REYKJAVÍKURFRAMBOÐIÐ vill auka völd fólksins!

Ég veit það hreinlega ekki hvort að þinghald eigi að vera almennt opið eða lokað. Ég hef ekki tekið afstöðu til þess og tel það ekki augljóst. Gæti vel séð hvernig eðlilegt sé að það sé lokað til dæmis í tilfellum þar sem ákærði fer fram á það.

Aukið íbúalýðræði og bein þátttaka almennings er eitthvað sem að ég vil berjast fyrir. Það virðist oft þessa dagana sem að baráttan blandist mörgum hlutum og á mörgum stöðum. Kerfið berst á móti og höktir verulega. Kerfið vill að virðist ekki afhenda hluta af völdum sínum öðrum. Kerfið virðist gjarnan vera mest í því að viðhalda sjálfu sér.

Baráttan mín og ástríða fyrir breytingum er nú komin inn á sveitarstjórnarstigið. En þar er kerfið eins og annarsstaðar. Það vill aðkomu almennings sem minnsta. Þessu verður að breyta. Við verðum að berjast fyrir því að koma hér á virkara íbúalýðræði með beinni aðkomu fólksins að ákvörðunum. Á sveitarstjórnarstiginu á þetta augljóslega við um nær umhverfi til dæmis. Það þarf að koma á sjálfstæðum hverfaráðum, kjörnum af fólkinu í hverfinu, sem að hafa fjárhagslegt sjálfstæði og völd til ákvörðunartöku í eigin málefnum.

Kerfið er orðið að skrímsli sem við þurfum að hætta að fóðra.

 

Lokað þinghald kemur til álita

Athugasemdir

[JR (IP-tala skráð) 13.5.2010 kl. 20:56]

Segi það einu sinni enn, þetta framboð er það vitlausasta sem fram hefur komið í íslenskri pólitík !

Hugsið í 101 !!!!

Eruð 101 !!!

Þarna eru samankomnir sjálfstæðismenn ,sem ekki þora að vera með sjálfstæðisflokknum, vegna glæpastimpils á sjálfstæðisflokknum !

Auðvitað er kosningaskrifstofa ykkar á grasbala í Vatnsmýrinni , er það ekki ?

[Haukur Nikulásson, 13.5.2010 kl. 22:13]

JR, mér sýnist í fljótu bragði tilgangslaust að nokkur svari þér hérna. Þú notar svo mörg upphrópunarmerki að það er líkast því að þú sért að reyna að garga hástöfum á Baldvin. Ég er líklega eins mikið ekki 101 og hugsast getur. 101 er ekki meira aðalatriði framboðsins frekar en önnur hverfi borgarinnar. Alhæfingin um Sjálfstæðismennina á heldur ekki við, það get ég upplýst. Þarna er fólk sem kemur úr öllum öðrum flokkum sem njóta ekki lengur okkar trausts. Kosningaskrifstofan okkar verður í Glæsibæ (R-104) sem einhver snillingur sagði að væri nokkurn veginn miðja Reykjavíkur. Hver viðmiðunin var man ég ekki lengur, annað hvort landfræðileg eða út frá mannfjöldadreifingu borgarinnar.

[Sigurður Grétar Guðmundsson, 14.5.2010 kl. 10:44]

Einhver ömurlegasta "klisja" í opinberri umræðu um stjórnmál er þessi "að færa valdið til fólksins". Mér vitanlega hefur "fólk" engan einn samstilltan vilja og vissulega fær "fólkið" sem eru ég og þú og allir hinir þetta vald þegar það kýs einstaklinga eða flokka til að fara með valdið í umboði okkar. Ef allir stjórnmálaflokkar, ef allir þingmenn eru algjörlega ómögulegir til að fara með valdið hverjir hafa þá brugðist? Þeir að sjálfsögðu en ekki síður "fólkið" sem fékk það vald í hendur að kjósa þá.

