KJOSA.IS - Hvers vegna ætti Icesave frumvarpið að fara fyrir þjóðaratkvæði?

Ég, eins og eflaust margir, hef snúist í nokkra hringi gagnvart þessu frumvarpi. Eins og það lítur út í dag er ég persónulega orðinn bara nokkuð sáttur við það - ef tryggt er að fyrirvararnir haldi.

Nei, ég er að sjálfsögðu ekki ánægður með að þurfa að borga fyrir geðsýkisleg partý og offjárfestingar fjárglæframanna - alls ekki. En ég held að það sé rétt eins og komið er, að það séu fáir aðrir kostir til lausnar aðrir en að greiða okkar hluta.

Kalt mat er það að það verði okkur ódýrara á endanum, ég endurtek - EF þessir fyrirvarar örugglega halda.

Ég er í svipaðri stöðu og Þór Saari bloggar um gagnvart málinu, ég hefði líklega setið hjá í kosningu um ábyrgðina sjálfa en stutt fyrirvarana. Ég held að þegar að þjóðarstolt, sem og mitt eigið stolt, er lagt til hliðar sé þetta mögulega illskásta lausnin í stöðunni.

En af hverju er ég þá að mæla með hópnum í http://kjosa.is ? Jú, vegna þess að mér finnst alveg sjálfsögð og eðlileg krafa að svo stór mál sem þetta er, fari fyrir þjóðaratkvæðagreiðslu. Það mun aldrei lægja öldurnar í þessu máli í samfélaginu, ef ekki liggur skýrt fyrir, eftir kosningu almennings þar um, hver afstaða þjóðarinnar er til málsins.

Ert þú búin/n að skrifa undir á kjosa.is ??

Skora á forsetann að synja staðfestingu Icesave

Athugasemdir

[hilmar jónsson, 29.8.2009 kl. 01:08]

Já mér er svo sem líkt farið og þér Baldvin, búinn að sveiflast fram og til baka í þessu,

Held að það sé rétt hjá þér að öldur muni seint lægja nema þjóðin fái að hafa síðasta orðið. Enda er það eðlilegt í máli af þessari stærðargráðu.

[Jóna Kolbrún Garðarsdóttir, 29.8.2009 kl. 01:11]

Ég er búin að kjósa. 

[JR (IP-tala skráð) 29.8.2009 kl. 01:20]

Auðvitað fór Þór Saari bara eftir ,,flokksfélögum sínum" í sjálfstæðisflokknum, og sat hjá !

Ef hann vann fyrir launum sínum í nenfdarvinunni , hvers vegna studdi hann ekki þá vinnu ?

Ef þú ert búin að selja sálu þína, þá gerir þú ekkert með hana !

[Svavar Friðriksson (IP-tala skráð) 29.8.2009 kl. 08:18]

Ég mun ALDREI sætta mig við að þurfa borga fyrir kókaín pakkið og þá sérstaklega að börnin mín þurfi að súpa seyðið af þessu viðbjóðishyski.

Það er hreint með ólíkindum að ekki séu óeirðir núna útaf þessu máli. Það væri það alveg örugglega ef VG væru í stjórnarandstöðu.

[Jón V Viðarsson, 29.8.2009 kl. 11:16]

Við þjóðin berum fulla ábyrgð á hvernig komið er. Við gerðum ekkert í málunum og leyfðum stjórnvöldum að vaða yfir okkur. Lýðræði kallast það þegar fólkið í landinu kemur saman til þess að mótmæla allir sem einn. Sameinuð stöndum við en sundruð á blogginu föllum við. Við áttum smá von til þess að hafa áhrif en við vorum of upptekin og tókum þannig þátt í kostningunni og SÁTUM HJÁ. En það er smá smuga eftir til þess að sýna samstöðu og fá þjóðaratkvæðagreyðslu og hún liggur í því að safnast saman við kirkjuna á Bessastöðum og láta í okkur heyra. Ólafur Ragnar mun taka tillit til raddar alþýðunnar hann er okkar síðasta von. Ég skora á þjóðina að sýna mátt sinn !!

[Púkinn, 29.8.2009 kl. 18:42]

Sem sagt...sama fólkið og kaus þá sem orsökuðu vandamálið til að byrja með á að kjósa um IceSave?

Það er ekki alveg vit í þessu.

