Hvort vilt þú velferðarþjónustu í grunnskólum eða Tónleikahöll??

Það á að skera niður í háskólum um 1,7 milljarða. Það á að skera niður í framhaldsskólum um 1 milljarð. Í grunnskólum og leiksskólum um um það bil 800 milljónir.

Á sama tíma á að borga samtals um 35 milljarða fyrir tónleikastað við sjávarsíðuna.

Er eitthvað vit í þessu liði??


mbl.is Alþýðuhöllin við höfnina
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóna Kolbrún Garðarsdóttir

Þetta fólk er veruleikafirrt.  Ótrúlegt að sjá svona bruðl.  Ég er fylgjandi því að grunnþjónustan verði ekki skert.

Jóna Kolbrún Garðarsdóttir, 25.6.2009 kl. 01:44

2 identicon

Það verður nú reyndar að benda á að útgjöldin sem þú nefnir eru árleg útgjöld sem þú stillir upp við hliðina á heildarkostnaði við tónlistarhús sem dreifist yfir áratugi.

Eðlilegri spurning er hvort vilt þú halda uppi siðmenningu í landinu með  skólastarfi, tónleikaaðstöðu og öðru sem til þarf eða láta AGS gera á þér hagfræðitilraunir og borga Icesave? 

Hans Haraldsson (IP-tala skráð) 25.6.2009 kl. 01:55

3 Smámynd: Baldvin Jónsson

Já Hans, ég veit. Greiðslan á ári er ekki "nema" u.þ.b. 800 milljónir.

En í upphafi skal endinn skoða.

VG liðar eru nú alfarið komnir undir hæg AGS greinilega, allt sem gefið var út fyrir kosningar er nú að hverfa. Nú á meira að segja að ráðast gegn öryrkjum landsins, 30.000 talsins, til þess að spara skitna 2 milljarða þar.

Baldvin Jónsson, 25.6.2009 kl. 02:01

4 identicon

sammála þessu Baldvin, það er nóg af góðum tónleikahúsum hérna.

sandkassi (IP-tala skráð) 25.6.2009 kl. 03:08

5 Smámynd: Brjánn Guðjónsson

þarf ekki bara að bæta tónmenntakennslu grunnskólanna?

Brjánn Guðjónsson, 25.6.2009 kl. 03:17

6 Smámynd: Júlíus Björnsson

Dollar starx! Burt með Senghen! Óreiðumennina í steininn! Seðlabankakerfi ES hreinsi sinn eigin skít. Seðlabankar ES gáfu Íslensku landráðamönnum [Í ljósi stöðu heimilanna í dag] starfsleyfi og opinberir aðilar í Bretlandi mæltu með þeim. Kemur Íslenskum almenningi ekki við.  Það getur ekki hver sem er opnað útibúi í Seðlabankalandi. Frjálst flæði er allt annað.

Við þurfum bara skera niður fjámálakerfið, verðbréfabrask, eignarhaldsfélög og kauphöll m.a. Viðskipta og Evrópu tengt nám.  

Júlíus Björnsson, 25.6.2009 kl. 04:35

7 identicon

AGS vinnur eftir þeirri furðukenningu að ef pappírshagkerfið fer í klessu þá þurfi að vinna sama tjón á raunverulegri verðmætasköpun til þess að ná jafnvægi. Hingað til hafa þessar kenningar ekki skilað miklum árangri þegar þeim hefur verið beitt í við efnahagslegar lækningar en þeir virðast sannfærðir um að nú hljóti að vera komið að því.

Ef Icesave verður fellt eru góðar líkur á því að AGS pakki saman hrossameðulunum sínum og einbeiti sér að tilraunum á Lettum, Ungverjum og fleiri þjóðum.

Það þýðir vissulega að við munum búa við gjaldeyrishöft lengur en ella en það þýðir líka að vextir munu lækka og við munum fá fleiri krónur í umferð og getum framleitt vörur og þjónustu fyrir hvort annað, m.a læknisþjónustu, skólakennslu, tónlistarhús o.s.frv.

Við fellum Icesave og kremjum tvær pöddur með sama högginu.

Hans Haraldsson (IP-tala skráð) 25.6.2009 kl. 07:54

8 identicon

Hæ. Þetta er líka ráðstefnuhús með áður lokaða möguleika til eflingu ferðamannaiðnaðar og þá er næsta víst að framkvæmdastopp hefði áhrif á atvinnuleysi svo við getum kallað þetta ágæta fjárfestingu.