En þeir sem hafa ekkert frumlegra og ferskara fram að færa en klisjuna "að færa  valdið til fólksins" virðast vera jafn steingeldir hugsjónalaga séð og það lið sem fyrir situr á bekknum.

Ég held að nýjir angurgapar séu ekki hætis hót skaárri en þeir gömlu eða hvernig fór með Borgarahreyfinguna? Klofnaði hún ekki í startinu? Runnu ekki þingmenn Hreyfingarinnar í sömu hrossakaupahjólförin og þeir sem fyrir voru um leið og þeir settust í stólana á Alþingi?

[Baldvin Jónsson, 14.5.2010 kl. 12:15]

Það má vel vera Sigurður Grétar að þér þyki það klisjukennt, en þetta er engu að síður breytingar sem að ég og hundruðir annarra í fjölmörgum ólíkum hópum höfum verið að berjast fyrir frá því í upphafi árs 2009.

Það eru hins vegar margir flokkar farnir að nota þetta hugtak mjög skopskælt til þess að reyna að slá einhverjar pólitískar keilur. Hugmyndin snýst ekki um það að "leyfa fólkinu að vera aðeins meira með" eins og mér finnst margar þessar yfirlýsingar fjórflokksins bera með sér. Það er móðgun við baráttuna. Hugmyndin snýst um að við sem borgarar tökum meiri ábyrgð og fáum í hendurnar aukin völd til ákvarðanatöku.

Mín kynslóð ólst upp við það að hugsa lítið um pólitík. Það voru einhverjir í því að sjá um það allt saman. Það hefur nú aldeilis komið í bakið á okkur afskiptaleysið og mikilla breytinga er þörf.

Borgarahreyfingin klofnaði ekki í startinu nei, hún klofnaði þegar að von var á peningum fyrir góðan árangur í kosningum og sumum hverjum fannst þeir ekki hafa fengið næga "virðingu" eða athygli. Það voru ekki þingmennirnir sem sköpuðu sundrunguna, þeim var hins vegar ekki sætt þar lengur þegar að ljóst var að fjölmargir áhrifamiklir aðilar innan Borgarahreyfingarinnar ætluðu sér að nota krafta sína í að vinna gegn þeim.

[Haukur Gunnarsson, 16.5.2010 kl. 20:22]

Bara blekking, þið viljið meiri vöd sjálfir, ekki að fólkið út í bæ fái að ráða. Þið eruð næstum aumkunarverðari en Besti flokkurinn

[Sif Traustadóttir (IP-tala skráð) 19.5.2010 kl. 20:57]

JR:  Þú ert hugleysingi sem kastar skít en þorir ekki að koma fram undir nafni.  Það sem þú segir er bara bull, fólkið á lista reykjavíkurframboðsins býr ekki í 101 frekar en öðrum hverfum borgarinnar og ber ekki hag einstakra hverfa fram yfir annarra.  Ég sit á lista reykjavíkurframboðsins en hef aldrei kosið sjálfstæðisflokkinn á ævinni, það kemur þó ekki í veg fyrir að ég geti unnið með fólki sem hefur gert það.

Sigurður Grétar:  Leitt að þú skulir vera svona neikvæður gagnvart fólki sem hefur áhuga á að taka þátt í stjórnmálum.  Vonandi er þetta ekki allt glatað í Þorlákshöfn og þú finnir einhvern þar sem þú getur treyst fyrir atkvæðinu þínu í kosningunum.

Haukur:  Þú hatar augljóslega alla sem ekki eru sjálfstæðismenn.  Þið JR eruð greinilega góðir saman og standið alltaf með ykkar flokki hvað sem á dynur.

Á lista reykjavíkurframboðsins er venjulegt fólk úr öllum hverfum og með mismunandi bakgrunn í stjórnmálum.  Við teljum okkur ekki vera neitt sérstaklega valdasjúk, en langar að leggja okkar af mörkum í þágu borgarinnar okkar.