[Baldvin Björgvinsson, 29.8.2009 kl. 18:43]

Ég er eins og nafni minn búinn að veltast fram og til baka í afstöðu minni til þessa máls.

Eins og staðan er í dag þá er IMF búið að neyða allar nágrannaþjóðir okkar til að sitja á allri aðstoð þar til búið er að samþykkja þennan nauðasamning... þetta er bara nauðgun.

Ég bara get ekki verið meðvirkur með kókaínliðinu. Það er og verður aldrei siðferðislega rétt að almennir borgarar séu í ábyrgðum fyrir einkafyrirtæki. Og að skuldsetja bæði fædd og ófædd íslensk börn með þessum drápsklyfjum það bara... NEI... aldrei.

[Guðgeir (IP-tala skráð) 29.8.2009 kl. 19:23]

Algerlega sammála um hversu erfitt þetta mál er fyrir geðheilsu manns.

Eins og staðan er í dag þá virðist að reikningarnir falli annaðhvort á íslenskan ríkissjóð í gegnum samningana eða þá breska og hollenska ríkissjóð sem þegar eru búnir að 'lána' okkur þær tryggingar Icesave í þeim löndum.

Lítið hefur verið í umræðunni að bankastjórn og stjórar Landsbankans ættu að taka einhverja ábyrgð vegna þessa. Getur verið að neyðarlögin hafi séð til þess.

Í grunninn er það réttlætis - og siðferðismál að mismuna ekki fólki eftir þjóðerni. Þegar íslensk stjórnvöld ábyrgðust innistæður Íslendinga að fullu, þá er þeim skylt að gera slíkt hið sama fyrir erlenda innistæðueigendur á reikningum sem heyra undir íslenskt eftirlit. Icesave var undir íslensku eftirliti. Hefur það komið fram að bæði bresk og hollensk yfirvöld lýstu yfir áhyggjum vegna þessara reikninga en fengu fullvissu um ábyrgð íslenskra stjórnvalda á þeim í kjölfarið.

Hinsvegar er það álitamál hversu mikla skuldabyrði íslensk þjóð getur borið og hvort að siðlegt sé að stærri þjóðir setji smáþjóð í slíkt skuldafangelsi.

Ábyrgðin er þó okkar. Við kusum liðið sem sá um allt eftirlit með fjármálafyrirtækjunum og tóku þátt í glæp þeirra gegn íslensku almenningi ásamt þeim bresku og hollensku. Við megum aldrei gleyma hvaða menn stóðu vaktina þegar allt 'ránið' fór fram! - Hvaða menn sinntu því eftirlitshlutverki sem brást!

[Gunnar, 29.8.2009 kl. 21:00]

Púkinn: Skv. þínum rökum þá er aldrei aftur þörf á að kjósa af því að fólk er búið að kjósa áður.

Það er vissulega rétt að margir kusu þá flokka sem smíðuðu hrunkerfið en er það fólk þar með búið að missa réttinn á því að kjósa?

Varla ertu að stinga upp á því að haldið sé utan um hver kaus hvað og eftir einhverju mismunandi criteria sé ákveðið hvað af því fólki má kjósa aftur?

Það er ekkert vit í þessu hjá þér.

P.S: Rétt er að halda því til haga að ég kaus aldrei þessa flokka og er því ekki að halda uppi vörn fyrir eigin mistök. Ástæða fyrir að ég skrifa þetta er að ég er 100% sammála Baldvini um að þetta er það stórt mál að þjóðin verður að fá að kjósa um það.

[Baldvin Björgvinsson, 30.8.2009 kl. 00:26]

Þeir hirða gróðann en láta okkur hirða tapið.

Ef það eru einhver lög sem segja að þetta sé rétt þá eru lögin röng.

[Baldvin Jónsson, 30.8.2009 kl. 14:38]

Finnst þér í alvöru talað Púki að forsendurnar hafi ekki breyst talsvert frá kjördegi?

Hvað með þá sem kusu til dæmis VG sem ætlaði alls ekki að taka á sig þennan klafa né að starfa með AGS? Ættu þeir kjósendur ekki skilyrðislaust að fá að taka afstöðu til þessa máls þar sem VG hefur snúist alfarið frá stefnunni?

[Ómar Ingi, 30.8.2009 kl. 22:14]

Hvenar ætlið þið að leggja flokkin ykkar af ?