Það eru ekki miklar lausnir í því að leggja af allar framkvæmdir og þurrka út atvinnulífið

Gylfi Gylfason (IP-tala skráð) 25.6.2009 kl. 10:39

9 Smámynd: Baldvin Jónsson

Gylfi, það er enginn að tala um að "leggja af allar framkvæmdir".

Sjálfur starfa ég í ferðaþjónustu. Ráðstefnuhald hefur verið með besta móti á Íslandi og afar litlar líkur á einhverri aukningu í þeim geiranum vegna þessa húss. Nordica Hilton og margir fleiri staðir, hafa verið að standa sig afar vel við að sinna þeim markaði.

Baldvin Jónsson, 25.6.2009 kl. 12:03

10 identicon

Hva, ætlarðu að segja mér að ráðstefnuhúsið sé í sama klassa og önnur hótel og ætlarðu svo líka að segja mér að svona viðbót hafi ekki áhrif á hugsanlega eftirspurn og sölumöguleika

Þetta er ekki alveg að ganga upp hjá þér

Gylfi Gylfason (IP-tala skráð) 25.6.2009 kl. 12:12

11 Smámynd: Baldvin Jónsson

Ég er ekki að segja að mögulegt ráðstefnuhús sé í sama klassa nei. Ég sagði að ég hefði litla trú á því að svona hús myndi auka hingað eftirspurnina vegna ráðstefnuhalds. Við erum með nú þegar mjög mikið af flottum ráðstefnum hér árlega. Held að það sé voða "2007" að halda að marmarahöll dragi miklu meira að en þegar er.

Ráðstefnuhald og hvataferðir fyrirtækja verða í fremur lágmarki í Evrópu næsta árið væntanlega, vegna bágs efnahagsástands.

Það getur vel verið að húsið hefði einhver áhrif á eftirspurn, mögulega. En er grunnþjónustu samfélagsins fórnandi fyrir það?

Átt þú börn í grunnskóla Gylfi? Hefurðu þurft að nota þar þjónustu aðra en beina kennslu?

Ég hef reyndar ekki þurft að hafa börnin mín lengur í skóla en sem kennslu nemur, en skilst að núna séu allar líkur á því að svokölluð frístundaheimili verði ekki rekin nema í mýflugu mynd á komandi skólaári. Það þýðir meðal annars að mikill fjöldi foreldra þarf að fara að hætta í vinnu um tvö á daginn til þess að komast heim í tæka tíð að taka á móti börnunum sínum.

Hvað kostar það samfélagið að allur þessi fjöldi fólks, sem enn er með vinnu, þurfi að hætta að skapa verðmæti eftir rúmlega hálfnaðan vinnudaginn?

Baldvin Jónsson, 25.6.2009 kl. 12:20

12 identicon

Ef þú einskismetur ráðstefnuhús gagnvart ferðamannaiðnaðinum þá máttu alveg fara að huga að því að vera meira markaðsþenkjandi finnst mér.

Staðreyndin er einfaldlega sú að það er verið að auka framboðið og hækka hið mögulega þak á ráðstefnustærð og það eru mikil markaðstíðindi út af fyrir sig.

Hvað fjölskylduáhuggjur þínar varðar þá segi ég einungis að peningarnir vaxa ekki á trjánum og þá verður að skapa með framkvæmdum sem t.d. halda aftur af atvinnuleysi um leið.  Ferðamannaiðnaðurinn er einn af þessum sprotum sem eiga möguleika á stökkbreytingum til betri vegar og ráðstefnuhúsið er liður í því að stækka atvinnugreinina í heild sinni.

Gylfi Gylfason (IP-tala skráð) 25.6.2009 kl. 15:42

13 identicon

Gylfi,

Ég ber fulla virðingu fyrir þínum sjónarmiðum en vandamálið er bara eftirfarandi;

Ef ég man rétt þá var fyrirhugaður kostnaður við Tónlistarhús á einhverjum tímapunkti 2008 í kring um 25 milljarðar.

Rekstraráætlun gerði síðan ráð fyrir því að einhver hluti af þessu myndi hreinlega greiðast niður með rekstri hússins.ok.

Við fall krónunnar hækkuðu þessir 25 milljarðar upp í 35 milljarða. Þar með eru heilir 10 milljarðar sem enginn veit hvaðan eiga að koma, nema þá út úr velferðarkerfinu.

Nú, þetta væri kannski réttlætanlegt (upp að einhverju marki) og ég segi KANNSKI, ef að þarna væru á ferðinni atvinnuskapandi framkvæmdir og í svo miklum mæli, að þessir 10 milljarðar myndu skila sér með einum eða öðrum hætti út í hagkerfið.

