér sínar eigin skoðanir og ber því að mata það á pólitískt "réttum" upplýsingum? Á ég ef ég er útlendingur rétt á sérmeðferð vegna þess eins að ég er útlendingur? Það sem mér finnst mestu máli skipta í þessu máli er að sá grunaði náist fyrir þennan svívirðilega glæp, og þá ber lögreglunni og fjölmiðlum að gefa allar þær upplýsingar sem geta leitt til handtöku hans. Þar með talið hugsanlegt þjóðerni hans.

[Stúzzi (IP-tala skráð) 18.3.2007 kl. 16:51]

Hér er ég algerlega ósammála ykkur. Fólk, það er verið að óska eftir vitnum, sú staðreynd að maðurinn sé líklega frá austur-evrópu þrengir hringinn töluvert ekki satt? Ekki vera að búa til fordóma. Hér er ekki um fordóma á útlendinga að ræða ekki frekar en fordóma á menn með græna derhúfu.