Vondur tapari hann Ástþór - er einhvern tímann eitthvað í lífinu ALLT öðrum að kenna?

Já, mögnuð nótt að baki. Ég var raunverulega inni sem þingmaður í tæpa 6 klukkutíma í nótt og mikil spenna í loftinu. Vissi þó undir niðri vegna mikilla yfirstrikana á Gulla Þór í RS að líklegt væri að fylgið okkar þar myndi minnka undir morgun þegar að þau atkvæði kæmu inn í hlutfallið. Engu að síður frábær árangur hjá hreyfingu sem að er 9 vikna gömul og frábær persónulegur sigur fyrir mig líka finnst mér. Við erum komin inn með þau málefni sem hafa á okkur, og stórum hluta þjóðarinnar, undanfarna mánuði og ætlum okkur að halda þau í heiðri, að koma þeim skýrt í umræðuna á nýju þingi.

Einhver benti mér á að við hefðum náð styrkleika Carlsberg Elephant, eða 7,2%, og því yrði nú afar erfitt að hunsa FÍLINN í salnum, þegar við yrðum þar með skýr skilaboð um að segja bara satt. Flestir flokkanna hafa þegar tekið undir okkar málefni og það ætti því að vera hægðarleikur fyrir okkur að láta þá standa við stóru orðin og koma hér á gagngerum lýðræðisumbótum.

En hvað með Ástþór? Jú, mér þætti afar gaman að sjá hann ná árangri í framboði einhversstaðar einu sinni. Bæði vegna þess að hann yrði hressandi viðbót við hversdagsleikann, en líka vegna þess að mér leikur forvitni á því að vita hvort að árangurinn verði þá líka alfarið einhverjum öðrum að kenna?

Borgarahreyfingin varð til úr mörgum hópum og því kannski flókið fyrir marga að skoða söguna, en Ástþór taldi ég hins vegar það skýran að hann myndi skilja. Ástþór er hins vegar svo upptekinn við að kenna einhverjum um allar eigin ófarir að honum er að virðist byrgð sýn á raunveruleikann og eigin aðkomu að hlutunum.

Gangi þér vel á nýjum vettvangi Ástþór - hvað sem sagt verður þá var þetta að minnsta kosti hressandi barátta með þér og mig langaði bara að þakka þér fyrir það.

Lýðræðishreyfingin líklega fram á ný

Athugasemdir

[Konráð Ragnarsson, 26.4.2009 kl. 18:13]

Til hamingu Baldvin með okkar hreyfingu og þakka þér þína óeigingjarna vinnu fyrir hreyfinguna og skemmtilega kosningarnótt

Baráttar kveðja!!!

[Rakel Sigurgeirsdóttir, 26.4.2009 kl. 18:38]

Veistu Baldvin að ég er ekki svona umburðarlynd og fallega þenkjandi eins og þú. Mér hefur alltaf leikið forvitni á að vita hver það er sem styrkir Ástþór til að standa í þessu brambolti sínu! Það er orðinn fastur liður eins og venjulega að ef eitthvað stendur til í samfélaginu þá birtist hann óvænt á sjónarsviðinu með ægilegum fyrirgangi. Það þarf enginn að segja mér að þetta kosti hann nákvæmlega ekki krónu.

Mér finnst hún líka í hæsta máta furðuleg þessi ófræging hans og tortyggni í garð Borgarahreyfingarinnar. Þetta allt vekur mér enn meiri forvitni um það hver það er sem beitir Ástþóri fyrir sig. Hver kostar hann, hver sparkar honum fram úr rúminu og inn í maníuna sem drífur hann áfram þegar eitthvað stendur til. Núna ætlar hann að hverfa til útlanda en hann lofar að koma aftur... Hver er það sem kallar á hann og í hvaða tilgangi? Hvað græðir Ástþór svo á þessum samskiptum?

Er það bara það að fá að vera í sviðsljósinu um stund?

[Marinó G. Njálsson, 26.4.2009 kl. 19:05]

Baldvin, til hamingju með góðan árangur.  Verst að þið skylduð ekki ná inn 4 til viðbótar á kostnað Samfylkingar.  Miðað við stöðuna í þjóðfélaginu, þá skil ég ekki að þau hafi náð að bæta við sig tveimur þingsætum.  Vissulega áttu þau ekki bæði sætin skilið, þar sem atkvæðamagn þeirra gefur þeim bara 19 sæti.  Kosningakerfið tók eitt af ykkur.

Nú verðið þið að láta vel í ykkur heyra inni á þingi og í þjóðfélagsumræðunni.

[Marinó G. Njálsson, 26.4.2009 kl. 19:08]

Svo er náttúrulega áhugavert að benda á, að stjórnarflokkarnir eru með 51,5% atkvæða sem ætti bara að gefa 32 þingmenn (!), ekki 34.

[Ómar Ingi, 26.4.2009 kl. 19:12]

Já til hamningju Baddi minn með þessa kosningu , en af hverju er fólk að tala um Ástþór sleppum því algerlega.

[Ólafur Tryggvason Þorsteinsson, 26.4.2009 kl. 21:52]

Baldvin, til hamingju með þó 4 menn. Verst að þú skildir ekki vera einn þeirra. Mér líst því miður takmarkað á þá sem komust inn og tel að það hefði verið til mikilla bóta að hafa málsvara á borð við þig.

[Stefán Óli Sæbjörnsson, 27.4.2009 kl. 00:57]

Má bjóða yður epli

Til hamingju með flokkinn.

[Guðrún María Óskarsdóttir., 27.4.2009 kl. 02:34]

Sæll vertu.

Hafa skal það sem sannara reynist og þín skoðun sem þú hér setur fram um Ástþór Magnússon ,er þér litt til sóma, en því miður í ætt við þann niðurrifshernað sem sú hreyfing sem þú tilheyrir hefur orðið uppvís að iðka sjálfum sér til framdráttar á hinu pólítiska sviði og skilað hefur þingmönnum á þing.

Þeir sem ekki þola lýðræðið og geta sett fram skoðanir málefnalega,  ættuekki að telja sig boðbera þess.

Ástþór var einn talsmanna okkar framboðs, með þann tilgang i farteskinu eins og við hin að þróa lýðræði á Íslandi.

Viltu ekki ráðast næst á mig  ?

kv.Guðrún María.

[Guðrún María Óskarsdóttir., 27.4.2009 kl. 02:35]

Afsakið orðin ættu ekki fóru óvart saman.

[Stefán Óli Sæbjörnsson, 27.4.2009 kl. 08:25]

Úr texta Baldvins sem er nú stuttur er ansi langsótt að tala um árásir, ekki hef ég hugmynd um hvaða niðurrifshernað þú ert að tala um en,auðvitað mikill biturleiki hjá ykkur, í garð þessarar velheppnaðrar hreyfingu og þið hefðuð getað lært svolítið haf henni.

Eina setningin til Ástþórs er þessi "Ástþór er hins vegar svo upptekinn við að kenna einhverjum um allar eigin ófarir að honum er að virðist byrgð sýn á raunveruleikann og eigin aðkomu að hlutunum."

Þetta er einfaldur sannleikur sem þú virðist vera að undirstrika. 

[Baldvin Jónsson, 27.4.2009 kl. 09:01]

Hvergi hef ég séð þig Guðrún María tala niður til Borgarahreyfingarinnar fyrr en hérna núna og ég hef ekki séð neinar ástæður til þess að vera að finna eitthvað að þér. Þvert á móti hefur mér fundist framkoma þín og talandi sjálfri þér til sóma.

Ef þú getur bent mér á hvar ég er að ljúga í þessari færslu þætti mér hins vegar vænt um það.

Ef Ástþóri hugnaðist svona vel að beita sér fyrir lýðræðisumbótum þykir mér furðulegt að hann skyldi eyða orku sinni svona mikið í Borgarahreyfinguna, sem að var að berjast fyrir afar svipuðum málefnum og gekk vel á endanum.

[Freyr Hólm Ketilsson, 27.4.2009 kl. 09:32]

Til hamingju með frábæran árangur Baddi.
Vekur spurningar að hreyfng sem þarf 1800 meðmælendur skuli einungis fá 1100 atkvæði.

Því miður þá sjá sumir ekki skóginn fyrir trjám.
Vona að Ástþór fari nú að sjá að þjóðin nennir ekki þessu brambölti hans lengur.

[Adriana Karolina Pétursdóttir (IP-tala skráð) 27.4.2009 kl. 09:33]

Baldvin til hamingju með árangur Borgarahreyfinguna. 4 eru meiri en engin
og það ætti að teljast sigur miðað við hversu nýtt þetta framboð er. Nú á
stefna borgarahreyfingunnar að vera að styrkja sig og fá fleiri inná þing í
næstu kosningum.

Fá fleiri góða menn og konur úr mismundandi stöðum þjóðfélagsins til ykkar
hreyfingar. Spurning er um að koma og skrá mig hjá ykkur. Hehe. Því ég
efast ekki um að þið náið enn hærra fylgi í næstu kostningum, þegar tíminn
fer að vinna með ykkur en ekki á móti.

Gangi þér vel , Baldvin og sjáumst í skólanum.

[Arnar Geir Kárason (IP-tala skráð) 27.4.2009 kl. 12:13]

Mér fannst það bara fyndið og það vakti mikla lukku hjá mér í gærkvöldi þegar Sigmar sagði við Ástþór eftir að hann lét ræpuna ganga í 3 skiptið án þess að stoppa þegar honum vart gert það til.

Ástþór núna ertu búinn að fara í forsetaframboð og alþingisframboð með litlum árangri, hefur það hvarflað að þér að kannski vill fólk ekkert með þig hafa í stjórnmálum!

Þessi maður má eiga það að hann er hugmyndaríkur og hann hefur stofnað mörg fyrirtæki sem hafa farið vel af stað.  En hann hefur líka stýrt þeim öllum í þrot þar sem hann KANN ekki að reka fyrirtæki.

[Ágúst Guðbjartsson, 27.4.2009 kl. 13:15]

Æ veistu Ástþór skiptir ekki máli, og það er bara best að gleyma honum.

Úrslitin voru góð og nú skiptir framtíðin máli,

Þingmenn Borgarahreyfinginn þurfa að koma vel stilltir til leiks og berjast fyrir málefnum hreyfingarinnar.

[X-X (IP-tala skráð) 27.4.2009 kl. 14:16]

Hvað verður fyrsta mál X-O að leyfa Föngum að kjósa ?

Þessi flokkur verður ekki til eftir næstu kosningar þar sem hann hefur ekkert

að gera á þingi frekar enn Frjálslyndir ...

[Haraldur Hansson, 27.4.2009 kl. 14:40]

Til hamingju með árangurinn.

Veit ekki hvort kaldhæðni sé rétta orðið, en Borgarahreyfingin sem stofnuð er m.a. til höfuðs spillingu og óréttlæti, er það framboð sem tapar mestu á óréttlætinu í misvægi atkvæða. O-listinn er með fylgi fyrir 5 þingmönnum en fékk bara 4. Eins er Framsókn með manni of lítið samkvæmt fylgi. D og S græddu "aukamann" á misvæginu.

[Baldvin Jónsson, 27.4.2009 kl. 15:16]

Takk Haraldur. Já, við vissum alla leiðina að fylgið okkar yrði lang mest í Rvk og Kraganum og því var ljóst að við myndum ekki njóta atkvæðamagnsins til jafns á við aðra. Ég var hins vegar undrandi á því að þetta gagnaðist ekki Framsókn betur, hef alltaf talið þá sterkari á landsbyggðinni.

En þó að þetta sé augljóslega ekki forgangsmál núna, er þetta eitthvað sem þarf að breyta. Ekki okkar vegna í Borgarahreyfingunni, heldur lýðræðisins vegna.

[Landfari, 28.4.2009 kl. 11:40]

Án þess að ég hafi fylgst með öllum umræðunum fyrir þessar kosningar þá fannst mér Ástþór ekkert sérstaklega vera að höggva í Borgarahreyfinguna. Mér fannst gagnrýni hans aðallega beinast að Ríkisjónvarpinu og starfsfólki þar fyrir mismunun. Það er kanski skiljanlegt að borgarahreyfingin taki það til sín þar sem þessir hópar skarast.

Því verður ekki neytað að Borgarahreyfingin fékk áberandi meiri tíma í sjónvarpinu en Lýðræðishreyfingin. Það þarf nú engann snilling til að sjá það.

Það er jú rétt hjá þér að Ástþór skaut á hann Þráinn fyrir að ætla að þyggja listamannlaun jafnframt þigfarakaupi.  Það gerði nú Fyrrverandi menntamálaráðherra líka og stór hluti kjósenda Borgarahreyfingarinnar með útstrikunum. 

Jafnframt því sem ég vil óska ykkur til hamingju með árangurinn vil ég leifa mér að vona að hann sé byggður á eigin verðleikum en ekki þöggun á öðrum sjónarmiðum sem mér finnst óþægilega margir af þínum stuðningsmönnum vilja viðhafa.