Svo er ekki.

sandkassi (IP-tala skráð) 25.6.2009 kl. 16:11

14 Smámynd: Fannar frá Rifi

Baldvin veistu hvað það er verið að skera mikið niður? 150 milljarða. Við erum að borga 87 milljarða í vaxtagjöld í dag (ríkisjóður). Til að koma ríkisjóði á beinubrautina þá þarf flatan niðurskurð upp á 32,5%.

Valið stendur á milli IMF og Icesave (ESB) eða velferðarkerfi og menntun til handa þjóðinni. 

Fannar frá Rifi, 25.6.2009 kl. 22:19

15 Smámynd: Júlíus Björnsson

Fannar kann að reikna.

Júlíus Björnsson, 25.6.2009 kl. 22:50

16 Smámynd: Baldvin Jónsson

Já Fannar, þetta er hrikalegt ástand.

En af því að við erum farnir að reikna, í stjórnartíð Sjálfstæðisflokksins, sérstaklega á tímabilinu frá 1995-2007, óx hlutur ríkisins í fjárlögum um hátt í 60% og kostar stjórnsýslan nú um 220 Milljarða á ári.

Hvað heldurðu að skýri það að hið opinbera óx svona gríðarlega í stjórnartíð flokksins þíns, og það á sama tíma og verið var að einkavæða allt sem hægt var?

Baldvin Jónsson, 25.6.2009 kl. 23:21

17 Smámynd: Fannar frá Rifi

Af því að það var ekki vilji, þor né dugur hjá mönnum til þess að koma í veg fyrir framúr keyrslu stofnanna á fjárlögum. Bara eitt stykki aukafjárlög og hækka síðan fjárlög fyrir næsta ár. Þú mannst nú hvernig fór þegar menn dyrfðust til þess að leggja niður ríkistofnun. Allt ætlaði að verða vitlaust. Hér á landi hefur bara ekki verið áhugi til þess að halda útgjöldum ríkisins lágum, nema hjá mjög litlum hóp sem oftast eru kallaðir frjálshyggjumenn. of margir eru tilbúnir að segja bara já og forðast átök og allt neikvætt tal í fjölmiðlum.

samdráttur í ríkisútgjöldum verður núna til þess að auka á atvinnuleysi í landinu. menn fara úr því að vinna hjá ríkinu yfir í að fá bætur frá ríkinu. 

en upphæðin er svo há núna að engin leið er til þess að lækka hana nema með því að taka verulega af stærstu útgjaldarliðunum. Heilbrygðis og félagsmálum. 

Fannar frá Rifi, 25.6.2009 kl. 23:42

18 Smámynd: Baldvin Jónsson

Já, langaði bara að nefna þetta vegna þeirra augljósu skekkju sem þarna varð.

Án þess þó að vilja bera blak af þessu, þá verð ég nú að viðurkenna að án vafa hefur mikið af þessum kostnaði orðið til vegna EES. Allskyns lobbýismi og nefndir sem var til í framhaldinu. Heill haugur af nýjum stöðugildum í stjórnsýslunni.

Baldvin Jónsson, 26.6.2009 kl. 00:05

19 Smámynd: Júlíus Björnsson

Heyr Baldvin! Heill haugur og milljarðar

Júlíus Björnsson, 26.6.2009 kl. 00:18

20 Smámynd: Fannar frá Rifi

getur rétt ímyndað þér hvað verður ef við göngum í ESB.

200 til 300 manna lið í vinnu í Brussel. milljón á kjaft að meðaltali. húsnæði og skrifstofur og rekstur á þeim. ferðalög og tíðarflugferðir ráðamanna og annarra út á fundi. kostnaðurinn mun hlaupa á milljarða á mánuði. ég myndi varlega giska á 1 til 2 milljarða í kostnað á mánuði sem gæti svo vaxið gríðarlega. 

Fannar frá Rifi, 26.6.2009 kl. 00:43

21 Smámynd: Júlíus Björnsson

Þarna er hluti skýringar fyrir ágrindinni sem Jóhanna sagði þau hafa fyllst af þann 17. júní. Allir þekkja afleiðingarnar fyrir heimilin bætti hún við.

Júlíus Björnsson, 26.6.2009 kl. 00:55

22 identicon

voru það ekki annars 15 milljarðar sem fara upp í 25, allavega eru 10 milljarðarnir réttir

Ég man ekki nokkurn skapaðan hlut strákar, bið ykkur að afsaka.

