Hvers virði er æran? Lágmarkskrafa að Björn Ingi hverfi frá völdum alfarið!!

Plott ofan á plott, þvílík tík sem hún er þessi pólitík.  Ojbarasta.  Alfreð sagður höfundurinn að plottinu skv. frétt á Vísi, sem er að sögn höfð eftir Birni inga. Alfreð enda væntanlega ansi reiður Guðlaugi Þór fyrir að setja hann af.  Stjórnmál eru ömurleg almennt, en alveg sérstaklega siðlaus að virðist hér heima.  Kannski bara af því að þau eru gegnsærri en á mörgum öðrum stöðum, hver veit.

Mér finnst þetta mál allt hið ömurlegasta.  Sjálfsagt að Vilhjálmur stígi frá, en að hampa Birni Inga eitthvað fyrir hans framgöngu, tja það er náttúrulega bara sjúkt.  Er hann ekki í raun gerandi í málinu og Villi leiksoppur?

Fyrstu viðbrögð mín voru ánægja, en er ekki svo viss eftir íhugun.

Á hvaða verði er árangur metinn?  Hvers virði er sómikennd?

Mér persónulega finnst þetta mál hið ömurlegasta. Ég hefði viljað sjá Vilhjálm víkja vissulega, en eftir því sem að maður les er Björn Ingi ef eitthvað er, meiri gerandi í málinu en nokkurn tíma Villi, sem þarna virðist opinbera sig sem nettan einfeldning í raun.

En hver er æran í því að stökkva til um leið og færi gefst og sænga hjá úlfinum, á sauðgærunni væntanlega, eingöngu til þess að fá mögulega örlítil völd?

Mér finnst alger lágmarkskrafa að Björn Ingi hverfi einnig frá stjórn borgarinnar og frá öllum störfum á vegum Orkuveitunnar og tengdum félögum.

Er vert að fagna þegar árangur næst eingöngu vegna mistaka annarra og baktjaldamakks stjórnmála?

Mér finnst ekki.  Kallið mig einfeldning, en mér finnst það hreint ekki.

„Fyrrum minnihluti bjargaði Birni Inga fyrir horn"

Athugasemdir

[Björn Heiðdal, 12.10.2007 kl. 00:04]

Þeir Framsóknarmenn sem ég hef kynnst eru fæstir alveg í lagi.  Hugsa meira um sjálfa sig og völd en t.d. að gera þjóðfélagið betra fyrir aðra. 

[Tanni Ofurbloggari, 12.10.2007 kl. 09:04]

ég mæli með að þú lesir baggalutur.is

[Ásthildur Gunnarsdóttir, 12.10.2007 kl. 11:26]

Mikið er ég sammála þér. Björn Ingi kemur út sem einhver dýrðlingur í fjölmiðlum sem hafi staðið á sínu, en mér finnst hann alveg jafn ábyrgur og Villi og ef ekki verri fyrir að halda vitleysunni áfram. Synd og skömm að þessu!

[Ómar Ingi, 12.10.2007 kl. 18:18]

Framsókn er krabbamein íslenskra stjórmála

Björn Ingi er í eigu Hannesar Smárassonar.

Spilltari einstakling sem bara hugsar um sjálfan sig er ekki hægt að finna.

[Sunna Dóra Möller, 12.10.2007 kl. 20:04]

Algjörlega sammála þessari færslu hjá þér!!