Horfði á Kastljósið í kvöld, aumingja Vilhjálmur kom skelfilega út þarna....

Vilhjálmur kemur skelfilega út úr þessum þætti.  Var fát á honum allan tímann og afskaplega ósannfærandi í öllu fasi.  Kemur fyrir eins og drukknandi maður að leita að síðasta hálmstráinu.

Bjarni hins vegar yfirvegaður.  Horfði ekki mikið til Vilhjálms og hafa menn viljað túlka það þannig að hann væri með sektarkennd gagnvart Villa.  Að mínu mati var eina ástæða þess að hann horfði ekki mikið til Vilhjálms sú, að honum bauð við pólitísku bullinu og lyginni sem að Villi jós yfir borðið.  Bjarni sat þarna hinn rólegasti og fór yfir það sem hafði gerst, var með skráð niður minnisatriði og undirrituð plögg af öllum málsaðilum, þ.á.m. af Vilhjálmi.

Er ekki mál að linni?  Þurfum við ekki öll bara að sætta okkur við það núna að sundurleitur hópur D fólks í borginni klúðraði þessu og Vilhjálmur, því miður, spilar afar stórt hlutverk í því klúðri sjálfur.  Vilhjálmur var líklega ekki, eftir allt saman, svikinn af B mönnum.

Hann fékk rýtinginn frá bræðrum sínum og systrum í D hópi.

Minnist þess ekki að hafa séð minnisblaðið

Athugasemdir

[Egill Rúnar Sigurðsson, 16.10.2007 kl. 00:58]

Heyr, heyr, nákvæmlega það sem mér hefur fundist að blasi við!

[Guðrún Birna le Sage de Fontenay, 16.10.2007 kl. 02:02]

Haha  ...nákvæmlega það sem ég hugsaði - hann er dauðfeginn að vera í viðskiptum en ekki pólitík.

[Gísli Bergsveinn Ívarsson, 16.10.2007 kl. 09:11]

Sitt sýnist hverjum

[Óskar, 16.10.2007 kl. 14:47]

Ég horfði á þetta, en ég fann enganvegin til með Villa og jafnvel þótt hann hafi endurtekið í sífellu að hann hefði enga ástæðu til að vera ekki hreinskilinn þá reyndi hann að tala í kringum allar óþægilegar spurningar ( sem sagt allar spurningar)

[Einar Ben Þorsteinsson, 17.10.2007 kl. 00:00]

Villi hefði reyndar ekki átt að gera sjálfum sér að koma þarna. Hann er búinn að vera hvort sem er.

[Baldvin Jónsson, 17.10.2007 kl. 00:21]

Sammála þér Einar með það, en held að Villi hafi séð þetta sem nauðsyn til að líta betur út t.d. gagnvart forystu Sjálfstæðisflokksins.  Sú hugmynd mistókst gjörsamlega.

[Hafsteinn Viðar Ásgeirsson, 20.10.2007 kl. 20:58]

Algerlega sammála þér Baldvin og fleirum hér, það var hinsvegar ekki annað hægt en að vorkenna Vilhjálmi aulaháttinn. Ömurlegur endir á pólitískum ferli sem hefur verið tiltölulega hagfelldur, fyrir hann og flokkinn.