En 10 milljarðar er mjög stór hluti af niðurskurði fyrir þetta ár 2009. Ef menn hættu þessu bruðli, þá væri hægt að ná fínum árangri á mun sársaukaminni hátt.

Það má skapa atvinnu þeim sem eiga að fá atvinnu út úr þessum framkvæmdum, fyrir brot af þessu fé og koma síðan út með hagnaði. Nú er svo komið að það verður að gera þá kröfu á rekstur. Hann verður annað hvort að vera þjóðhagslega nauðsynlegur, eða skila hagnaði með einhverju móti.

Þetta verkefni fellur undir hvoruga skilgreininguna. 

sandkassi (IP-tala skráð) 26.6.2009 kl. 01:25

23 Smámynd: Kolbrún Baldursdóttir

Valmöguleikum fækkar við allan þenna niðurskurð í grunnþjónustu en það er ekki endilega þar með sagt að þeir fáu sem eftir standa þurfa að vera slæmir.

Kolbrún Baldursdóttir, 26.6.2009 kl. 11:20

24 Smámynd: Baldvin Jónsson

Kolbrún, niðurskurður er augljóslega nauðsynlegur og ég er sammála því að á endanum getur jafnvel eitthvað af nauðsynlegum breytingum orðið til batnaðar. Skólar til dæmis munu sameinast væntanlega, og þó að ferlið geti verið sársaukafullt í upphafi, eru allar líkur á því að á endanum standi mun sterkari og öflugri skóli. Sérstaklega tel ég það eiga við á háskólastiginu.

En hvaða valmöguleika hefur það fólk sem hingað til hefur þurft að treysta frístundaheimilum skólanna fyrir börnunum sínum þar til vinnudegi lýkur?

Baldvin Jónsson, 26.6.2009 kl. 11:47

25 Smámynd: Júlíus Björnsson

Kjörin hjá Íslendingum verða að vera svipuð og í Albaníu til að EU:ES slektið hafi áhyggjur af Íslandi. Gott að hafa þetta í huga þegar reynt verður að losna við samninginum um að sleppa Íslensku/alþjóðlegu glæpamönnum, talvið IMF og borga Islave stendur uppúr. Bretar er aðalkröfuhafarnir. Einu sinni þræll alltaf þræll. Samningar milli Íslendinga og Breta innbyrðis geta einungis farið á einn veg  ef leystir stjórnmálalega [óheiðarlega á skjön við lög og reglur], Bretar fara með hnossið frá borði. Ísland fær framlengingu.

Norðurlöndin verða berjast fyrir sinn eigin virðingu öll saman innan við 8% atkvæða. Samstaða skiptir ekki máli. Suðurhlutinn hefur hærra að eðlisfari.

Þau Seðlabanka lénsvæði sem gefa sig út fyrir að vera aumingja góð eða toppa velferðakerfi annarra, eiga það á hættu að fólkið leiti þangað þá fjölgar höfðatölu sem mun aðal mælikvarði á tekjur Miðstýringarinnar af svæðinu. 

Þjóðverjar og Frakkar sem heild eru ekki til að leika sér að. Samstaða stærstu Nýlenduveldanna innan ES:EU er augljós. 

Í upphafi skyldi endinn skoða.

Smá kratíska.

Fordæmis gildi þess að ey-nýlenda sem lifir á hráefnisútflutningi hafi of háar tekjur í hefðbundnu samhengi er óhugsandi eins og að efast um innstæðutryggingarkerfi ES:EU. ES samkvæmt stjórnskipunarlögum losar slíkar utantekningar við slík hráefni, á mestu hugsanlegum verðum fyrir fullvinnslu meginlandsins [99% atkvæðanna]. Forðar frá einangrun við gamla alþjóðsamfélagið og veitir eyjaskeggjum úrval lávörufullvinnslu ES:EU.

Stærsta Bananaplantekra Evrópu er á Íslandi. Kanarí bananar eru mjög góðir eins og tómatarnir: tegundinni sem Íslendingar eru löngu orðnir vanir.       

Við erum hálffulla leið inn í gamla Samfélagið og ekki hægt að slíta það úr Íslenskri samfélagsumræðu. Með innlimunar reikning hangandi í loftinu. 

10 litlir Íslendingar .....  

Júlíus Björnsson, 26.6.2009 kl. 14:24

26 Smámynd: Fríða Eyland

Velferð grunnskóla

Fríða Eyland, 26.6.2009 kl. 16:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband